بنگلورو: گاہکوں کےکھاتوں سے رقم غائب ، بینک کی خاتون منیجر گرفتار

Source: S.O. News Service | Published on 31st January 2023, 12:49 PM | ریاستی خبریں |

بنگلورو، 31؍جنوری (ایس او نیوز؍ایجنسی )  پولیس نے رقمی دھوکہ دہی کے کیس میں آئی ڈی بی آئی بینک کی خاتون منیجر کو گرفتار کرلیا۔ پولیس کے مطابق 34سالہ ریلیشن شپ منیجر ساجیلہ نے کئی کھاتوں میں غیرقانونی طریقہ سے 4.92کروڑ روپئے منتقل کئے تھے۔

ساجیلہ کی پوسٹنگ آئی ڈی بی آئی بینک کی مشن روڈ شاخ میں تھی۔ پولیس نے 23لاکھ روپئے کے ایل آئی سی بانڈ اور جرم میں مستعملہ کمپیوٹر بھی برآمد کیا۔ پولیس کے مطابق کیس کی تحقیقات کیلئے ملزمہ سے پوچھ تاچھ جاری ہے۔

ٹاملناڈو سے تعلق رکھنے والی ساجیلہ نے جون 2022 سے دسمبر کے درمیان مشن روڈ شاخ میں کام کیا۔ اس دوران اس نے گاہکوں کے کھاتوں سے غیرقانونی طریقہ سے مختلف بینک کھاتوں میں رقم منتقل کی۔ یہ گاہکوں کے علم میں لائے بغیر کیا گیا۔

ساجلہ نے یہ یقینی بنایا کہ گاہکوں کے پاس رقم نکاسی کے پیغامات نہ پہنچیں۔ ملزمہ نے امیر گاہکوں کے کھاتوں کو نشانہ بنایا تھا۔ پولیس کے مطابق ساجلہ پہلے بھی ایسی دھوکہ دہی کرچکی ہے۔ ملزمہ نے 23/ دسمبر2022 کو 4.92کروڑ روپئے منتقل کیے تھے۔

یہ رقم ایل آئی سی بانڈ میں مشغول کی گئی تھی۔ آئی ڈی بی آئی بینک کے ڈپٹی منیجر سومیشور نے دھوکہ دہی کا پتا چلنے کے بعد اس ضمن میں سمپنگی رام نگر پولیس اسٹیشن میں شکایت درج کرائی تھی۔ شکایت کے بعد پولیس نے کیس کا معمہ حل کیا اور ملزمہ منیجر کو گرفتار کرلیا۔ خاتون ملزمہ پر دھوکہ دہی کا کیس درج کیا گیا۔

پولیس نے بتایا کہ ملزمہ ساجلہ نے پہلے بنگلورو میں گاندھی نگر شاخ میں کام کرتے ہوئے مبینہ طور پر گاہکوں کے کھاتوں سے 2.90 کروڑ روپئے اپنے کھاتے میں منتقل کیے تھے۔ جس کے بعد اس نے ایل آئی سی بانڈ میں رقم مشغول کی تھی۔ ساجلہ کے خلاف بنگلورو کے اُپرپیٹ پولیس اسٹیشن میں کیس درج کیا گیا تھا۔

ایک نظر اس پر بھی

پاکستان زندہ با د نعرہ کا معاملہ؛ بی جے پی شکست کی مایوسی میں توڑ مروڑ کر پیش کر رہی ہے: ڈی کے شیو کمار

ریاستی نائب وزیر اعلیٰ ڈی کے شیو کمار نے کہا کہ ودھان سودھا میں کسی نے پاکستان زندہ باد کا نعرہ نہیں لگایا۔ اگر وہ پاکستان کی حمایت میں نعرہ بازی کرتے ہوئے چیختے ہیں تو پولیس انہیں لات مار کر اندر ڈال دے گی۔

سائنسی طور پر تصدیق ہوئی تو مجرم کے خلاف قانونی کارروائی کی جائے گی، پاکستان ، یانصیرصاب زندہ باد: ایف ایس ایل سے تحقیق: پرمیشور

ریاستی وزیر داخلہ جی پرمیشور نے کہا کہ ودھان سودھا میں پاکستان زندہ بعد نعرہ بازی کے معاملہ میں پولیس نے از خود شکایت درج کرتے ہوئے کارروائی کی ہے۔ایف ایس ایل کی جانب سے سائنسی بنیاد پر تفتیش کی جارہی ہے۔

ملک کے نازک حالات میں مسلمان پاکستان زندہ کا نعرہ لگانے کی جرأت نہیں کرسکتا!یہ سب گودی میڈیا کی کارستانی ہے،دونوں ایوانوں میں ہنگامے

راجیہ سبھا انتخاب کا نتیجہ ظاہر ہونے کے بعد و دھان سودھا کے لاؤنج میں راجیہ سبھا کے لئے منتخب ہونے والے کانگریس امیدوار ڈاکٹر سید نصیر حسین کے حامیوں نے جشن منایا۔

یلاپور ایم ایل اے ہیبار نے دیا بی جے پی کو شاک ؛ کیا ہیبّار کانگریس میں شامل ہوں گے ؟

پچھلے کچھ دنوں سے یلاپور حلقہ کے ایم ایل اے شیو رام ہیبار کے تعلق سے افواہیں چل رہی تھیں کہ وہ بی جے پی سے واپس کانگریس میں لوٹنے کے لئے پر تول رہے ہیں ۔ اب شیورام ہیبار نے راجیہ سبھا کے لئے اراکین کے انتخاب کے موقع پر اسمبلی سے غیر حاضر رہتے ہوئے بی جے پی کو براہ راست شاک دے دیا ہے ...

ٹمکور ومیں سرجری کے بعد تین خواتین کی موت کا معاملہ ۔ گائنا کالوجسٹ سمیت تین افراد ملازمت سے برطرف

علاج میں کو تاہی کی پاداش میں محکمہ صحت کی کارروائی بروز منگل ایک گائنا کالوجسٹ اور عملے کے دو ارکان کو پاؤ گڑھ ٹاؤن کے ماں اور بچے کے اسپتال میں زیر علاج تین زچہ خواتین کی موت کے معاملہ میں ملازمت سے برخاست کرنے کا حکم دیا گیا۔