مرڈیشور سے میسور ہوتے ہوئے بینگلورو کے لئے نئی ٹرین کی آج سے ہوئی شروعات

Source: S.O. News Service | Published on 17th September 2023, 6:12 PM | ساحلی خبریں | ریاستی خبریں |

بھٹکل،17 / ستمبر (ایس او نیوز)   ملک کے معروف سیاحتی مقام مرڈیشور سے  میسور ہوتے ہوئے بینگلورو  کے لئے نئی  ایکسپریس ٹرین کی   آج اتوار 17 ستمبر سے شروعات کی گئی ہے جو ہفتے  میں ساتوں دن چلے گی۔

اُترکنڑا  ریلوے  سمیتی اور کنداپور ہیتارکھشنا سمیتی کے ذمہ داران نے بتایا کہ   اُن کی مشترکہ کو ششوں  کے نتیجے میں  اُترکنڑا کے  مرڈیشور سے میسور کے لئے پہلی ٹرین سروس  کی شروعات کی گئی ہے جو  مرڈیشور سے بھٹکل، کنداپور، اُڈپی اور مینگلور ہوتے ہوئے میسور جائے گی اور میسور سے یہ ٹرین بینگلورو پہنچے گی۔  نئی  ٹرین کو ہری جھنڈی دکھانے کے لئے  مرڈیشور ریلوے اسٹیشن پر موجود  دونوں کمیٹیوں کے ذمہ داران  کا کہنا تھا کہ کونکن ریلوے سے زیادہ تر فائدہ صرف ریاست کیرالہ کو پہنچ رہا ہے  حالانکہ کرناٹک  والوں نے بھی کونکن ریلوے پروجکٹ کے لئے اپنی زمینات دی ہیں۔ اس لئے ضروری ہے کہ  کرناٹک  کے عوام کو بھی کونکن ریلوے  سے فائدہ پہنچے۔ مرڈیشور ایک اہم سیاحتی مقام ہے  اور یہاں سے   ریاست کی راجدھانی کو جوڑنے کے لئے ٹرین کی اشد ضرورت تھی جو آج پوری  ہو گئی ہے۔  اُترکنڑا ریلوے سمیتی والوں نے بتایا کہ ان کا اگلا نشانہ  اس ٹرین کو گوکرن تک توسیع دینا ہے کیونکہ گوکرن بھی کرناٹک کا اہم سیاحتی مقام ہے۔

Tourist Route Expanded: Murdeshwar-Bangalore via Mysore Train on daily basis inaugurated

    کونکن ریلوے کی  طرف سے  بتایا گیا ہے کہ  ہفتے میں چھ دن چلنے والی ٹرین نمبر 16585 بینگلورو کے سر۔ ویشویشوریا ٹرمنل سے نکل کر میسورو  ہوتے ہوئے منگلورو سینٹرل ٹرمنل تک پہنچتی تھی،  اب  اسی  ٹرین کو  مرڈیشور تک  توسیع دی گئی ہے اور اب یہ ٹرین ہفتے کے ساتوں دن چلے گی۔

اسی طرح ایکسپریس ٹرین نمبر 16586  جو  منگلورو سینٹرل سے بینگلورو کے لئے روانہ ہوتی تھی، اب یہ ٹرین  مرڈیشور سے اپنا سفر شروع کرے گی جس  کی شروعات آج یعنی 17 ستمبر سے  کی گئی ہے۔
    
 طے شدہ ٹائم ٹیبل کے مطابق ٹرین نمبر 16585 بینگلورو کے سر وشویشوریا ٹرمنل سے رات 8:15 بجے نکلے گی، رات 11:30 بجے میسور پہنچے گی، صبح 8:55 کو مینگلور پہنچے گی۔ مینگلور سینٹرل سے یہ ٹرین 9:20 کو نکلے گی،  10:32 کو سورتکل، 11:18کو  اُڈپی ، 11:54 کو کنداپور،  12:56 کو بھٹکل  اور دوپہر 1:35 کو مرڈیشور پہنچے گی۔

اسی طرح ایکسپریس ٹرین نمبر 16586 دوپہر 2:10  کو مرڈیشور سے نکلے گی، 14:22 کو بھٹکل،  15:08 کو کنداپور، 15:48 اُڈپی،  16:50 سورتکل اور 18:05 کو مینگلور پہنچے گی۔  مینگلور سے 18:35 کو نکلے گی اور دیر رات 3:15 کو میسور اور صبح 7:15 بجے بینگلور پہنچے گی۔ 
    
میسورو سے ہوکر گزرنے والی اس ٹرین کے لئے حسب سابق پڈیل اور میسورو میں اسٹاپ رہے گا ۔ اس کے علاوہ اضافی طور پر اب سورتکل، مُلکی، اڈپی، بارکور، کنداپور، بیندوراور بھٹکل میں بھی  اس ایکسپریس ٹرین کے لئے اسٹاپ رہے گا ۔
    
اس ٹرین میں 19 کوچ ہیں جس میں ایک فرسٹ کلاس اے سی، ایک ٹو ٹائر اے سی ، تین تھری ٹائر اے سی، 9 سلیپر کوچ، 4 جنرل بوگی اور دو ۔ایس ایل آر بوگیاں شامل ہیں ۔ 

مرڈیشور میں نئی  ٹرین کو ہری جھنڈی دکھانے  کے موقع پر کنداپور ہیتا رکھشنا سمیتی کے صدر گنیش پوترن، گوتم، ویویک نائک اور اُترکنڑا ریلوے سمیتی کے صدر راجو گاونکر،  جارج فرنانڈیز، ایس ایس  کامتھ ، شنکر دیواڑیگا اور دیگرکئی اراکین موجود تھے۔

 

ایک نظر اس پر بھی

بھٹکل میں ایک گھنٹے کی بارش میں خراب ہوگیا ٹرانسفارمر؛ کئی علاقوں میں بجلی سروس متاثر؛24مئی تک سروس درست ہونے کی توقع

بھٹکل میں  منگل کی شام کو ہوئی قریب ایک گھنٹے کی بارش میں  تعلقہ کے ہیبلے میں واقع  پانچ میگا واٹ ایمپئر کا ٹرانسفارمر خراب ہوگیا جس کی وجہ سے   شام سے ہی بھٹکل اندھیرے میں ڈوب گیا۔ رات قریب دوبجے جب بجلی بحال ہوئی تو پھر بجلی کی انکھ مچولی  کا سلسلہ شروع ہوگیا جس کے دوران پتہ ...

