ابوظہبی ایئرپورٹ کا نام بدل کر شیخ زائد انٹرنیشنل ائرپورٹ
ابو ظبی یکم نومبر (ایس او نیوز/ایجنسی) : متحدہ عرب امارات کے ابوظہبی انٹرنیشنل ایئرپورٹ کا نام تبدیل کرکے شیخ زاید انٹرنیشنل ایئرپورٹ رکھنے کا فیصلہ کیا گیا ہے۔ دبئی سے شائع ہونے والے معروف انگریزی روزنامہ خلیج ٹائمز کی رپورٹ کے مطابق ابوظہبی ایئرپورٹ کے نام کی تبدیلی کا اطلاق 9 فروری 2024 سے ہوگا جس دن 7 لاکھ 42 ہزار مربو میٹر پر محیط ٹرمینل اے کا بھی باضابطہ افتتاح کیا جائے گا۔
رپورٹ کے مطابق ابوظہبی انٹرنیشنل ایئرپورٹ کا سرکاری نام تبدیل کرکے زید انٹرنیشنل ایئرپورٹ رکھنے کی ہدایت متحدہ عرب امارات کے صدر شیخ محمد بن زاید النہیان نے جاری کی ہے۔
رپورٹ کے مطابق ابتدائی دو ہفتوں کے دوران، ایئر لائنز کے لیے ایک عبوری دور میں تمام ٹرمینلز (A، 1، 2، اور 3) ایک ساتھ کام کرتے نظر آئیں گے جبکہ 14 نومبر سے، تمام ایئر لائنز خصوصی طور پر ٹرمینل A سے آپریٹ ہوں گے۔ یہ بھی بتایا گیا ہے کہ ٹرمینل اے ایک بار مکمل طور پر آپریشنل ہونے کے بعد، ٹرمینل اے دنیا بھر میں 117 مقامات کے نیٹ ورک سے منسلک 28 ایئر لائنز کی میزبانی کرے گا۔
بتایا گیا ہے کہ ابوظہبی ایئرپورٹ کے ٹرمینل اے کے آپریشنل ہونے کے بعد یہاں بیک وقت 79 طیارے موجود ہوسکتے ہیں اور سالانہ ساڑھے 4 کروڑ مسافروں کی آمد و رفت کی گنجائش ہوگی۔
