الیکشن کا اعلان ہوتے ہی کرناٹک میں دَل بدلی کی کوشش کی الزام تراشیاں

Source: S.O. News Service | Published on 1st April 2023, 11:35 AM | ریاستی خبریں |

بنگلورو، یکم اپریل (ایس او نیوز/ایجنسی) کرناٹک اسمبلی انتخابات کا بگل بجتے ہی ریاست میں دل بدلی کے اندیشے بھی بڑھ گئے ہیں۔یہ صرف اندیشے ہی نہیں بلکہ کانگریس اور بی جے پی ایک دوسرے پر اس بات کا الزام بھی لگارہی ہیں کہ دوسری پارٹی ان کے ممبران اسمبلی کو اپنی پارٹی میں شامل کرنے کی کوشش کررہی ہے۔بدھ کو وزیراعلیٰ بسوراج بومئی نے دعویٰ کیا کہ کرناٹک میں کانگریس پارٹی کے ریاستی  صدر ڈی کے شیو کمار بی جے پی ایم ایل ایز پر پارٹی تبدیل کرنے کے لئے کہہ رہے ہیں۔بومئی نے کہا کہ’’میرے پاس جو معلومات ہے اس کے مطابق شیوکمار بی جے پی کے تمام ایم ایل ایز کو فون کر رہے ہیں کہ انہوں نے ان کے لیے ٹکٹ روک کر رکھے ہیں۔ وہ کانگریس کی ۱۰۰؍امیدواروں کی فہرست کے تعلق سے بات کررہے ہیں جس کا انہوں نے ابھی تک اعلان نہیں کیا ہے۔اس سے ان کی مایوسی ظاہر ہوتی ہے اور یہ بات بھی ظاہر ہوتی ہے کہ ان کے پاس مضبوط امیدوارنہیں ہیں۔‘‘

 اس بات کی حمایت کرتے ہوئے، باغبانی کے وزیر منی رتنا نےکہا کہ کانگریس کے لیڈرخاص طور پر ۱۷؍ باغیوں سے رابطے میں تھےجو۲۰۱۹ءمیںبی جے پی میں چلے گئے تھے۔ منی رتنا ان میں سے ایک تھے۔انہوں نے کہا کہ ’’وہ کسی بھی طرح ۱۷؍ لیڈروں کوواپس لانا چاہتےہیں۔میں سیاست چھوڑ دوں گا لیکن میں بی جےپی نہیں چھوڑوں گا۔جب ہم وہاں تھےتو کانگریس ہمارے ساتھ عزت سے پیش نہیں آئی۔بی جے پی نے ہمیں عزت دی ہے۔‘‘

 اس کی تردید کرتے ہوئے شیوکمار نے کہا کہ بی جےپی لیڈر کانگریس میں شامل ہونے کے لیے قطار میں کھڑے ہیں۔انہوں نے کہا،’’میں کسی کو نہیں بلا رہاہوں۔ بی جے پی لیڈرقطار میں کھڑے ہیں۔ ہمارےپاس ان کے لیے جگہ نہیں ہے۔‘‘شیوکمار نےزور دے کر کہا کہ بی جے پی، جس نے کانگریس اورجے ڈی (ایس) ایم ایل ایزکے ساتھ حکومت بنائی ہے، اس کے پاس غیر قانونی شکار پر تنقید کرنے کا کوئی اخلاقی حق نہیں ہے۔اسمبلی انتخابات سےقبل سابق وزراء پرمود مدھوراج، ورتورپرکاش، سابق ایم پی ایس پی مدہانومیگوڑا، سابق ایم ایل اے کے ایس منجوناتھ گوڑا سمیت دیگر نے بی جے پی میں شمولیت اختیار کی۔حال ہی میں،کانگریس نے بی جے پی کے بابو راؤ چن چنسر اور پوتنا کو اپنی پارٹی میںشامل کیا، جنہوں نے ایم ایل سی کے طور پر استعفیٰ دے دیا تھا۔ سابق ایم پی منجوناتھ کنور، سابق ایم ایل اے چنتامنی، ایم سی سدھاکراور۲۰۱۹ءکے جے ڈی (ایس) کے کے آر پیٹ سےامیدواربی ایل دیوراج نے کانگریس میں شمولیت اختیار کرلی ہے۔ ہاؤسنگ منسٹر وی سومنا بھی کانگریس میں شامل ہونے کے خواہشمند تھے۔ لیکن بعد میںانہوں نے بی جے پی میں ہی رہنے کا فیصلہ کیا ۔

