ایس ایس ایل سی کے امتحانی پرچوں کی دوبارہ جانچ کے بعد بھٹکل انجمن کی طالبہ کو ملے دو مزید مارکس؛ 99.04 فیصد کے ساتھ شاندار کامیابی

Source: S.O. News Service | By I.G. Bhatkali | Published on 8th June 2024, 1:37 AM | ساحلی خبریں |

بھٹکل 7/جون (ایس او نیوز) ایس ایس ایل سی کے جوابی پرچوں  کی دوبارہ جانچ کرانے کے بعد بھٹکل کے  کئی اسٹوڈینٹس کو ایک یا دو  زاائد مارکس حاصل ہوئے ہیں، البتہ بھٹکل انجمن کی  طالبہ جس نے پورے بھٹکل تعلقہ میں دوسرے رینک سے کامیاب ہوئی تھی، اُس نے بھی دو زائد مارکس حاصل کرکے اپنی پوزیشن کو دوسرے رینک پر بحال رکھنے میں کامیاب ہوگئی ہے۔

بھٹکل بلاک ایجوکشن دفتر سے ملی اطلاع کے مطابق  ابتدا میں دو اسٹوڈینٹس بھاونا نائک اور ہرشن گونڈا نے 625 میں  618 مارکس کے ساتھ پورے تعلقہ میں ٹاپ پر تھے  جبکہ بھٹکل انجمن کی طالبہ میمونہ عجائب  617 مارکس کے ساتھ دوسرے نمبر پر تھی، مگر اب پرچوں کی دوبارہ جانچ کے بعد  ہرشن گونڈا  کو دو زائد مارکس ملے ہیں جس کے ساتھ ہی اس کے مارکس اب بڑھ کر 620 ہوگئے اور وہ بدستور بھٹکل تعلقہ میں اول رینک پر ہے۔ جبکہ انجمن کی طالبہ میمورنہ عجائب کو بھی  دوبارہ جانچ کے بعد  دو زائد مارکس حاصل ہوئے ہیں  اور اس  کے مارکس بڑھ کر اب  619  ہوگئے ہیں۔ اس طرح  میمونہ عجائب  تعلقہ بھر میں دوسرے رینک پر قائم ہے۔ البتہ فرسٹ رینک پانے والی ایک اور طالبہ  بھاونا پربھاکر نائک جس کے مارکس 618  ہیں، اب وہ تیسرے رینک پر چلی گئی ہے۔

انجمن  گرلز انگلش میڈیم ہائی اسکول  نوائط کالونی کی طالبہ میمونہ عجائب نے  کنڑا، اُردو اور میتھس میں  سو میں سو مارکس لینے  میں کامیاب ہوئی ہے۔ سائنس میں اس کے مارکس پہلے 97 تھے، مگر دوبارہ جانچ کے بعد سائنس میں اسے دو مزید مارکس ملے ہیں اور وہ بڑھ کر 99 ہوگئے ہیں، اسی طرح  سوشیل سائنس میں 98 اور انگلش میں  125 کے پیپر میں میمونہ نے  122 مارکس حاصل کرکے شاندار کامیابی  پائی ہے۔ اس طرح اس کی کامیابی   کا اوسط 99.04 فیصد ریکارڈ کیا گیا ہے۔  پیپروں کی جانچ سے قبل یہ طالبہ پورے اُترکنڑا میں پانچویں نمبر پر تھی، اب  اس بات کی جانکاری نہیں مل پائی ہے کہ دو مارکس بڑھ جانے کے بعد ضلعی سطح  پر وہ کتنے رینک پر پہنچ گئی ہے۔

انجمن کی اس طالبہ کے بہترین پرفارمینس پر  قائد قوم جناب ایس ایم سید خلیل الرحمن، بھٹکل مسلم خلیج کونسل کے صدر جناب عمر فاروق مصباح، جنرل سکریٹری جناب عتیق الرحمن منیری،  مجلس اصلاح وتنظیم کے صدر جناب عنایت اللہ شاہ بندری، جنرل سکریٹری جناب عبدالرقیب ایم جے ندوی سمیت انجمن حامئی مسلمین بھٹکل کے صدر جناب محمد یونس قاضیا، جنرل سکریٹری جناب محمد اسحاق شاہ بندری سمیت دیگر تمام عہدیداران نے  مبارکباد پیش کی ہے۔ ذمہ داران قوم نے اس طالبہ کی کامیابی کے لئے  طالبہ کے ساتھ اسکول ہیڈ مسٹریس اور دیگر اساتذہ کی خدمت میں بھی مبارکباد پیش کی ہے اور ان کی تعلیمی خدمات کی ستائش کی ہے۔

