بنگلورو: چلومے کے سربراہ نے ووٹرلسٹوں میں چھیڑچھاڑ کا اعتراف کیا؟

Source: S.O. News Service | Published on 23rd November 2022, 11:38 AM | ریاستی خبریں |

بنگلورو، 23؍ نومبر(ایس او  نیوز) ووٹرلسٹوں میں مبینہ چھیڑ چھاڑ کے الزام میں گرفتار چلومے نامی این جی او کے سربراہ روی کرشنا نے پولیس کی پوچھ تاچھ کے دوران ووٹرلسٹوں میں غیر قانونی طورپر ناموں کی شمولیت اوراخراج کا اعتراف کرلیا ہے- روی کرشنا کو گرفتارکرنے کے بعد پولیس نے اپنی تحویل میں لے کر شہرکے السور گیٹ پولیس تھانے میں اس سے کافی سختی سے پوچھ تاچھ کی تو اس نے یہ مانا ہے کہ ووٹرلسٹوں میں ناموں کی شمولیت اوراخراج کیلئے اس نے اپنے کارکنوں کا استعمال کیا اور اس کے عوض ہر کارکن کو مقررہ رقم ادا کی جاتی - نئے ووٹرکی نشاندہی کے عوض 13 روپئے ادا کئے جاتے اور ایسے ووٹر جو فہرست میں ہیں مگر اپنے مقام پر نہیں ان کے ناموں کی نشاندہی اور اخراج کے عوض 25 روپئے ادا کرتے -اس دوران پولیس نے معاملے کی جانچ کو آگے بڑھاتے ہوئے چلومے کے ایڈمنسٹریٹر کے ایم لوکیش کو گرفتارکرلیا ہے-ڈپٹی کمشنر آف پولیس سرینواس گوڈا نے بتایا کہ آج شام لوکیش کو گرفتارکرنے کے بعد اسے مجسٹریٹ کے سامنے پیش کیا گیا اور پوچھ گچھ کیلئے اسے پولیس کی تحویل میں لے لیا گیا ہے-اس معاملے میں پولیس مزید ملزمین کی بھی تلاش کررہی ہے - معاملہ سامنے آنے کے بعد سے ہی پولیس لوکیش کی تلاش کررہی تھی، یہ شبہ کیا جارہا تھا کہ چلومے کی تمام سرگرمیوں کا مالی لین دین لوکیش ہی کررہاتھا-چلومے کیلئے موبائل ایپ ڈیجیٹل سمیکشا تیار کرنے والی کمپنی کے انجینئروں سدیپ شٹی اوردیگر کی تلاش بھی جاری ہے - شہر کے پولیس کمشنر پرتاپ ریڈی نے اس معاملے میں منگل کے روز ریاست کے چیف الیکٹورل آفیسر منوج کمار مینا سے ملاقات کی اور ووٹرلسٹوں میں چھیڑ چھاڑ کے معاملے کی جانچ میں ہوئی پیش رفت کے بارے میں ان سے تبادلہئ خیال کیا -

ایک نظر اس پر بھی

پاکستان زندہ با د نعرہ کا معاملہ؛ بی جے پی شکست کی مایوسی میں توڑ مروڑ کر پیش کر رہی ہے: ڈی کے شیو کمار

ریاستی نائب وزیر اعلیٰ ڈی کے شیو کمار نے کہا کہ ودھان سودھا میں کسی نے پاکستان زندہ باد کا نعرہ نہیں لگایا۔ اگر وہ پاکستان کی حمایت میں نعرہ بازی کرتے ہوئے چیختے ہیں تو پولیس انہیں لات مار کر اندر ڈال دے گی۔

سائنسی طور پر تصدیق ہوئی تو مجرم کے خلاف قانونی کارروائی کی جائے گی، پاکستان ، یانصیرصاب زندہ باد: ایف ایس ایل سے تحقیق: پرمیشور

ریاستی وزیر داخلہ جی پرمیشور نے کہا کہ ودھان سودھا میں پاکستان زندہ بعد نعرہ بازی کے معاملہ میں پولیس نے از خود شکایت درج کرتے ہوئے کارروائی کی ہے۔ایف ایس ایل کی جانب سے سائنسی بنیاد پر تفتیش کی جارہی ہے۔

ملک کے نازک حالات میں مسلمان پاکستان زندہ کا نعرہ لگانے کی جرأت نہیں کرسکتا!یہ سب گودی میڈیا کی کارستانی ہے،دونوں ایوانوں میں ہنگامے

راجیہ سبھا انتخاب کا نتیجہ ظاہر ہونے کے بعد و دھان سودھا کے لاؤنج میں راجیہ سبھا کے لئے منتخب ہونے والے کانگریس امیدوار ڈاکٹر سید نصیر حسین کے حامیوں نے جشن منایا۔

یلاپور ایم ایل اے ہیبار نے دیا بی جے پی کو شاک ؛ کیا ہیبّار کانگریس میں شامل ہوں گے ؟

پچھلے کچھ دنوں سے یلاپور حلقہ کے ایم ایل اے شیو رام ہیبار کے تعلق سے افواہیں چل رہی تھیں کہ وہ بی جے پی سے واپس کانگریس میں لوٹنے کے لئے پر تول رہے ہیں ۔ اب شیورام ہیبار نے راجیہ سبھا کے لئے اراکین کے انتخاب کے موقع پر اسمبلی سے غیر حاضر رہتے ہوئے بی جے پی کو براہ راست شاک دے دیا ہے ...

ٹمکور ومیں سرجری کے بعد تین خواتین کی موت کا معاملہ ۔ گائنا کالوجسٹ سمیت تین افراد ملازمت سے برطرف

علاج میں کو تاہی کی پاداش میں محکمہ صحت کی کارروائی بروز منگل ایک گائنا کالوجسٹ اور عملے کے دو ارکان کو پاؤ گڑھ ٹاؤن کے ماں اور بچے کے اسپتال میں زیر علاج تین زچہ خواتین کی موت کے معاملہ میں ملازمت سے برخاست کرنے کا حکم دیا گیا۔