بھٹکل 12 مئی (ایس او نیوز) مینگلور میں واقع اقراء عربک اسکول نے اس سال ایس ایس ایل سی میں صد فیصد کامیابی درج کی ہے تو وہیں    بھٹکل کے پڑوسی علاقہ منکی میں  واقع  المومنات پبلک اسکول اور  الہلال  انگلش میڈیم ہائی اسکول   نے ایس ایس ایل سی امتحان میں کافی بہتر نتائج دئے ہیں۔ المومنات سے اس بار 21 طالبات  ایس ایس ایل سی  امتحان میں شریک ہوئیں تھیں، تمام 21 کامیاب رہیں۔ اس طرح نتیجہ صد فیصد رہا۔ اسکول کی  چھ طالبات نے امتیازی نمبرات سے کامیابی حاصل کیں۔

فاطمہ حفصہ عابدہ نے  91.84  فیصد کے ساتھ اسکول میں  ٹاپ کیا، جبکہ  سجود حسن باپو  90.40 فیصد،  فاطمہ ضُحیٰ  علی باپو 88.64 فیصد،  اقراء تیسیر ساوڈا 88 فیصد، عروفہ  قاضی 86.88 فیصد اور  عریشہ ابوحُسینا 86.56 فیصد کے ساتھ امتیازی نمبرات سے کامیاب ہوئیں۔

الہلال انگلش میڈیم ہائی اسکول منکی سے اِس بار  ایس ایس ایل سی کے لئے 18 اسٹوڈینٹس نے امتحان لکھا تھا، 17 کامیاب رہے۔ دو طالبات  عائشہ نہرین بنت محمدف عادل شیخ نے 89.44 فیصد مارکس اور اقراء ادا بنت  محمد صدیق حسن باپو نے 85.48  فیصد  مارکس کے ساتھ امتیازی  نمبرات سے کامیاب ہوئیں۔

اُدھر دوسری طرف مینگلور میں واقع  اقراء عربک اسکول میں  20 طلبہ ایس ایس ایل سی امتحان میں شریک ہوئے  اور تمام 20 کامیاب رہے  اس طرح اسکول نے صد فیصد کامیابی درج کی۔ اسکول کے دو اسٹوڈینٹس حافظ شادن احمد اور حافظا زینب خلیفہ نےبالترتیب 87.36  فیصد اور 86.72 فیصد کے ساتھ امتیازی نمبرات سے کامیابی درج کی۔ اقراء اسکول کی طرف سے جاری کی گئی پریس ریلیز میں کہا گیا ہے کہ اقراء میں لڑکوں کے لئے پانچویں کلاس سے اور لڑکیوں کے لئے پہلی کلاس سے داخلے شروع ہوتے ہیں اور  طلبہ تقریباً دسویں کلاس پہنچے تک اُن کا حفظ قران مکمل ہوجاتا ہے۔ ریلیز کے مطابق 24 سال سے جاری اسکول سے اب تک ڈیڑھ سو سے زائد طلبا و طالبات حفظ قران مکمل کرچکیں ہیں۔

اسٹوڈینٹس کی بہترین کارکردگی پر  اسکولوں کی انتظامیہ اور  ٹیچنگ اسٹاف نے  تمام کامیاب بچوں  کو مبارکباد پیش کی  ہیں۔