کاروار: 13 سال قبل ضبط کیا گیا میگنیز بالآخر چین کے لئے رفت

Source: S.O. News Service | Published on 29th May 2023, 11:43 PM | ساحلی خبریں |

کاروار، 29/ مئی (ایس او نیوز) میگنیز کی غیر قانونی رفت پر روک لگانے کے دوران محکمہ فوریسٹ نے سال 2010میں بڑی مقدار میں میگنیز ضبط کرنے کے بعد کاروار بندرگاہ میں ذخیرہ کرکے رکھا تھا ۔ اب مقامی عدالت سے اجازت ملنے کے بعد اسے نیلام کیا گیا اور اس میں سے 37,320 میٹرک ٹن میگنیز کی کھیپ چین کے لئے روانہ کی گئی ہے۔
    
خیال رہے کہ ضبط کیے گئے میگنیز کے ذخیرے سے مبینہ طور پر 50 ہزار میٹرک ٹن میگنیز چوری ہوگیا تھا۔ اس سلسلے میں پولیس کے پاس شکایت درج کی گئی تھی اور کھدائی کرنے والی کمپنیوں نے بندرگاہ میں موجود بقیہ میگنیز کو فروخت کرنے کی عدالت سے اجازت مانگی تھی۔ عدالت نے 32 ہزار میٹرک ٹن میگنیز فروخت کرنے کی اجازت دی مگر کوئی بھی خریدار آگے نہیں آیا اور یہ ذخیرہ یونہی بندرگاہ میں پڑا رہا۔
    
بتایا جاتا ہے کہ حال ہی میں مہاراشٹرا کی ایک کمپنی نے اس میں دلچسپی دکھائی اور اب اس نے یہ میگنیز خرید کر چین کو رفت کرناشروع کردیا ہے۔ کاروار پورٹ کے ڈائریکٹر سی سوامی نے بتایا کہ صرف راج محل مائننگ کمپنی کے حصے کا میگنیز ابھی نیلام ہوا ہے جسے ایکسپورٹ کیاگیا ہے۔ ابھی ویدانتا کمپنی کا میگنیز ایکسپورٹ ہونا باقی ہے۔ انہوں نے یہ بھی بتایا کہ صرف وہی میگنیز ایکسپورٹ کیا جا رہا ہے جو کہ کاروار بندرگاہ میں پڑاہواہے۔ اور جو میگنیز بیلیکیری میں ذخیرہ ہے اس کا مسئلہ حل ہونے تک وہ یونہی پڑا رہے گا۔

ایک نظر اس پر بھی

بھٹکل میں بارش سے گھروں کو پہنچے نقصانات کا جائزہ لینے تنظیم وفد کا متاثرہ علاقوں کا دورہ

   ہفتہ عشرہ سے  بھٹکل میں جاری زور دار بارش کے نتیجے میں کئی علاقوں میں مکانوں کو نقصان پہنچا ہے، جس کا جائزہ لینے آج پیر کو قومی سماجی ادارہ مجلس اصلاح و تنظیم کے ایک وفد نے   صدیق اسٹریٹ، نستار اور مخدوم کالونی علاقہ کا دورہ کیا اور تنظیم کی جانب سے ہرممکن تعاون کا یقین ...

انکولہ لینڈ سلائیڈ: بھٹکل اسکول ٹیمپو ڈرائیورس یونین نے پہاڑی کا ملبہ ہٹانے والے عملے میں تقسیم کیا کھانا

   انکولہ لینڈ سلائیڈ کے بعد  کیرالہ کے ارجن سمیت تین لاپتہ لوگوں  کی کھوج کرنے والے سو سے زائد  عملہ کو  آج بھٹکل اسکول ٹیمپو ڈرائیورس  یونین کی طرف سے  دوپہر کا کھانا تقسیم کیا گیا اور  کیرالہ سے خصوصی طور پر    ملبہ ہٹانے کے لئے پہنچے لوگوں کی ہمت بندھائی۔

نیشنل ہائی وے کا غیر سائنٹفک کام - این ای سی ایف نے مرکزی وزیر گڈکری کو بھیجا شکایتی مراسلہ

نیشنل ہائی وے کے مختلف مقامات پر چٹانیں اور زمین کھسکنے کے جان لیوا حادثات کے لئے شاہراہوں کے غیر سائنٹفک توسیعی کام کو ذمہ دار قرار دیتے ہوئے نیشنل اینوائرنمنٹ کیئر فیڈریشن (ین ای سی ایف) نے مرکزی وزیر برائے بری نقل و حمل نتین گڈکری کئی اہم سرکاری افسران کو شکایتی مراسلہ بھیجا ...