بیرون ملک سے غیر قانونی اور نامناسب چندہ لینے کے الزامات بے بنیاد، انتخابات کی وجہ سے لگائے جا رہے: عآپ

Source: S.O. News Service | Published on 21st May 2024, 11:28 AM | ملکی خبریں |

نئی  دہلی، 21/مئی (ایس او نیوز /ایجنسی)  عام آدمی پارٹی پر بیرون ملک سے غیر قانونی اور نامناسب چندہ لینے کے الزامات عائد کئے گئے ہیں۔ عام آدمی پارٹی نے ان الزامات کو مکمل طور پر بے بنیاد اور جھوٹا قرار دیا ہے۔ عام آدمی پارٹی کا کہنا ہے کہ یہ برسوں پرانا الزام ہے۔ ان تمام باتوں پر عام آدمی پارٹی وزارت داخلہ، الیکشن کمیشن، ای ڈی اور سی بی آئی کو جواب دے چکی ہے۔

عام آدمی پارٹی کے راجیہ سبھا ممبر پارلیمنٹ سندیپ پاٹھک کے مطابق ان الزامات میں کوئی حقیقت نہیں ہے۔ سال 2015 میں بھی ایسے الزامات کی تردید کی گئی تھی۔ اب اتنے دنوں کے بعد انتخابات کے پیش نظر دوبارہ ایسے الزامات لگائے جا رہے ہیں۔  دہلی اور پنجاب میں ہونے والے لوک سبھا انتخابات کے پیش نظر اب بی جے پی کی جانب سے اس طرح کے مسائل کو مسلسل اٹھایا جائے گا۔ اس سے قبل اروند کیجریوال کو جھوٹے الزامات میں جیل بھیجا گیا تھا۔ سواتی مالیوال کا معاملہ اٹھایا گیا لیکن جب انہوں نے دیکھا کہ  دہلی اور پنجاب کے لوگ اس طرح کے الزامات سے انکار کر رہے ہیں، تو اب وہ دوسرے الزامات کے ساتھ سامنے آ رہے ہیں۔

وہیں، دہلی حکومت کی وزیر آتشی نے کہا کہ عام آدمی پارٹی نے کبھی بھی کوئی نامناسب یا غیر قانونی چندہ نہیں لیا ہے۔ پارٹی کو جو بھی فنڈز ملے، اس کی مکمل معلومات الیکشن کمیشن اور انکم ٹیکس سمیت تمام متعلقہ محکموں کو دی گئی۔

انہوں نے کہا کہ عام آدمی پارٹی نے اپنے کھاتوں میں عطیہ کی ہر رقم کو درست طریقے سے دکھایا ہے۔ انہوں نے کہا کہ جب سے عام آدمی پارٹی بنی ہے، چندے کے ایک ایک روپے کا حساب لیا گیا ہے۔ یہ اکاؤنٹ مکمل شفافیت کے ساتھ الیکشن کمیشن کو دیا گیا ہے۔

آتشی نے کہا، "بھارتیہ جنتا پارٹی کی طرف سے ہم پر جھوٹے اور برسوں پرانے بیجا الزامات لگائے جا رہے ہیں لیکن  دہلی اور پنجاب کے لوگ ان الزامات کا جواب ووٹ کے ذریعے دیں گے۔ سال 2015 میں جب  دہلی اسمبلی انتخابات ہو رہے تھے، ا اس وقت بھی عام آدمی پارٹی اور اس کے لیڈروں پر ایسے ہی جھوٹے الزامات لگائے گئے تھے، لیکن دہلی کے لوگوں نے عام آدمی پارٹی کا ساتھ دیا۔‘‘

ایک نظر اس پر بھی

کویت آتشزدگی معاملہ؛ مہلوکین کی لاشوں کو لانے طیارہ پہنچے گا کویت

کویت کی عمارت میں لگی آگ سے گذشتہ روز جن 40 سے زائد ہندوستانی ورکروں کی موت ہوئی تھیں، ان کی نعشوں کو ہندوستان لانےکی تیاریاں کی جارہی ہیں، چونکہ مرنے والوں کی بڑی تعداد ریاست کیرالہ سے ہے، کیرالہ کے کوچین انٹرنیشنل ائیر پورٹ پر سہولیات فراہم کی جارہی ہیں۔

اجیت ڈووال تیسری بار قومی سلامتی مشیر مقرر، پی کے مشرا بھی وزیر اعظم کے پرنسپل سکریٹری برقرار

اجیت ڈووال ایک بار پھر ملک کے قومی سلامتی مشیر یعنی نیشنل سیکورٹی ایڈوائزر (این ایس اے) مقرر کیے گئے ہیں۔ یہ تیسری بار ہے جب انھیں یہ ذمہ داری دی گئی ہے۔ جمعرات کو اس سلسلے میں خبریں سامنے آئیں اور ساتھ ہی یہ خبر بھی موصول ہو رہی ہے کہ پی کے مشرا وزیر اعظم کے پرنسپل سکریٹری ...

بی جے پی حکومت سابقہ کانگریس حکومت کے ذریعہ کھولے گئے کالجوں کو بند کرنے جا رہی! اشوک گہلوت

 راجستھان کے سابق وزیر اعلی اور کانگریس کے سینئر لیڈر اشوک گہلوت نے ریاست کی بھارتیہ جنتا پارٹی (بی جے پی) حکومت پر سابقہ ​​کانگریس حکومت کے ذریعہ کھولے گئے کالجوں کو بند کرنے کا الزام لگایا ہے۔

ممبئی میں آئس کریم کے اندر سے کٹی ہوئی انسانی انگلی برآمد، جانچ کے لیے ایف ایس ایل کو بھیجی گئی

کھانوں کے اندر سے چھپکلی، کاکروچ اور کیڑے مکوڑوں کے ملنے کی خبریں تو وقتاً فوقتاً آتی رہتی ہیں مگر اب انسانی اعضا کے ملنے کی بھی خبر آگئی ہے۔ یہ خبر ممبئی سے ہے جہاں ایک خاتون نے دعویٰ کیا ہے کہ آئس کریم کے اندر سے کٹی ہوئی انسانی انگلی نکلی ہے۔ اس خاتون کا کہنا ہے کہ اس نے آن ...

پیما کھانڈو نے تیسری بار اروناچل پردیش کے وزیر اعلیٰ کے طور پر حلف لیا

اروناچل بی جے پی کی قانون ساز پارٹی کے لیڈر منتخب ہونے کے ایک روز بعد جمعرات کو پیما کھانڈو نے مسلسل تیسری بار اروناچل پردیش کے وزیر اعلیٰ کے طور پر حلف لے لیا۔ گورنر لیفٹیننٹ جنرل (ریٹائرڈ) کے ٹی پرنائک نے وزیر اعلیٰ پیما کھانڈو، نائب وزیر اعلیٰ چونا مین اور دیگر 10 کابینی ...