سواتی مالیوال معاملے کو آپ‘ نےجھوٹ اور سازش قرار دیا

Source: S.O. News Service | Published on 18th May 2024, 11:15 AM | ملکی خبریں |

نئی دہلی، 18/مئی (ایس او نیوز /ایجنسی)  عام آدمی پارٹی کی رکن پارلیمان سواتی مالیوال کی جانب سے  کیجریوال کے پرسنل سیکریٹری ویبھوکے خلاف مبینہ بدسلوکی اور تشدد کی شکایت درج کرانے کے بعد دہلی پولیس نے تفتیش شروع کردی ہے۔ دہلی پولیس نےجمعرات کو سواتی کا میڈیکل چیک اپ کروایا اور جمعہ کو انہیں  لے کر کیجریوال کے گھر گئی۔ یہاں  پولیس نے سواتی کی شکایت کی بنیاد پر ہونیوالے معاملے کو ’رِی کریئیٹ(علامتی طور پر دہرایا)‘ کیا۔ سواتی نے الزا م لگایا ہے کہ ۱۳؍ مئی کی صبح  جب وہ اروندکیجریوال سے ملاقات کیلئے ان کی رہائش گاہ پر انتظار میں  بیٹھی ہوئی تھیں تب کیجریوال کے پرسنل سیکریٹری ویبھوکمار نے ان کے ساتھ بدتمیزی کی اوربعد میں  انہیں پیٹا اور کپڑے پھاڑے۔ ۱۶؍مئی کو پولیس نے سواتی کا بیان درج کیا اوربعد ازیں  ایف آئی آر درج کی۔ رپورٹ کے مطابق رکن پارلیمان سواتی مالیوال نے مذکورہ معاملے میں  دہلی کی تیس ہزاری کورٹ میں جمعہ کو مجسٹریٹ کے روبرو اپنا بیان درج کروایا ہے۔ 

 اس درمیان مذکورہ معاملے کا ایک ویڈیو سامنے آیا ہے جس میں  سواتی سیکوریٹی اہلکاروں  کے ساتھ بحث کرتی ہوئی نظر آرہی ہیں۔ اس میں  اہلکار مہذب انداز میں پیش آرہے ہیں۔ حالانکہ ابھی تک اس ویڈیو کی تصدیق نہیں ہو سکی ہے۔ ویڈیو میں دیکھا جا سکتا ہے کہ مالیوال ایک ہال کے اندر بیٹھی ہیں جہاں کچھ سیکورٹی اہلکار انہیں باہر جانے کے لیے کہہ رہے ہیں۔ مالیوال یہ کہتے ہوئے ناراض ہیں کہ انہوں نے دہلی پولیس کو بلایا ہے۔ پولیس کے آنے کے بعد وہ یہاں سے چلی جائیں گی۔

اس ویڈیو کے سامنے آنے کے بعد سواتی مالیوال نے کہا کہ وزیر اعلیٰ کی رہائش گاہ پر ان کے ساتھ بدسلوکی کے ملزم کو بچانے کی کوشش کی جا رہی ہے، لیکن وزیر اعلیٰ کی رہائش گاہ کے اندر موجود سی سی ٹی وی فوٹیج کی تحقیقات ہوتے ہی حقیقت سب کے سامنے آجائے گی۔ مالیوال نے کہا کہ اس واقعے کی ایک نامکمل ویڈیو پوسٹ کرکے جرم کے مرتکب کو بچانے کی کوشش کی جارہی ہے۔ انہوں نے کہا کہ ہر بار کی طرح اس بار بھی اس سیاسی ہٹ مین نے خود کو بچانے کی کوشش شروع کر دی ہے۔ سیاق و سباق کے بغیر آدھی ویڈیو چلا کر، یہ سوچتا ہے کہ اس جرم کے ارتکاب سے وہ خود کو بچا لے گا۔ کیا کوئی کسی کو مارنے کی ویڈیو بناتا ہے؟ گھر کے اندر کی سی سی ٹی وی فوٹیج اور کمرے کی جانچ پڑتال کے بعد حقیقت سب کے سامنے آجائے گی۔ 

 خواتین سے متعلق قومی کمیشن نے راجیہ سبھا کی رکن سواتی مالیوال پر حملہ کرنے والےملزم ویبھو کمار کے گھر پر نوٹس چسپاں کیا ہے اور انہیں ہفتہ کے روز وقت پر کمیشن کے سامنے حاضر ہونے کو کہا ہے۔ خواتین کمیشن نے کہا کہ کمیشن کے اہلکار اور دہلی پولیس کے اسسٹنٹ کمشنر آف پولیس جمعہ کو ویبھو کمار کے گھر گئے اور انہیں نوٹس دیا۔ کمیشن نے کہا کہ گھر پر موجود افراد نے نوٹس لینے سے انکار کر دیا۔ اس کے بعد وومن کمیشن کے اہلکاروں نے یہ نوٹس ویبھو کمار کے گھر کے باہر چسپاں کر دیا۔ نوٹس میں وزیراعلیٰ کے پرائیویٹ سیکریٹری کو۱۸؍ مئی کو کمیشن کے سامنے پیش ہونے کو کہا گیا ہے۔ 

