بینگلورو میں شوہر نے بیوی کی انگلی کاٹ کر کھا لی، کیس درج

Source: S.O. News Service | Published on 3rd August 2023, 7:01 PM | ریاستی خبریں |

بینگلورو، 3/اگست (ایس او نیوز/ایجنسی) شوہر اور بیوی کے درمیان ہوئی  لڑائی کے دوران شوہر کے خلاف  اپنی بیوی کی انگلی نگلنے کے الزام میں معاملہ درج کیا گیا ہے۔ بتایا گیا ہے کہ لڑائی 28 جولائی کوہوئی تھی، مگر معاملہ  جمعرات کو  اس وقت سامنے آیا جب خاتون نے شوہر کے خلاف کونن کونٹے پولیس اسٹیشن میں معاملہ درج کرایا۔

پولیس نے ملزم شوہر وجے کمار کے خلاف کارروائی شروع کردی ہے۔ بتایا گیا ہے کہ پشپا کی شادی 23 سال قبل وجے کمار سے ہوئی تھی۔شادی کے بعد سے ملزم  مبینہ طور پر اپنی بیوی کو جسمانی اور ذہنی تشدد کا نشانہ بنارہا تھا۔جب تشدد حد سے  بڑھ گیا تو پشپا گھر سے نکل گئی اور الگ رہنے لگی۔28 جولائی کو وجے کمار نے پشپا کے گھر جا کر جھگڑا کیا۔ شکایت میں بتایا گیا  ہے کہ بحث کی گرمی میں اس نے اس کی بیوی کی بائیں ہاتھ کی  ایک انگلی کاٹ کر کھا لی۔ملزم نے  اس  دوران بیوی کو جان سے  مارنے کی   دھمکی بھی دی۔واقعے کے بعد خاتون نے پولیس میں شکایت درج کرائی ۔ پولس معاملے کی چھان بین کررہی ہے۔

ایک نظر اس پر بھی

بی جے پی نے کانگریس ایم ایل اے کو 50 کروڑ روپے کی پیشکش کی؛ سدارامیا کا الزام

کرناٹک کے وزیر اعلی سدارامیا نے ہفتہ کو بھارتیہ جنتا پارٹی (بی جے پی) پر الزام لگایا کہ وہ کانگریس کے اراکین اسمبلی کو وفاداری تبدیل کرنے کے لیے 50 کروڑ روپے کی پیشکش کرکے 'آپریشن لوٹس' کے ذریعے انکی حکومت کو غیر مستحکم کرنے کی کوششوں میں ملوث ہے۔

لوک سبھا انتخاب 2024: کرناٹک میں کانگریس کو حاصل کرنے کے لیے بہت کچھ ہے

کیا بی جے پی اس مرتبہ اپنی 2019 لوک سبھا انتخاب والی کارکردگی دہرا سکتی ہے؟ لگتا تو نہیں ہے۔ اس کی دو بڑی وجوہات ہیں۔ اول، ریاست میں کانگریس کی حکومت ہے، اور دوئم بی جے پی اندرونی لڑائی سے نبرد آزما ہے۔ اس کے مقابلے میں کانگریس زیادہ متحد اور پرعزم نظر آ رہی ہے اور اسے بھروسہ ہے ...

تعلیمی میدان میں سرفہرست دکشن کنڑا اور اُڈپی ضلع کی کامیابی کا راز کیا ہے؟

ریاست میں جب پی یوسی اور ایس ایس ایل سی کے نتائج کا اعلان کیاجاتا ہے تو ساحلی اضلاع جیسےدکشن کنڑا  اور اُ ڈ پی ضلع سر فہرست ہوتے ہیں۔ کیا وجہ ہے کہ ساحلی ضلع جسے دانشوروں کا ضلع کہا جاتا ہے نے ریاست میں بہترین تعلیمی کارکردگی حاصل کی ہے۔

این ڈی اے کو نہیں ملے گی جیت، انڈیا بلاک کو واضح اکثریت حاصل ہوگی: وزیر اعلیٰ سدارمیا

کرناٹک کے وزیر اعلیٰ سدارمیا نے ہفتہ کے روز اپنے بیان میں کہا کہ لوک سبھا انتخاب میں این ڈی اے کو اکثریت نہیں ملنے والی اور بی جے پی کا ’ابکی بار 400 پار‘ نعرہ صرف سیاسی اسٹریٹجی ہے۔ میسور میں صحافیوں سے بات کرتے ہوئے سدارمیا نے یہ اظہار خیال کیا۔ ساتھ ہی انھوں نے کہا کہ ...