بینگلورو میں شدید برسات نے توڑا 133 کا ریکارڈ 

Source: S.O. News Service | Published on 3rd June 2024, 6:48 PM | ریاستی خبریں |

 بینگلورو ،3 / جون (ایس او نیوز) کرناٹکا کے ساحلی علاقے میں جنوب مغربی مانسون نے ابھی پوری طرح شروع بھی نہیں ہوا ہے کہ اس دوران بینگلور میں اتوار کی رات میں جو شدید بارش ہوئی ہے اس نے گزشتہ 133 سال کا ریکارڈ توڑ دیا ہے ۔
    
اتوار کی آدھی رات تک بینگلورو میں 111 ایم ایم برسات ہوئی ہے جو اس سے پہلے جون کے مہینے میں کسی ایک دن میں کبھی ریکارڈ نہیں ہوئی ہے ۔
    
محکمہ موسمیات کے افسران کا کہنا ہے کہ اس سے قبل 16 جون 1891 میں شہر میں ایک دن کے اندر 101.6 ملی میٹر بارش ریکارڈ کی گئی تھی ۔ تعجب خیز بات یہ بھی ہے کہ بینگلورو شہر کے لئے جون کے ایک مہینے کا کوٹا 110.3 ملی میٹر ہے اور اس بار یہ کوٹا صرف ایک ہی دن میں پورا ہوگیا ہے جبکہ گزشتہ دو دن میں یہاں 120 ایم ایم برسات ہوئی ہے ۔
    
محکمہ ریوینیو کے کرناٹکا اسٹیٹ نیچرل ڈیسیاسٹر مونیٹرنگ سینٹر (کے ایس این ڈی ایم سی) کا کہنا ہے کہ گزشتہ دو دنوں کے اندر بینگلورو کے مختلف حصوں میں معتدل اور شدید برسات ہوئی ہے ۔ سب سے زیادہ بارش ہمپی نگر میں ریکارڈ ہوئی جو 110.50 ایم ایم ہے ۔ کل شام سے تیز بارش اور ہواوں کے چلنے سے شہر کے الگ الگ علاقوں میں 100 سے زائد درخت جڑ سے اکھڑ گئے جبکہ پانچ سو سے زائد درختوں ٹہنیاں ٹوٹ کر سڑکوں، گھروں اور موٹر گاڑیوں پر گریں جس سے مختلف اثاثوں کو بڑا نقصان پہنچا ہے ۔ اس کے علاوہ بجلی  کی لائنیں ٹوٹنے کی وجہ سے  اس کی سپلائی بھی بہت زیادہ متاثر رہی اور شہر کے کچھ علاقوں میں پوری رات بجلی غائب رہی ۔ الیکٹرک کھمبے اکھڑنے کے علاوہ ٹرانسفارمرس اور سروس اسٹیشنوں میں خرابی پیدا ہونے کی وجہ سے بیسکام کو بھاری مالی نقصان ہوا ہے ۔ 
    
بینگلورو - میسورو ہائی وے پر ڈرینیج سسٹم صحیح نہ ہونے کی وجہ سے سڑک پر برسات کا پانی ابلنے لگا اور کئی جگہ پانی جمع ہوگیا جس سے موٹر گاڑیوں کی آمد و رفت میں خلل واقع ہوا ۔ 
    
محکمہ موسمیات نے الرٹ جاری کرتے ہوئے کہا ہے کہ آئندہ کچھ دنوں تک بینگلورو شہر پر بادل چھائے رہیں گے اور متعدل سے تیز برسات ہوگی۔

ایک نظر اس پر بھی

کرناٹک کے سابق وزیر اعلیٰ یڈ یورپا کے خلاف غیر ضمانتی گرفتاری وارنٹ جاری

کرناٹک کی ایک عدالت نے جمعرات کو سابق وزیر اعلی اور سینئر بی جے پی لیڈر بی ایس یڈیورپا کے خلاف POCSO کیس میں ناقابل ضمانت گرفتاری وارنٹ جاری کیا۔ یدی یورپا کے خلاف بچوں کے تحفظ سے متعلق جنسی جرائم ایکٹ (POCSO) کیس کی جانچ کر رہے کرمنل انویسٹی گیشن ڈیپارٹمنٹ (سی آئی ڈی) نے پہلے انہیں ...

کرناٹک کے سابق وزیر اعلیٰ یڈی یورپا کو سی آئی ڈی کا نوٹس، پوسکو معاملے میں تفتیش کے لیے طلب

سی آئی ڈی نے بی جے پی کے سینئر لیڈر اور کرناٹک کے سابق وزیر اعلیٰ بی ایس یڈ ی یورپا کو ان کے خلاف درج پروٹیکشن آف چلڈرن فرام سیکسوئل افینس ایکٹ (پوسکو) کیس میں تفتیش کے لیے طلب کیا ہے۔

سابقہ حکومت کی نجکاری پالیسی پر کانگریس نے وزارتِ اسٹیل کے نئے وزیر ایچ ڈی کمار سوامی سے پوچھے 5 سوالات

نئی تشکیل شدہ این ڈی اے حکومت میں ایچ ڈی کمار سوامی کو اسٹیل کی وزارت دی گئی ہے۔ ان کے اس عہدے پر فائز ہونے کے بعد کانگریس نے ان سے اس وزارت سے متعلق 5 سوالات پوچھے ہیں۔ کانگریس جنرل سکریٹری جے رام رمیش نے سوشل میڈیا پلیٹ فارم ’ایکس‘ کے اپنے اکاؤنٹ پر ایچ ڈی کمار سوامی سے یہ ...

کرناٹک میں کانگریس کی کارکردگی میں مزید بہتری کی ضرورت: ڈی کے شیوکمار

کانگریس کے زیر اقتدار کرناٹک کے نائب وزیر اعلیٰ ڈی کے شیوکمار نے کرناٹک میں کانگریس کی کارکردگی پر عدم اطمینان کا اظہار کیا ہے۔ انہوں نے کہا کہ کرناٹک میں انتخابی نتائج خطرے کی گھنٹی ہیں اور اس میں بہتری کی ضرورت ہے۔ خیال رہے کہ کرناٹک میں کانگریس کو 28 میں سے محض 9 سیٹیں ہی حاصل ...

جنسی استحصال و فحش ویڈیو معاملہ: عدالت نے پرجول ریونا کو 14 دنوں کے لیے عدالتی حراست میں بھیجا

کرناٹک کے فحش ویڈیو معاملے میں پھنسے جنتا دل سیکولر کے معطل لیڈر پرجول ریونا کو 42ویں اے سی ایم ایم کورٹ نے آج 14 دنوں کی عدالتی حراست میں بھیج دیا۔ یعنی اب وہ 24 جون تک جیل میں رہیں گے۔ اس معاملے کی جانچ کر رہی ایس آئی ٹی نے پیر کی صبح پرجول ریوناسے اپنی پوچھ تاچھ مکمل کر لی، اس ...