بھٹکل جالی پٹن پنچایت انتخابات؛ مدینہ کالونی میں سب سے کم اور جالی کوڈی میں سب سے زیادہ پولنگ

Source: S.O. News Service | By I.G. Bhatkali | Published on 27th December 2021, 11:53 PM | ساحلی خبریں |

بھٹکل 27 ڈسمبر(ایس او نیوز) بھٹکل  جالی پٹن پنچایت کے 13 وارڈوں کے لئے آج پیر کو انتخابات کا انعقاد عمل میں آیا۔ جس میں قریب65 فیصد پولنگ ریکارڈ کی گئی۔ صبح  سات بجے شروع ہوکر شام پانچ بجے انتخابی کاروائی مکمل ہوئی  اس کے ساتھ ہی 35 اُمیدواروں کی قسمت بیلٹ بوکس میں  محفوظ ہوگئی، جس کے نتائج  30 ڈسمبر کو ظاہر ہوں گے۔

بھٹکل کے  ہورلی سال اور جالی کوڈ ی  سمیت تین چار جگہوں پر  اُمیدواروں اور اُن کے حمایتیوں کے درمیان تھوڑی بہت چپقلش نظر آئی، جالی کوڈی میں بی جے پی اور کانگریس کے اراکین کے درمیان  زبانی جھڑپیں پیش آئی تو وہیں  ہورلی سال میں تنظیم حمایتی اُمیدوار اور آزاد اُمیدوارسمیت  اُن کے حامیوں کے درمیان تھوڑے تھوڑے وقفے میں  آپسی تناو اور زبانی جھڑپیں دیکھنے کو ملیں۔ مگر پولس کے  مناسب  انتظامات نے حالات کو قابو سے باہر نہیں ہونے دیا۔

بھٹکل میں سب سے زیادہ پولنگ جالی کوڈی، وارڈ نمبر دس پر ریکارڈ کی گئی جہاں 80.98 فیصد پولنگ ہوئی، اسی طرح مدینہ کالونی  وارڈ نمبر 18 پر سب سے کم یعنی 37.54 فیصد پولنگ ہوئی۔ ہورلی سال جہاں انتخابی پارہ کافی گرم نظر آیا، 54.06 فیصد پولنگ ہوئی۔بالجملہ جالی پنچایت کی پولنگ 64.58 فیصد درج کی گئی۔

بتاتے چلیں کہ 20 وارڈس والے جالی پٹن پنچایت کے لئے سات سیٹوں پر نمائندے بلا مقابلہ ہی منتخب ہوچکے ہیں جو سبھی تنظیم حمایت یافتہ آزاد اُمیدوار ہیں، تنظیم کی حمایت میں مزید پانچ اُمیدواروں کی قسمت آج بیلٹ بوکس میں بند ہوچکی ہے، اسی طرح اس بار کے انتخابات میں بی جے پی سات وارڈوں میں اور کانگریس آٹھ وارڈوں میں اپنے اپنے نمائندوں کو میدان میں اُتارا ہے جبکہ آزاد اُمیدواروں کی تعداد 20 ہے۔

بھٹکل تحصیلدار دفتر سے ملی اطلاع کے مطابق 13 وارڈوں میں پولنگ کا تناسب کچھ اس طرح ریکارڈ کیا گیا:

W Polling Station Voters Casted Percent
1 Govt school Venktapur 712 526 73.88
2 Maktab Jamia Islamia Kargedde (E) 567 366 64.90
3 Govt school Kandekodlu 1122 896 79.86
4 Govt school Horlisal (East) 527 331 62.81
6 Govt school Horlisal (West) 690 373 54.06
8 Govt school Jali (East) 745 507 68.05
9 Govt school Jali (West) 831 590 71.00
10 Govt school Jali Kodi 694 562 80.98
11 Govt school Jali Kodi RCC bldg 896 688 76.79
14 Anjuman Azad school (North) 681 376 55.21
18 Urdu school Madina colony (North) 634 238 37.54
19 Higher Primary school Bendekan (E) 1130 637 56.37
20 Higher Primary school Bendekan (W) 960 488 50.83
   Total 10189 6580 64.58

 

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...