قبضہ جات ہٹانے بی بی ایم پی کے اقدامات ، 1,500کروڑ کی لاگت سے راج کا لوے کی مرمت کا فیصلہ

Source: S.O. News Service | Published on 8th September 2022, 11:15 AM | ریاستی خبریں |

بنگلورو،7؍ستمبر(ایس او  نیوز) بنگلوو شہر میں ہو رہی مو سلا دھار بارش کی وجہ سے ہو رہیپریشانی او ر وراج کا لوے میں پانی کے آسان بہاؤ میں رکاوٹیں پیدا کر رہے غیر قانونی قبضہ جات کو فوری ہٹانے کے لئے بروہت بنگلور مہا نگر پالیکے(بی بی ایم پی) نے فیصلہ لیتے ہو ئے قبضہ جات کو ہٹانے کا سلسلہ شروع کیا ہے۔

بی بی ایم پی حدود میں 840کلو میٹر لمبے راج کا لوے موجود ہیں ان میں سے400کلومیٹر لمبے راج کا لوے کی مرمت کی جا چکی ہے بقیہ راج کا لوے کی مر مت دو مرحلوں میں کرنے کا فیصلہ کیا گیا ہے۔پہلے مرحلہ میں 481.88کروڑ روپیوں کی لاگت سے47.49کلومیٹر اور دوسرے مرحلہ میں 1,005.12کروڑ روپیوں کی لاگت سے123.5کلو میٹر لمبے راج کا لوے کے مرمت کام شروع کیا جائے گا،جس کے لئے ایک جامع منصوبہ تیار کیا گیا ہے،اس منصوبہ کے لئے ٹکنیکی صلاح کمیٹی نے بھی منظور ی دی ہے۔بی بی ایم پی حدود میں داج کا لوے پر696غیر قانونی قبضہ جات کئے گئے ہیں انہیں ہٹانے کا کام باقی ہے۔

بنگلوروشہر میں بارش کی وجہ سے جو نقصانات پیش آتے ہیں اس پر قابو پانے کے مقصد سے 2016کے دوران محکمہ محصولات نے سروے کروایا تھا،جس کے تحت شیر میں 2,626مقامات پر موجود راج کا لوے پر غیر قانونی قبضہ جات کی نشاندہی کی گئی تھی،اس میں 2016-17کے دوران428،2018-19کے دوران1,502اور2020کے دوران714غیر قانونی قبضہ جات ہٹائے گئے ہیں،جبکہ696غیر قانونی قبضہ جات کو ہٹانا باقی ہے۔ اس دوران بی بی ایم پی ایسٹ زون 110،ویسٹ زون59،ساوتھ زون20،کورمنگلا3،یلہنکا96،مہا دیو پورہ136،مہا دیو پورہ(نیو)45،بومنہلی26، بومنہلی(نیو)66، راجا راجیشوری نگر9، داسرہلی126سمیت جملہ696غیر قانونی قبضہ جات کو ہٹانے باقی ہے۔

بتا یا جا تا ہے کہ رینبو لے آؤٹ میں چند افراد نقشہ کے خلاف ورزی کر تے ہو ئے عمارتیں تعمیر کر رکھے ہیں،جس میں 32مکانات راج کا لوے پر تعمیر کئے گئے ہیں۔بقیہ قبضہ جات کو فوری ہٹانے کے لئے درکار اقدامات کئے گئے ہیں۔شہر میں بارش کی وجہ سے راج کا لوے میں پانی کا بہاؤ اسان نہ ہو نے کی وجہ سے پانی سڑکوں پربہنے لگتا ہے جس کی وجہ سے پانی مکانوں میں داخل ہو نے لگا ہے،جس سے مقامی مکینو ں کو کافی پریشانی کا سامنا کرنا پڑ رہا ہے۔اس سلسلہ میں بی بی ایم پلاننگ شعبہ کے چیف انجینئر لوکیش نے بتا یا کہ راج کا لوے پر کئی گئی غیر قانونی قبضہ جات کو ہٹانے کا سلسلہ شروع کیا گیا ہے،دیگر قبضہ جات کو ہٹانے کے لئے درکار اقدامات کئے گئے ہیں۔

