بنگلورو:23؍ مئی (ایس اؤ نیوز ) آج کے بعد ریاست میں مارل پولسنگ کے نام پر ہنگامہ ، غنڈہ گردی کےلئے کوئی موقع نہیں ہوگا۔ اس سلسلے میں ہم نے پولس افسران کے ساتھ منعقدہ میٹنگ میں سخت ہدایات دی ہیں۔ ان خیالات کا اظہار وزیر اعلیٰ سدرامیا نے کیا۔

اعلیٰ پولس افسران کے ساتھ منعقدہ میٹنگ کے بعد اپنی سرکاری رہائش گاہ کرشنا میں پریس کانفرنس کے ذریعے وہ بات کررہے تھے۔ انہوں نےکہاکہ عوام دوست انتظام کرنے کےلئے پولس محکمہ سےکہاگیا ہے۔ جو کوئی شکایت درج کرنےپہنچتا ہے اس کے ساتھ بہتر سلوک کرنےکہاگیا ہے۔ غیر قانونی سرگرمیوں پر کڑی نگرانی رکھنے اور ازالہ کرنے کی ہدایت دی ہے ورنہ متعلقہ ڈی سی پی اور ایس پی کو ہی ذمہ داربنائے جانے کا انتباہ دیا۔ قانونی کارروائی کے دوران یہ مذہب، وہ مذہب نہیں دیکھاجائےگا، پوری عوام کو یکساں نظر سے دیکھنے اور رویہ برتنے کی ہدایات دئیے جانےکی جانکاری دی ۔