بنگلورو، 19/مئی (ایس او نیوز /ایجنسی) کرناٹک کی ہاسن سیٹ سے  رکن پارلیمنٹ اور بی جے پی کی انتخابی اتحادی جے ڈی ایس کے معطل امیدوار پرجول ریونا ان دنوں خبروں میں ہیں۔ اس کے خلاف گرفتاری کا وارنٹ جاری کیا گیا ہے۔ گزشتہ ماہ پرجول ریونا   پر جنسی طور پر ہراساں کرنے، سیکڑوں ویڈیوز ریکارڈ کرنے، دھمکیاں دینے اور سازش کرنے کا الزام لگایا گیا تھا۔ ریونا سے متعلق کئی وائرل ویڈیوز سامنے آنے کے بعد یہ معاملہ زور پکڑ گیا۔

 رپورٹ کے مطابق جنتا دل (سیکولر) کے معطل لیڈر پرجول ریونا  کے خلاف گرفتاری کا وارنٹ جاری کیا گیا ہے۔ جہاں کرناٹک کی ایس آئی ٹی نے عدالت سے رجوع کیا تھا اور پراجول ریوننا کے خلاف گرفتاری وارنٹ جاری کرنے کی اجازت مانگی تھی۔

کرناٹک میں لوک سبھا انتخابات سے ایک دن پہلے 26 اپریل کو ہاسن میں سینکڑوں پین ڈرائیوز کے ذریعے ویڈیوز شیئر کیے گئے۔ ان پین ڈرائیوز میں 2900 سے زیادہ ویڈیوز رکھنے کا دعویٰ کیا گیا تھا۔ ان ویڈیوز کو مبینہ طور پر پرجول ریونا   نے ریکارڈ کیا تھا۔ اس کے بعد انہیں سوشل میڈیا پر بھی شیئر کیا گیا۔ کرناٹک حکومت نے اس وقت اس معاملے کا نوٹس لیا جب ریاستی خواتین کمیشن کی سربراہ ناگلکشمی چودھری نے وزیر اعلیٰ سدارامیہ اور ڈی جی پی کو خط لکھا۔

دوسری جانب خواتین کمیشن کی سربراہ ناگلکشمی چودھری نے کہا تھا کہ ’’حاسن میں پین ڈرائیوز میں خواتین کی فحش ویڈیوز تقسیم کی جا رہی ہیں۔ یہ باتیں سوشل میڈیا پر بھی شیئر کی گئیں۔ خواتین کمیشن کو اس معاملے میں ایک پین ڈرائیو اور شکایت بھی موصول ہوئی ہے۔ اس پر خواتین کمیشن نے سی ایم اور پولیس کو لکھے خط میں ویڈیو ریکارڈ کرنے اور تقسیم کرنے والوں کے خلاف تحقیقات اور کارروائی کا مطالبہ کیا تھا جس کے بعد کرناٹک حکومت نے 27 اپریل کو ایس آئی ٹی تشکیل دی اور تحقیقات کا حکم دیا۔

قابل ذکر ہے کہ 33 سالہ پر پرجول ریونا  گوڑا خاندان کی تیسری نسل کے رکن ہیں۔ وہ کرناٹک کے سابق پی ڈبلیو ڈی وزیر ایچ ڈی ریونا کے بیٹے اور سابق وزیر اعلیٰ ایچ ڈی کماسوامی کے بھتیجے ہیں۔ ایچ ڈی ریونا سابق وزیر اعظم اور جے ڈی ایس سپریمو ایچ ڈی دیوے گوڑا کے بیٹے ہیں۔ جبکہ پرجول ریونا   ان کا پوتا ہے۔