مرڈیشور میں سیاحوں کا بڑھتا ہوا ہجوم - گاڑیوں کی پارکنگ کے لئے ناکافی انتظامات سے عوام پریشان

گرمیوں کی چھٹی کی وجہ سے مرڈیشور کے سیاحتی مرکز آنے والے سیاحوں کی تعداد میں بے پناہ اضافہ ہوگیا ہے اور خاص کرکے سنیچر اور اتوار کے دن یہاں پاوں رکھنے کے لئے جگہ نہیں مل رہی ہے ۔ ہوٹل، لاڈجنگ، ہوم اسٹے ہر جگہ کمرے پوری طرح فل ہو گئے ہیں جس سے سیاحوں کو قیام کے لئے دشواریوں سے ...

بھٹکل جالی پٹن پنچایت کی ادھوری عمارت - ضائع ہو رہے ہیں کروڑوں روپئے

تقریباً 9 سال پہلے بھٹکل   جالی گرام پنچایت  کا درجہ بڑھاتے ہوئے اُسے  پٹن پنچایت میں تبدیل کیا گیا تھا مگر آج تک پٹن پنچایت کے دفتر کی عمارت تعمیری مرحلے میں ادھوری پڑی ہے اور اس پر خرچ ہوئے ایک کروڑ روپے ضائع ہوتے نظر آ رہے ہیں ۔

مشہور دلت شاعر اور مترجم لکور آنند یونیورسٹی کے قریب مردہ حالت میں پائے گئے

مشہور دلت شاعر ، مترجم اور ریسرچر لکور آنند گلبرگہ میں سینٹرل یونیورسٹی آف کرناٹک کے قریب مردہ حالت میں پائے گئے ہیں۔آنند، جن کی عمر 44 سال ہے، یونیورسٹی کے کنٹر دپارٹمنٹ میں پی ایچ ڈی اسکالر تھے۔مقامی افراد نے ان کی لاش کو دریافت کیا اور پولیس کو اس واردات کی اطلاع دی۔

میسور میں گیس لیک ہونے سے خاندان کے چار افراد کی دم گھٹنے سے ہوئی موت

میسور کے یرا گناہلّی میں ایک ہی خاندان کے چار افراد مشتبہ حالات میں مردہ پائے گئے، جن کے تعلق سے شبہ ظاہر کیا گیا ہے کہ گھر کے سلینڈر سے ایل پی جی گیس لیک ہونے سے ان  چاروں کی  نیند کی حالت میں ہی موت واقع ہوئی ہوگی۔

کرناٹک میں پی یو سی سال دوم کے دوسرے مرحلے کے نتائج کا اعلان؛ 35.25 فیصد طلبا ءکامیاب

تعلیمی  سال برائے 24-2023 کے پی یوسی سال دوم کے دوسرے مرحلہ کے امتحان کا نتیجہ شائع ہو گیا ہے ، صرف 35.25 فیصد  طلبا ء  ہی امتحان پاس کر پائے ہیں۔ ہمیشہ کی طرح اس بار بھی طالبات نے پی یوسی سال دوم کے امتحان کے دوسرے مرحلہ میں ممتاز نمبرات سے ٹاپ کیا ہے۔

کمارسوامی و ایچ ڈی ریونا دہشت گرد نہیں کہ ان کا فون ٹیپ کیا جائے؛ ڈی کے شیوکمار کا سخت جواب

کرناٹک کے نائب وزیر اعلیٰ ڈی کے شیو کمار نے سابق وزیر اعلیٰ کمارسوامی اور وزیر داخلہ ڈاکٹر جی پرمیشور نے کے ان الزام کو مسترد کر دیا ہے کہ ریاستی حکومت کی جانب سے ان کا فون ٹیپ کیا جا رہا ہے۔

بنگلورو رامیشورم کیفے دھماکہ کیس، رائے درگم ٹاؤن میں این آئی اے کی تلاشی کارروائی

  نیشنل انوسٹیگیشن ایجنسی(این آئی اے) نے  آندھراپردیش کے ضلع اننت پورمیں مختلف مقامات پر تلاشی لی۔ این آئی اے کے حکام نے رائے درگم ٹاؤن کے ناگولا باؤلی علاقہ میں ایک مکان میں تلاشی لی۔ ذرائع نے بتایاہے کہ بنگلوروکے رامیشورم کیفے دھماکہ کیس کے سلسلہ میں تحقیقاتی ایجنسی کے حکام ...

کمار سوامی کی پرجول ریونا سے وطن واپسی اور تفتیش میں تعاون کی اپیل

انڈین ایکسپریس نے رپورٹ کیا ہے کہ جنتا دل کرناٹک کے صدر اور سابق وزیر اعلیٰ کمارا سوامی ریونا نے پیر کو اپنے بھتیجے اور بی جے پی کے رکن پارلیمان پرجول ریونا پر زور دیا کہ وہ ہندوستان آئیں اوراپنے خلاف جنسی ہراسانی کے الزامات کی تفتیش میں تعاون کریں۔