حکومت فوج میں تقسیم پیدا کر رہی ہے، اگنی پتھ اسکیم کے حوالے سے ادھیر رنجن کا بی جے پی پر سخت حملہ

Source: S.O. News Service | Published on 28th February 2024, 7:46 PM | ملکی خبریں |

نئی دہلی، 28/فروری (ایس او نیوز/ایجنسی) کانگریس کے رکن پارلیمنٹ ادھیر رنجن چودھری نے اگنی پتھ اسکیم کے حوالے سے مرکزی حکومت پر سخت حملہ کیا ہے۔ انہوں نے کہا ہے کہ سابق آرمی چیف ایم ایم نروانے کی کتاب 'فور اسٹارس آف ڈیسٹینی' پر پابندی لگا دی گئی ہے۔ یہ کتاب اب بازار میں دستیاب نہیں ہے۔ سابق آرمی چیف نروانے نے اپنی کتاب میں لکھا ہے کہ اگنی پتھ اور اگنی ویر اسکیم غلط ہے۔ ادھیر رنجن چودھری کے مطابق حکومت اس اسکیم کے ذریعے فوج میں تقسیم پیدا کر رہی ہے۔

ادھیر رنجن چودھری نے کہا ہے کہ فرض کریں کہ اگنی پتھ اسکیم کے تحت 100 لوگ امتحان میں شریک ہوتے ہیں تو ان میں سے 75 کو فوج میں بھرتی ہونے کی اجازت نہیں ہوگی اورچار سال بعد انہیں نکال دیا جائے گا۔ 100 میں سے صرف 25 کو ہی ملازمت ملے گی۔ ادھیر رنجن نے کہا کہ اگنی ویر کی شہادت کے بعد انہیں شہید کا درجہ نہیں دیا جاتا۔ یہ ملک کے لیے اپنی زندگی دیتےہیں، اپنی جان نچھاور کرتے ہیں، انہیں شہید کا درجہ نہیں دیا جا رہا ہے، آخر یہ کونسا طریقہ ہے؟

ادھیر رنجن نے کہا کہ ہماری فوج کے اندر ایک قسم کی تقسیمی سوچ پیدا ہو رہی ہے۔ فوج اور چار سالہ نوکری۔ دو قسم کی فوج، اس طرح فوج کے اندر دراڑ ہم نہیں چاہتے۔ ہمارے لیے سب برابر ہیں۔ ملک کی حفاظت کے لیے ہر کسی نے قسم کھائی ہے، چاہے وہ اگنی ویر ہو یا فوج۔ ہم یہ بٹوارہ کبھی نہیں چاہتے۔ اس لیے ہم اس کی مخالفت کرتے ہیں۔ کانگریس کو تو چھوڑیئے بڑے بڑے ماہرین اور سابق آرمی چیف بھی اس کی مخالفت کر رہے ہیں۔

واضح رہے کہ حکومت ہند نے 2022 میں تینوں فوجوں میں بھرتی کے لیے اگنی ویر اسکیم شروع کی تھی۔ اس اسکیم کے تحت نوجوانوں کو تینوں افواج میں 4 سال کے لیے بھرتی کیا جائے گا۔ 4 سال کے بعد 75 فیصد جوانوں کو طے شدہ رقم کے ساتھ ملازمت سے سبکدوش کر دیا جائے گا، جبکہ 25 فیصد جوان فوج میں اپنی خدمات جاری رکھ سکیں گے۔

ایک نظر اس پر بھی

بی جے پی نے الیکٹورل بانڈ کے ذریعے دنیا کا سب سے بڑا گھوٹالہ کیا، وزیر اعظم بدعنوانی کے چیمپین ہیں! راہل گاندھی

راہل گاندھی نے کانگریس اور سماجوادی پارٹی کی مشترکہ پریس کانفرنس سے خطاب کرتے ہوئے وزیر اعظم نریندر مودی کو بدعنوانی کا چیمپین قرار دیا۔ انہوں نے کہا کہ بی جے پی نے الیکٹورل بانڈ کے ذریعے بھتہ خوری کی اور دنیا کا سب سے بڑا گھوٹالہ انجام دیا۔ راہل گاندھی نے سوال کیا کہ اگر ...

بی جے پی اپنی ناکامیوں سے توجہ بھٹکانے کے لیے مذہب کی سیاست کر رہی، سچن پائلٹ نے الیکشن کمیشن پر بھی اٹھائے سوال

کانگریس لیڈر سچن پائلٹ نے جموں و کشمیر میں آج انتخابی تشہیر کے دوران بی جے پی حکومت کو تو تنقید کا نشانہ بنایا ہی، الیکشن کمیشن کو بھی کٹہرے میں کھڑا کر دیا۔ انھوں نے منگل کے روز ایک ریلی سے خطاب کرتے ہوئے کہا کہ جب اپوزیشن پارٹیوں کے اکاؤنٹس پر لین دین سے متعلق روک لگائی گئی ...

بی جے پی و آر ایس ایس آئین کو تباہ کرنا چاہتی ہیں جبکہ کانگریس اسے بچانے کی کوشش کر رہی ہے: راہل گاندھی

کیرالہ کے وائناڈ میں کانگریس کے لیڈر راہل گاندھی نے بی جے پی پر سخت حملہ کرتے ہوئے کہا کہ بی جے پی و آر ایس ایس ملک کے آئین کو ختم کرنے کی کوشش کر رہی ہیں جبکہ کانگریس اسے بچانے کی کوشش میں مصروف ہے۔ یہ بیان راہل گاندھی روڈ شو کے دوران دیا جس کو سن کر عوام پورے جوش میں دکھائی دی ...

لوک سبھا انتخابات 2024: کانگریس نے امیدواروں کی نئی فہرست جاری

کانگریس نے لوک سبھا انتخاب کے پیش نظر اپنے امیدواروں کی ایک نئی فہرست جاری کر دی ہے۔ اس فہرست میں جھارکھنڈ کی تین لوک سبھا سیٹوں پر امیدواروں کے ناموں کا اعلان کیا گیا ہے۔ جاری فہرست کے مطابق گوڈا سے دیپکا پانڈے سنگھ، چترا سے کرشنانند ترپاٹھی اور دھنباد سے انوپما سنگھ کو ...

مرکزی وزارت داخلہ کی دوسری منزل پر آتش زدگی، زیروکس مشین، کمپیوٹر اور دیگر دستاویزات خاکستر

آگ لگنے کے واقعات یوں تو ہوتے ہی رہتے ہیں مگر جب حکومت کے دفاتر میں آگ لگنے لگے تو معاملہ کچھ زیادہ ہی سنگین ہو جاتا ہے۔ آتش زدگی کا ایسا ہی ایک واقعہ دہلی میں مرکزی وزارت داخلہ کے دفتر میں پیش آیا ہے۔ اس حادثے میں کسی شخص کے متاثر ہونے کی تو کوئی خبر نہیں ہے البتہ زیروکس ...

تیجسوی یادو کا وزیراعظم پر سخت حملہ؛ 10 سالوں میں مودی جی نے صرف غریبی، بے روزگاری، مہنگائی اور جملہ دیا

لوک سبھا انتخاب سے قبل بیان بازیوں نے رفتار پکڑ لی ہے۔ برسراقتدار طبقہ اپنی خوبیاں بیان کر رہا ہے اور اپوزیشن لیڈران حکومت کی ناکامیوں و عوام مخالف پالیسیوں کو عوام کے سامنے رکھ رہے ہیں۔ اس درمیان تیجسوی یادو نے پٹنہ میں مرکز کی مودی حکومت پر آج زبردست حملہ کیا۔