امریکی ہاؤس اسپیکر نینسی پیلوسی سے ناراض چین نے اٹھایا سخت قدم

Source: S.O. News Service | Published on 5th August 2022, 8:29 PM | عالمی خبریں |

تائیوان،5؍اگست (ایس او نیوز؍ایجنسی) امریکی ہاؤس اسپیکر نینسی پیلوسی نے گزشتہ دنوں تائیوان کا دورہ کیا تھا جس سے چین بہت زیادہ ناراض ہے۔ اس کا اثر آج اس وقت دیکھنے کو ملا جب چینی وزارت خارجہ نے نینسی پیلوسی کے ساتھ ساتھ ان کے اہل خانہ پر بھی پابندی عائد کرنے کا اعلان کر دیا۔ چین نے ان پر سنگین فکر اور شدید مخالفت کی خلاف ورزی کا الزام عائد کیا ہے اور چین کے تائیوان والے علاقہ کا دورہ کرنے پر زور دیا۔

چینی وزارت خارجہ کی طرف سے جاری بیان میں کہا گیا ہے کہ یہ (نینسی پیلوسی کا دورۂ تائیوان) چین کے داخلی امور میں سنگین مداخلت ہے، چین کی سالمیت اور علاقائی اتحاد کو کمزور کرتا ہے، ’ایک چین‘ کے اصول کو روندتا ہے اور تائیوان اسٹریٹس میں امن و استحکام کے لیے خطرہ ہے۔

دراصل نینسی پیلوسی نے چین کی دھمکیوں کی پروا کیے بغیر گزشتہ ہفتہ کو تائیوان کا یک روزہ دورہ کیا تھا۔ اس دورے کے بعد سے چین بری طرح ناراض ہے اور دھمکی پر دھمکی دے رہا ہے۔ علاوہ ازیں پیلوسی کے تائیوان دورہ سے خفا چین نے یوروپین یونین میں شامل سات ممالک کے سفیروں کو طلب کیا ہے۔ چین نے ان لوگوں کے مشترکہ بیان کی مخالفت درج کرائی ہے۔ ان ممالک کی طرف سے مشترکہ بیان میں کہا گیا تھا کہ تائیوان کی سرحد پر چین کی فوجی ٹریننگ غلط ہے اور اسے فوری روک دینی چاہیے۔ دوسری طرف چین کا کہنا ہے کہ یہ بیان اس کے اندرونی معاملوں میں دخل اندازی ہے۔

دلچسپ بات یہ ہے کہ ایک طرف چین نے نینسی پیلوس پر پابندی عائد کر دی ہے، اور دوسری طرف پیلوسی نے جاپان کے وزیر اعظم فومیو کشیدا سے ملاقات کی ہے۔ پیلوسی سے ملاقات کے بعد کشیدا نے کہا کہ تائیوان کی طرف ہدف کردہ چین کی فوجی تربیت ایک سنگین مسئلہ کو ظاہر کرتی ہے، جس سے علاقائی امن و تحفظ کو خطرہ ہے۔ قابل ذکر ہے کہ جاپان کا یہ بیان ایسے وقت میں آیا جب چین کی طرف سے داغی گئیں پانچ بیلسٹک میزائلیں جاپان کے اسپیشل اکونومک زون میں گری تھیں۔

ایک نظر اس پر بھی

کانگریس کے رہنما ششی تھرور کو فرانس کی جانب سے اعلیٰ ترین شہری ایوارڈ سے نوازا گیا

معروف مصنف اور سفارت کار سے سیاستدان بننے والے ششی تھرور کو منگل (20 فروری) کو فرانس میں اعلیٰ ترین شہری اعزاز سے نوازا گیا۔ تھرور کو فرانسیسی سفارت خانے میں منعقدہ ایک تقریب میں فرانسیسی سینیٹ کے صدر جیرارڈ لارچر نے اپنے باوقار اعزاز ’شیویلئر ڈے لا لیجیئن ڈی آنر‘ سے نوازا۔ ...

غزہ میں جنگ بندی کی قرارداد پھر نامنظور، امریکی ویٹو کی ہیٹ ٹرک مکمل

رہاست ہائے متحدہ امریکہ نے منگل کے روز ایک بار پھر غزہ میں جنگ بندی کی قرارداد کو ویٹو کیا ہے۔ العربیہ کی رپورٹ کے مطابق، جنگ بندی کے لیے پیش کی جانے والی قرارداد میں مطالبہ کیا گیا تھا کہ اسرائیل اور حماس کے درمیان انسانی بنیادوں پر فوری 'سیز فائر' کروایا جائے۔ الجزائر کی طرف ...

اسرائیل کی غزہ پر جارحیت جاری:مرنے والوں کی تعداد 28 ہزارسے بھی کرگئی تجاوز، گزشتہ 24 گھنٹوں میں 117فلسطینی شہید

اسرائیل کی غزہ پرجارحیت جاری ہے جس کے ساتھ ہی مرنے والوں کی تعداد 28 ہزار سے بھی تجاوز کرچکی ہے۔ الجزیرہ نے وزارت صحت کے حوالہ سے خبردی ہے کہ گذشتہ24 گھنٹوں میں  117فلسطینی شہید ہوگئے ہیں جبکہ 152 زخمی ہوئے ہیں۔

عام انتخابات سے پہلے پاکستان کا بلوچستان مہلک دھماکوں سے لرز اٹھا؛دو دھماکوں میں 25 سے زائد لوگوں کی موت؛ کئی زخمی

پاکستان کے  بلوچستان کے اضلاع پشین اور قلعہ سیف اللہ میں انتخابی امیدواروں کے دفاتر کے باہر  ہوئے دھماکوں  میں  27  ا فراد جاں بحق اور 42 زخمی ہوگئے۔ جس میں بعض کی حالت نازک بتائی گئی ہے ۔

عمران خان اور بشریٰ بی بی کی شادی کو عدالت نے ’ناجائز‘ قرار دیا، سنائی 7-7 سال قید کی سزا

پاکستان کے سابق وزیر اعظم عمران خان کو آج پھر ایک بری خبر ملی۔ بشریٰ بی بی کے ساتھ ان کی شادی کو پاکستانی عدالت نے ناجائز یعنی غیر اسلامی قرار دے دیا ہے۔ اس کے ساتھ ہی عدالت نے عمران خان کے ساتھ ساتھ بشریٰ بی بی کو 7-7 سال قید کی سزا سنا دی ہے۔ یہ فیصلہ سینئر سول جج قدرت اللہ نے ...

ناروے: 30 سالہ تاریخ کے شدید ترین طوفان کے بعد چٹان کھسکنے، ژالہ باری اور موسلا دھار بارش کا خطرہ

جنوبی ناروے میں جمعہ کو حکام نے ژالہ باری اور چٹان کھسکنے جیسے واقعات کے متعلق عوام کو خبردار کیا ہے۔ اس خطے کے تمام ممالک میں خراب موسم کا قہر جاری ہے۔ ملک کے شمالی حصے میں حکام نے خدشہ ظاہر کیا کہ سڑکوں کو مختصر انتباہ کے بعد بند کیا جا سکتا ہے۔ واضح رہے کہ ۱۹۹۲ء کے بعد ناروے ...