ಕಾಳಿ ಸೇತುವೆ ಮೇಲಿಂದ ಬಿದ್ದು ಜೋಡಿ ಸಾವು. ಸುಪಾ ಡ್ಯಾಂ ಸಮೀಪ ಘಟನೆ.
ಜೋಯಿಡಾ : ಪ್ರವಾಸಕ್ಕೆ ಬಂದಿದ್ದ ಇಬ್ಬರು ಪ್ರೇಮಿಗಳು ಸೆಲ್ಫಿ ತೆಗೆಯಲು ಹೋಗಿ ಸಾವನ್ನಪ್ಪಿದ ಘಟನೆ ಜೋಯಿಡಾ ತಾಲೂಕಿನ ಗಣೇಶಗುಡಿ ಬಳಿ ನಡೆದಿದೆ.
ಬೀದರ್ ಮೂಲದ ಪುರುಷೋತ್ತಮ ಪಾಟೀಲ್ (22), ರಕ್ಷಿತಾ ( 22) ಮೃತ ದುರ್ದೈವಿಗಳು. ಬೀದರ ಮೂಲದ ಇವರಿಬ್ಬರು ಸೋಮವಾರ ಮಧ್ಯಾಹ್ನ ಸುಪಾ ಡ್ಯಾಂ ಎದುರಿಗೆ ಇರುವ ಕಾಳಿ ಸೇತುವೆ ಮೇಲೆ ನಿಂತು ಸೆಲ್ಫಿ ತೆಗೆಯಲು ನಿಂತಿದ್ದಾರೆನ್ನಲಾಗಿದೆ. ಆಯ ತಪ್ಪಿ ಕೆಳಕ್ಕೆ ಬಿದ್ದಿದ್ದಾರೆ.
ರಾಮನಗರ ಪೊಲೀಸರು ಮತ್ತು ಅಗ್ನಿಶಾಮಕ ದಳ ಸಿಬ್ಬಂದಿಗಳು ಹುಡುಕಾಟ ನಡೆಸಿದರೂ ಪ್ರಯೋಜನವಾಗಿರಲಿಲ್ಲ. ಮಂಗಳವಾರ ಬೆಳಿಗ್ಗೆ ಇಬ್ಬರು ಮೃತದೇಹ ಪತ್ತೆಯಾಗಿದೆ.
ರಾಮನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
