ಶಿರಾಲಿ, ಜೂ ೨೧:ಯೋಗವು ಉತ್ತಮವಾಗಿ ಬದುಕುವ ರೀತಿಯನ್ನು ಹೇಳಿಕೊಡುವುದರ ಜೊತೆಗೆ ದೇಹಕ್ಕೆ ಸಾಮಾನ್ಯವಾಗಿ ಬರುವ ಕಾಯಿಲೆಯನ್ನು ಗುಣಪಡಿಸುವಲ್ಲಿ ಔಷಧಿಯಂತೆಯೂ ಕಾರ್ಯನಿರ್ವಹಿಸುತ್ತದೆ ಎಂದು ಶಿರಾಲಿಯ ವೈದ್ಯ ಡಾ. ವಿ. ಆರ್ ಸರಾಫ್ ಹೇಳಿದರು.
ದಿ ನ್ಯೂ ಇಂಗ್ಲೀಷ ಪದವಿಪೂರ್ವ ಮಹಾವಿದ್ಯಾಲಯದಲ್ಲಿ ಅಂತರಾಷ್ಟ್ರೀಯ ಯೋಗ ದಿನಾಚರಣೆಯ ಪ್ರಯುಕ್ತ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಉಪನ್ಯಾಸ ನೀಡುತ್ತ ಯೋಗದ ವಿಧಗಳಾದ ಜ್ಞಾನಯೋಗ, ಭಕ್ತಿಯೋಗ, ಕರ್ಮಯೋಗ ಮತ್ತು ರಾಜಯೋಗದ ಬಗ್ಗೆ ಮತ್ತು ಅಷ್ಟಾಂಗಯೋಗದ ಕುರಿತು ಪ್ರಾತ್ಯಕ್ಷಿಕೆಯ ಮೂಲಕ ವಿದ್ಯಾರ್ಥಿಗಳಿಗೆ ತಿಳಿಯುವಂತೆ ವಿವರಿಸಿದರು.
ಪ್ರಾಂಶುಪಾಲರಾದ ಶ್ರೀ ವಿರೇಂದ್ರ ಶ್ಯಾನಭಾಗ ಅಧ್ಯಕ್ಷತೆ ವಹಿಸಿದ್ದರು. ವಿದ್ಯಾರ್ಥಿಗಳಾದ ಅರ್ಚನಾ ಹೆಬ್ಬಾರ ಮತ್ತು ಸಂಗಡಿಗರು ಪ್ರಾರ್ಥಿಸಿದರು, ಶಿಹಾಬುದ್ದಿನ್ ಸ್ವಾಗತಿಸಿದರು, ಶಮ್ಮಾಸ್ ಶೇಖ್ ವಂದಿಸಿದರು ಮತ್ತು ಪ್ರಿಯಾಂಕಾ ಶಿರೂರು ವಂದಿಸಿದರು. ವಿದ್ಯಾರ್ಥಿಗಳಾದ ರೋಹಿತ, ಯೋಗೇಶ, ಗುರುರಾಜ ಮತ್ತು ಸುಮಂತ ಯೋಗದ ಪ್ರಾತ್ಯಕ್ಷಿಕೆ ನೀಡಿದರು.