ایک نظر اس پر بھی

اتر کنڑا میں نیشنل ہائی وے پر حادثے میں موت ہونے پر افسران کے خلاف درج ہوگا مقدمہ - نومنتخب رکن پارلیمان کاگیری نے دی وارننگ

نومنتخب رکن پارلیمان وشویشورا ہیگڑے کاگیری نے محکمہ جاتی افسران کے ساتھ منعقدہ اپنی پہلی میٹنگ میں ضلع پولیس سپرنٹنڈنٹ کو سخت ہدایت دیتے ہوئے کہا کہ اگر ضلع اتر کنڑا میں غیر سائنٹفک انداز میں کیے گئے نیشنل ہائی وے کے تعمیراتی کام کی وجہ سے حادثہ رونما ہوتا ہے اور اس میں عام ...

بھٹکل تعلقہ ہاسپٹل رکھشا سمیتی کی میٹنگ میں وزیر منکال وئیدیا نے دیا تیقن : 250 بستروں والا اسپتال جلد ہوگا منظور

بھٹکل تعلقہ ہاسپٹل کے ہال میں ایڈمنسٹریٹیو میڈیکل آفیسر ڈاکٹر سویتا کامت کی صدارت میں منعقدہ ہاسپٹل رکھشا سمیتی کی میٹنگ میں ضلع انچارج وزیر منکال وئیدیا نے تیقن دیا کہ یہاں 250 بستروں والا ہاسپٹل جلد ہی منظور ہو جائے گا

بھٹکل پولیس گراونڈ میں راستے پر لگے بیریکیڈس - اسسٹنٹ کمشنر نے دیا 'جوں کی توں حالت' برقرار رکھنے کا حکم

پولیس میدان سے گزرنے والے عام پیدل راستے پر پولیس کی طرف سے لگائی گئی رکاوٹوں کے سلسلے میں بھٹکل اسسٹنٹ کمشنر ڈاکٹر نئینا نے اس زمین کا سروے مکمل ہونے تک جوں کی توں حالت برقرار رکھنے کے احکام جاری کیے

منگلورو میں طلباء کے والدین کو دھمکی والے فون کالس - پولیس کمشنر نے کہا : پولینڈ اور پاکستان کے کوڈ کا ہوا ہے استعمال

منگلورو شہر کے علاوہ سورتکل میں 11 اور 12 جون کو کالجوں میں زیر تعلیم طلباء کے والدین کو ان کے بچوں کے اغوا یا سنگین جرائم میں گرفتاری کی بات کہتے ہوئے تاوان کی رقم طلب کرنے کے  جو دھمکی والے فون کالس آئے تھے اس کے سلسلے میں پولیس کمشنر نے انوپم اگروال نے بتایا کہ فریب کاروں نے فون ...

بھٹکل میں وزیر منکال وئیدیا نے افسران سے کہا : کام کرنا ہے تو رہیں ورنہ دوسری جگہ چلے جائیں 

اسسٹنٹ کمشنر کے دفتر میں مانسون اور قدرتی آفات سے متعقلہ معاملات سے نمٹنے کے اقدامات کا جائزہ لینے کے لئے کل جو میٹنگ منعقد ہوئی تھی اس میں افسران سے خطاب کرتے ہوئے ضلع انچارج وزیر منکال وئیدیا نے کہا جن لوگوں کو کام کرنے میں دلچسپی ہے وہ لوگ یہاں رہیں اور جنہیں دلچسپی نہیں ہے ...

منگلورو : بی جے پی کارکنان کے خلاف کیس داخل کرنے میں کانگریس کا ہاتھ ہے ۔ کیپٹن چوتا کا الزام

دکشن کنڑا حلقے سے بی جے پی کے نومنتخب رکن پارلیمان کیپٹن برجیش چوتا نے کانگریس پر الزام لگایا کہ اس کے دباو کی وجہ سے بولیار چاقو زنی معاملے میں پولیس نے بی جے پی کارکنان پر کیس داخل کیا ہے ۔