ಕೋಲಾರ,ಜೂ.13: ತಮಿಳುನಾಡಿನ ವೆಲ್ಲೂರು ಕ್ರಿಕೆಟ್ ಅಸೋಸಿಯೇಷನ್ ವತಿಯಿಂದ ನಡೆದ ರಾಜ್ಯಮಟ್ಟದ ಟಿ-20 ಫೈನಲ್ ಪಂದ್ಯದಲ್ಲಿ ಈ-ಜೋನ್ ಇನ್ಸ್‍ಟಿಟ್ಯೂಟ್ ಆಫ್ ಕ್ರಿಕೆಟ್ ಕೋಲಾರ ತಂಡವು ಗೆಲುವು ಸಾಧಿಸಿ ಚಾಂಪಿಯನ್ಸ್ ಆಗಿ ಹೊರಹೊಮ್ಮುವ ಮೂಲಕ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿದ್ದಲ್ಲದೆ 50,000/- ರೂ.ಗಳ ನಗದು ಬಹುಮಾನವನ್ನು ಪಡೆದಿದೆ. 

    ಭಾನುವಾರ ನಡೆದ ಪ್ರಶಸ್ತಿ ಸುತ್ತಿನ ಕಾದಾಟದಲ್ಲಿ ಮೊದಲು ಬ್ಯಾಟ್ ಮಾಡಿದ ಚೆನೈ ಜಾಲಿ ಕ್ರಿಕೆಟರ್ಸ್ 20 ಓವರ್‍ಗಳಲ್ಲಿ 167 ರನ್ ಕಲೆಹಾಕಿತ್ತು. ಇದಕುತ್ತರವಾಗಿ ಬ್ಯಾಟ್ ಮಾಡಿದ ಈ ಜೋನ್ ತಂಡ 19.1 ಓವರುಗಳಲ್ಲಿ 168 ರನ್ ಜಯಗಳಿಸಿದರು. ಸಪ್ತ ಪಂದ್ಯ ಪುರುಷೋತ್ತಮ ಹಾಗೂ ನಾರಾಯಣಸ್ವಾಮಿ ಸರಣಿ ಶ್ರೇಷ್ಠ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡರು. 
    ತಂಡದ ಸದಸ್ಯರಾದ ಉಲ್ಲಾಸ್, ಶಿವು, ಷರೀಫ್, ವಿನೋದ್, ವೆಂಕಿ, ಕೃಷ್ಣಸಿಂಗ್, ಜಯಕಿರಣ್ ಮತ್ತು ಮದಿ ಸರಣಿಯುದ್ದಕ್ಕೂ ಉತ್ತಮ ಪ್ರದರ್ಶನ ನೀಡಿದರು. ಈ ಸಂದರ್ಭದಲ್ಲಿ ಚಾಂಪಿಯನ್ಸ್ ಆದ ಈ ಜೋನ್ ತಂಡವನ್ನು ಈ-ಜೋನ್ ಮಂಜುನಾಥರೆಡ್ಡಿ, ವಾಸುದೇವಮೂರ್ತಿ, ಓಂಶಕ್ತಿ ಚಲಪತಿ, ಶಶಿಧರ್, ಮುದುವಾಡಿ ವೇಣು, ಉದಯ್‍ಕುಮಾರ್, ತ್ಯಾಗರಾಜ್ ಅಭಿನಂದಿಸಿದರು.

ವರದಿ: ಮೊಹಮ್ಮದ್ ಶಬ್ಬೀರ್, ಶ್ರೀನಿವಾಸಪುರ