 مالیوال بی جے پی کی سازش کا مہرہ بن گئیں : آپ

 عام آدمی پارٹی (آپ) نے جمعہ کو پارٹی کی رکن پارلیمنٹ سواتی مالیوال کی طرف سے وزیر اعلیٰ کیجریوال کے پرسنل سکریٹری ویبھو کمار کے خلاف لگائے گئے الزامات کو جھوٹا قرار دیتے ہوئے کہا کہ بی جے پی نے انہیں (مالیوال کو ) سازش کا پیادہ بنایا ہے۔ آپ کی لیڈر اور دہلی حکومت کی وزیر آتشی نے جمعہ کو کہا جب سے کیجریوال کو ضمانت ملی ہے، بی جے پی گھبراہٹ میں ہے اور اسی وجہ سے اس نے ایک سازش رچی ہے۔ سواتی مالیوال کو۱۳؍ مئی کی صبح اسی لئے بھیجا گیا تھا۔ سواتی مالیوال بی جے پی کی سازش کا مہرہ ہیں۔ ان کا مقصد وزیر اعلیٰ پر الزام لگانا تھا۔ وزیر اعلیٰ اس وقت موجود نہیں تھے اسلئے وہ بچ گئے۔ پھر انہوں نے ویبھو کمار پر الزامات لگادیئے۔ آتشی نے کہا کہ آج وزیر اعلیٰ کی رہائش گاہ کا ایک ویڈیو منظر عام پر آیا ہے اور اس ویڈیو نے مالیوال کے جھوٹ کو بے نقاب کر دیا ہے۔ 

ایک نظر اس پر بھی

کویت آتشزدگی معاملہ؛ مہلوکین کی لاشوں کو لانے طیارہ پہنچے گا کویت

کویت کی عمارت میں لگی آگ سے گذشتہ روز جن 40 سے زائد ہندوستانی ورکروں کی موت ہوئی تھیں، ان کی نعشوں کو ہندوستان لانےکی تیاریاں کی جارہی ہیں، چونکہ مرنے والوں کی بڑی تعداد ریاست کیرالہ سے ہے، کیرالہ کے کوچین انٹرنیشنل ائیر پورٹ پر سہولیات فراہم کی جارہی ہیں۔

اجیت ڈووال تیسری بار قومی سلامتی مشیر مقرر، پی کے مشرا بھی وزیر اعظم کے پرنسپل سکریٹری برقرار

اجیت ڈووال ایک بار پھر ملک کے قومی سلامتی مشیر یعنی نیشنل سیکورٹی ایڈوائزر (این ایس اے) مقرر کیے گئے ہیں۔ یہ تیسری بار ہے جب انھیں یہ ذمہ داری دی گئی ہے۔ جمعرات کو اس سلسلے میں خبریں سامنے آئیں اور ساتھ ہی یہ خبر بھی موصول ہو رہی ہے کہ پی کے مشرا وزیر اعظم کے پرنسپل سکریٹری ...

بی جے پی حکومت سابقہ کانگریس حکومت کے ذریعہ کھولے گئے کالجوں کو بند کرنے جا رہی! اشوک گہلوت

 راجستھان کے سابق وزیر اعلی اور کانگریس کے سینئر لیڈر اشوک گہلوت نے ریاست کی بھارتیہ جنتا پارٹی (بی جے پی) حکومت پر سابقہ ​​کانگریس حکومت کے ذریعہ کھولے گئے کالجوں کو بند کرنے کا الزام لگایا ہے۔

ممبئی میں آئس کریم کے اندر سے کٹی ہوئی انسانی انگلی برآمد، جانچ کے لیے ایف ایس ایل کو بھیجی گئی

کھانوں کے اندر سے چھپکلی، کاکروچ اور کیڑے مکوڑوں کے ملنے کی خبریں تو وقتاً فوقتاً آتی رہتی ہیں مگر اب انسانی اعضا کے ملنے کی بھی خبر آگئی ہے۔ یہ خبر ممبئی سے ہے جہاں ایک خاتون نے دعویٰ کیا ہے کہ آئس کریم کے اندر سے کٹی ہوئی انسانی انگلی نکلی ہے۔ اس خاتون کا کہنا ہے کہ اس نے آن ...

پیما کھانڈو نے تیسری بار اروناچل پردیش کے وزیر اعلیٰ کے طور پر حلف لیا

اروناچل بی جے پی کی قانون ساز پارٹی کے لیڈر منتخب ہونے کے ایک روز بعد جمعرات کو پیما کھانڈو نے مسلسل تیسری بار اروناچل پردیش کے وزیر اعلیٰ کے طور پر حلف لے لیا۔ گورنر لیفٹیننٹ جنرل (ریٹائرڈ) کے ٹی پرنائک نے وزیر اعلیٰ پیما کھانڈو، نائب وزیر اعلیٰ چونا مین اور دیگر 10 کابینی ...