 کانگریس نےاپنے ۱۲۴؍امیدواروں کی پہلی فہرست کا اعلان کیا ہے۔ دوسری فہرست کا اعلان رواں ہفتےکیےجانے کا امکان ہے۔ بی جے پی کی پہلی فہرست۷؍تا ۸؍اپریل کو متوقع ہے۔ دریں اثنا، جے ڈی (ایس)، جس نے سب سےپہلے ۹۳؍ ٹکٹوں کا اعلان کیا ہے، بقیہ حلقوں کے بارے میں فیصلہ کرنےکیلئے دونوں قومی جماعتوں پر نظر رکھے ہوئے ہے۔بیجاپور سٹی کے بی جے پی ایم ایل اے باسنا گوڑا پاٹل یتنال نے کہا کہ اس وقت کانگریس میں جانا بے وقوفی ہوگی۔ انہوں نے کہا،’’پہلے، انتخابات کی پیشین گوئیاں کانگریس کو برتری دکھاتی تھیں۔ اب، بی جے پی کو کم از کم۱۲۰؍ سیٹیں جیتنے کی امید ہے۔ اب جو بھی اپنی  پارٹی چھوڑتا ہے وہ اپنی قبر خود کھود رہا ہے۔‘‘وزیراعلیٰ بسوراج بومئی  نے کہا کہ ’’میرےپاس جومعلومات ہے وہ یہ ہے کہ شیوکمار بی جے پی کے تمام ایم ایل اے کو فون کر رہےہیں کہ انہوں نے ان کے لیے ٹکٹ روکے رکھے ہیں۔یہ کانگریس کی ۱۰۰؍امیدواروں کی دوسری فہرست کیلئےہےجس کا انہوں نے اعلان نہیں کیا ہے۔یہ ان کی مایوسی کی سطح کو ظاہر کرتا ہے اور یہ کہ ان کےپاس کوئی مضبوط امیدوار نہیں ہے۔‘‘

ایک نظر اس پر بھی

کرناٹک کے سابق وزیر اعلیٰ یڈ یورپا کے خلاف غیر ضمانتی گرفتاری وارنٹ جاری

کرناٹک کی ایک عدالت نے جمعرات کو سابق وزیر اعلی اور سینئر بی جے پی لیڈر بی ایس یڈیورپا کے خلاف POCSO کیس میں ناقابل ضمانت گرفتاری وارنٹ جاری کیا۔ یدی یورپا کے خلاف بچوں کے تحفظ سے متعلق جنسی جرائم ایکٹ (POCSO) کیس کی جانچ کر رہے کرمنل انویسٹی گیشن ڈیپارٹمنٹ (سی آئی ڈی) نے پہلے انہیں ...

کرناٹک کے سابق وزیر اعلیٰ یڈی یورپا کو سی آئی ڈی کا نوٹس، پوسکو معاملے میں تفتیش کے لیے طلب

سی آئی ڈی نے بی جے پی کے سینئر لیڈر اور کرناٹک کے سابق وزیر اعلیٰ بی ایس یڈ ی یورپا کو ان کے خلاف درج پروٹیکشن آف چلڈرن فرام سیکسوئل افینس ایکٹ (پوسکو) کیس میں تفتیش کے لیے طلب کیا ہے۔

سابقہ حکومت کی نجکاری پالیسی پر کانگریس نے وزارتِ اسٹیل کے نئے وزیر ایچ ڈی کمار سوامی سے پوچھے 5 سوالات

نئی تشکیل شدہ این ڈی اے حکومت میں ایچ ڈی کمار سوامی کو اسٹیل کی وزارت دی گئی ہے۔ ان کے اس عہدے پر فائز ہونے کے بعد کانگریس نے ان سے اس وزارت سے متعلق 5 سوالات پوچھے ہیں۔ کانگریس جنرل سکریٹری جے رام رمیش نے سوشل میڈیا پلیٹ فارم ’ایکس‘ کے اپنے اکاؤنٹ پر ایچ ڈی کمار سوامی سے یہ ...

کرناٹک میں کانگریس کی کارکردگی میں مزید بہتری کی ضرورت: ڈی کے شیوکمار

کانگریس کے زیر اقتدار کرناٹک کے نائب وزیر اعلیٰ ڈی کے شیوکمار نے کرناٹک میں کانگریس کی کارکردگی پر عدم اطمینان کا اظہار کیا ہے۔ انہوں نے کہا کہ کرناٹک میں انتخابی نتائج خطرے کی گھنٹی ہیں اور اس میں بہتری کی ضرورت ہے۔ خیال رہے کہ کرناٹک میں کانگریس کو 28 میں سے محض 9 سیٹیں ہی حاصل ...

جنسی استحصال و فحش ویڈیو معاملہ: عدالت نے پرجول ریونا کو 14 دنوں کے لیے عدالتی حراست میں بھیجا

کرناٹک کے فحش ویڈیو معاملے میں پھنسے جنتا دل سیکولر کے معطل لیڈر پرجول ریونا کو 42ویں اے سی ایم ایم کورٹ نے آج 14 دنوں کی عدالتی حراست میں بھیج دیا۔ یعنی اب وہ 24 جون تک جیل میں رہیں گے۔ اس معاملے کی جانچ کر رہی ایس آئی ٹی نے پیر کی صبح پرجول ریوناسے اپنی پوچھ تاچھ مکمل کر لی، اس ...