انہوں نے بتا یا کہ راج کا لوے کی مرمت اور ان کو ترقی دینے کے لئے1,500کروڑ روپیوں کا ایک جامع منصوبہ تیار کیا گیا ہے اس کے لئے ٹنڈر کی کارروائی بھی جاری ہے۔انہوں نے بتا یا کہ بارش کے دوران نشیبی علاقوں اور راج کا لوے کے اطراف واکناف موجود مکانوں میں پانی داخل ہو جاتا ہے جس کی وجہ سے کافی پریشانی اٹھانی پڑتی ہے،اس پر قابو پانے کے لئے حکومت نے راج کا لوے کی مرمت اور ان کی ترقی کے لئے1,500کروڑ روپئے کا فنڈ جاری کی ہے۔انہوں نے بتا یا کہ ایک جامع منصوبہ تیار کرکے اس کی منظوری کے لئے حکومت کو روانہ کیا گیا ہے۔

ایک نظر اس پر بھی

پاکستان زندہ با د نعرہ کا معاملہ؛ بی جے پی شکست کی مایوسی میں توڑ مروڑ کر پیش کر رہی ہے: ڈی کے شیو کمار

ریاستی نائب وزیر اعلیٰ ڈی کے شیو کمار نے کہا کہ ودھان سودھا میں کسی نے پاکستان زندہ باد کا نعرہ نہیں لگایا۔ اگر وہ پاکستان کی حمایت میں نعرہ بازی کرتے ہوئے چیختے ہیں تو پولیس انہیں لات مار کر اندر ڈال دے گی۔

سائنسی طور پر تصدیق ہوئی تو مجرم کے خلاف قانونی کارروائی کی جائے گی، پاکستان ، یانصیرصاب زندہ باد: ایف ایس ایل سے تحقیق: پرمیشور

ریاستی وزیر داخلہ جی پرمیشور نے کہا کہ ودھان سودھا میں پاکستان زندہ بعد نعرہ بازی کے معاملہ میں پولیس نے از خود شکایت درج کرتے ہوئے کارروائی کی ہے۔ایف ایس ایل کی جانب سے سائنسی بنیاد پر تفتیش کی جارہی ہے۔

ملک کے نازک حالات میں مسلمان پاکستان زندہ کا نعرہ لگانے کی جرأت نہیں کرسکتا!یہ سب گودی میڈیا کی کارستانی ہے،دونوں ایوانوں میں ہنگامے

راجیہ سبھا انتخاب کا نتیجہ ظاہر ہونے کے بعد و دھان سودھا کے لاؤنج میں راجیہ سبھا کے لئے منتخب ہونے والے کانگریس امیدوار ڈاکٹر سید نصیر حسین کے حامیوں نے جشن منایا۔

یلاپور ایم ایل اے ہیبار نے دیا بی جے پی کو شاک ؛ کیا ہیبّار کانگریس میں شامل ہوں گے ؟

پچھلے کچھ دنوں سے یلاپور حلقہ کے ایم ایل اے شیو رام ہیبار کے تعلق سے افواہیں چل رہی تھیں کہ وہ بی جے پی سے واپس کانگریس میں لوٹنے کے لئے پر تول رہے ہیں ۔ اب شیورام ہیبار نے راجیہ سبھا کے لئے اراکین کے انتخاب کے موقع پر اسمبلی سے غیر حاضر رہتے ہوئے بی جے پی کو براہ راست شاک دے دیا ہے ...

ٹمکور ومیں سرجری کے بعد تین خواتین کی موت کا معاملہ ۔ گائنا کالوجسٹ سمیت تین افراد ملازمت سے برطرف

علاج میں کو تاہی کی پاداش میں محکمہ صحت کی کارروائی بروز منگل ایک گائنا کالوجسٹ اور عملے کے دو ارکان کو پاؤ گڑھ ٹاؤن کے ماں اور بچے کے اسپتال میں زیر علاج تین زچہ خواتین کی موت کے معاملہ میں ملازمت سے برخاست کرنے کا حکم دیا گیا۔