ಭಟ್ಕಳ: ತಾಲೂಕಿನ ಜಾಲಿ ಪಟ್ಟಣ ಪಂಚಾಯತ 13 ವಾರ್ಡುಗಳಿಗೆ ಸೋಮವಾರ ಚುನಾವಣೆಯು ಶಾಂತಿಯುತವಾಗಿ ನಡೆದಿದ್ದು, 64.58% ಮತದಾನ ದಾಖಲಾಗಿದೆ.
13 ವಾರ್ಡುಗಳ ಪೈಕಿ 8 ಮತಗಟ್ಟೆಗಳಲ್ಲಿ ತುರುಸಿನ ಮತದಾನ ನಡೆಯಿತು. ಮತಗಟ್ಟೆಗಳ ಹೊರಗೆ ಮತದಾರರ ಓಲೈಸುವ ಪ್ರಯತ್ನ ಅಲ್ಲಲ್ಲಿ ನಡೆದುಕೊಂಡು ಇರುವುದು ಕಂಡು ಬಂತು. ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಜಾಲಿಕೋಡಿಯಲ್ಲಿ 80.98% ಗರಿಷ್ಠ ಮತದಾನವಾಗಿದ್ದರೆ, ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಮದೀನಾ ಕಾಲೋನಿ (ಉತ್ತರಭಾಗ) ಮತಗಟ್ಟೆಯಲ್ಲಿ ಕನಿಷ್ಠ 37.54% ಮತದಾನ ದಾಖಲಾಗಿದೆ.
ಇನ್ನುಳಿದಂತೆ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ವೆಂಕ್ಟಾಪುರ (73.88%), ಮಕ್ತಾಬ್ ಜಾಮೀಯಾ ಇಸ್ಲಾಮಿಯಾ ಭಟ್ಕಳ ,ಪೂರ್ವಭಾಗ (64.90%), ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಂಡೆಕೋಡ್ಲು (79.86%), ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಹುರುಳಿಸಾಲ, ಪೂರ್ವ ಭಾಗ (62.81%), ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಉತ್ತರಭಾಗ (54.06%), ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಜಾಲಿ, ಪೂರ್ವಭಾಗ (68.05%), ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ, ಜಾಲಿ ಪಶ್ಚಿಮಭಾಗ (71%), ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆ ಜಾಲಿಕೋಡಿ (ಪಶ್ಚಿಮಭಾಗ ) ಹೊಸ ಆರ್ಸಿಸಿ ಕಟ್ಟಡ ( 76.79%), ಅಂಜುಮನ್ ಆಝಾದ್ ಪ್ರೈಮರಿ ಸ್ಕೂಲ್ (ಉತ್ತರ ಭಾಗ) (55.21%), ಹಿರಿಯ ಪ್ರಾಥಮಿಕ ಶಾಲೆ ಬೆಂಡೇಕಾನ್, ಪೂರ್ವಭಾಗ (56.37%), ಹಿರಿಯ ಪ್ರಾಥಮಿಕ ಶಾಲೆ ಬೆಂಡೆಕಾನ, ಪಶ್ಚಿಮಭಾಗ (50.83%) ಮತದಾನ ದಾಖಲಾಗಿದೆ.
ಮತಗಟ್ಟೆಯ ವ್ಯಾಪ್ತಿಯಲ್ಲಿ ಶಾಂತಿ ಭಂಗವಾಗದಂತೆ ಬಿಗಿಯಾದ ಪೊಲೀಸ್ ಬಂದೋಬಸ್ತ ಏರ್ಪಡಿಸಲಾಗಿತ್ತು. ಮತಗಟ್ಟೆಯನ್ನು ಪ್ರವೇಶಿಸುವ ಮುನ್ನ ಆರೋಗ್ಯ ಸಿಬ್ಬಂದಿಗಳು ಮತದಾರರನ್ನು ಸೆನಿಟೈಸೇಶನ್ಗೆ ಒಳಪಡಿಸಿದರು. ಇಲ್ಲಿನ ಶ್ರೀಗುರುಸುಧೀಂದ್ರ ಕಾಲೇಜಿನಲ್ಲಿ ಮತಪೆಟ್ಟಿಗಳನ್ನು ಇಡಲಾಗಿದ್ದು, ಡಿ.30 ರಂದು ಮತ ಎಣಿಕೆ ನಡೆಯಲಿದೆ.