اتر پردیش کے متھرا میں یمنا ایکسپریس وے پر بھیانک کار حادثہ، 5 لوگ زندہ جل گئے

Source: S.O. News Service | Published on 12th February 2024, 8:30 PM | ملکی خبریں |

متھرا، 12/فروری (ایس او نیوز/ایجنسی) یمنا ایکسپریس وے پر پیش آئے ایک افسوسناک واقعے میں ایک بس اور  سوئفٹ کار حادثہ کا شکارہوگیا۔ اس حادثہ سے دونوں گاڑیوں میں بھیانک آگ لگ گئی اور کار میں سوار 5 افراد زندہ جل گئے۔ اس حادثے میں کچھ مسافر زخمی بھی ہوئے ہیں جنہیں اسپتال میں داخل کیا گیا ہے۔

یہ حادثہ متھرا کے تھانہ مہاون علاقے میں یمنا ایکسپریس وے پر ہوا ہے۔ یہاں ایک ڈبل ڈیکر سلیپر بس بے قابو ہو کر ڈیوائیڈر سے ٹکرا گئی، کہ اسی اثنا میں پیچھے سے آنے والی ایک سوئفٹ ڈیزائر کار بس سے ٹکرا گئی۔اس تصادم سے دونوں گاڑیوں میں آگ لگ گئی اور کار میں سوار 5 افراد زندہ جل کر ہلاک ہو گئے۔ حادثے کی اطلاع ملتے ہی پولیس اور فائر بریگیڈ کی ٹیمیں موقع پر پہنچ گئیں اور کافی کوششوں کے بعد آگ پر قابو پایا جا سکا۔

اطلاع کے مطابق آگرہ سے نوئیڈا جا رہی نجی بس ڈیوائیڈر سے ٹکرا کر بے قابو ہو گئی اور سڑک پر الٹ گئی۔ اسی دوران پیچھے سے آنے والی ایک سوئفٹ کار اس سے ٹکرا گئی۔ تصادم سے بس کے ڈیزل ٹینک میں آگ لگ گئی۔ گاڑی بھی اس آگ کی لپیٹ میں آگئی۔ گاڑی میں موجود پانچوں افراد کو باہر نکلنے کا موقع نہیں ملا اور وہ تمام لوگ کار کے اندر ہی جل گئے جس سے ان کی موت ہوگئی۔

بتایا جاتا ہے کہ آگ لگنے کے بعد بس کے مسافر چھلانگ لگا کر اپنی جان بچانے میں کامیاب ہوگئے لیکن کار میں سوار لوگوں کو موقع نہیں مل سکا۔ اس ڈبل ڈیکر بس میں تقریباً 50 مسافر سوار تھے۔ حادثے میں کچھ مسافر زخمی ہوئے ہیں جنہیں علاج کے لیے قریبی اسپتال بھیج دیا گیا ہے۔ واقعہ کی اطلاع ملتے ہی اعلیٰ حکام جائے حادثہ پر پہنچ گئے۔ ڈی ایم اور ایس ایس پی بھی پہنچ گئے۔ مرنے والوں کی فی الحال شناخت کی کوشش کی جا رہی ہے۔

ایک نظر اس پر بھی

اُترپردیش کے کاس گنج میں ٹریکٹر ٹرالی تالاب میں اُلٹ گئی؛ 24 افراد ہلاک؛ کئی شدید زخمی

اُترپردیش کے کاس گنج میں ٹریکٹر ٹرالی تالاب میں الٹنے کے نتیجے میں ٹرالی میں سوار54 تالاب میں گر گئے تھے جسمیں سے اب تک 24 لوگوں کی موت واقع ہونے کی اطلاعات ہیں جبکہ بچائے گئے دیگرلوگوں میں کئی لوگوں کی حالت نازک بنی ہوئی ہے۔

سات مطالبات لے کر ایس ڈی پی آئی کیرالہ نے کاسرگوڈ سے ترویندرم تک نکالی احتجاجی ریلی

سوشیل ڈیموکریٹک پارٹی آف انڈیا (SDPI) کیرلا کی جانب سے سات مطالبات لیکر پارٹی کے ریاستی صدر اشرف مولوی کی قیادت میں "جنا مُنیٹّا یاترا " کا آغاز گزشتہ 14فروری کو کاسر گوڈ ضلع کے اپالا شہر سے کیا گیا تھا،یہ یاترا یکم مارچ تک جاری رہے گی اورتریویندرم پہنچ کر اختتام کو پہنچے گی۔

25 لاکھ کا قلم اور 15 لاکھ کا سوٹ استعمال کرنے والے پی ایم مودی غریب ہونے کا ڈرامہ کرتے ہیں! سنجے راؤت

’’بی جے پی کے قومی صدر جے پی نڈا نے اپنے کارکنوں کو مشورہ دیا ہے کہ وہ عام لوگوں کے درمیان جاتے ہوئے سادگی اپنائیں۔ مہنگی گھڑیوں اور کاروں کا استعمال نہ کریں۔ لیکن جے پی نڈا کا یہ مشورہ وزیر اعظم مودی پر لاگو نہیں ہوتا ہے۔ پی ایم مودی اپنے جیب میں جو قلم رکھتے ہیں اس کی قیمت 25 ...

اروند کیجریوال کو ای ڈی کی جانب سے ساتواں سمن جاری، 26 فروری کو حاضر ہونے کی ہدایت

 دہلی کے وزیراعلیٰ اروند کیجریوال کو ای ڈی کی جانب سے ساتواں سمن موصول ہوا ہے۔ ای ڈی نے جمعرات 22 بائیس فروری کو انہیں سمن ارسال کرتے ہوئے پیر کو پوچھ گچھ کے لیے طلب کیا ہے۔ اس سے قبل اروند کیجریوال کو پیر 19 فروری 2024 کو ای ڈی کے سامنے پیش ہونا تھا لیکن وہ حاضر نہیں ہوئے۔ دہلی کے ...

ستیہ پال ملک کے گھر اور دفتر پر سی بی آئی کا چھاپہ، جموں و کشمیر کے بھی 30 مقامات پر چھاپہ ماری

 سی بی آئی نے جموں و کشمیر کے کیرو ہائیڈرو الیکٹرک پروجیکٹ سے متعلق بدعنوانی کے معاملے میں جمعرات کی صبح دہلی میں سابق گورنر ستیہ پال ملک کی رہائش گاہ اور دفتر کی تلاشی لی۔ نیوز پورٹل ’آج تک‘ کی رپورٹ کے مطابق مرکزی ایجنسی نے جموں و کشمیر میں 30 مقامات پر بھی چھاپے مارے۔

آنسو گیس کے گولوں سے کسان رہنما جگجیت سنگھ ڈلیوال کی طبیعت خراب، اسپتال کے ایمرجنسی وارڈ میں داخل

 کسان تحریک کے دوسرے مرحلے کے دوران اہم رہنما کے طور پر ابھرنے والے بھارتیہ کسان یونین لیڈر جگجیت سنگھ ڈلیوال کی طبیعت بدھ کی شام اچانک بگڑ گئی۔ انہیں پٹیالہ کے راجندرا اسپتال کے ایمرجنسی وارڈ میں داخل کرایا گیا ہے۔