ಕೋಲಾರ: ಬೆಂಗಳೂರಿನ ಬಿ.ಇ.ಎಲ್ ಪ್ರಥಮ ದರ್ಜೆ ಕಾಲೇಜಿನ ನಿರ್ವಹಣಾಶಾಸ್ತ್ರ ಸಹ ಪ್ರಾಧ್ಯಾಪಕಿ ಎಸ್.ಎನ್.ಮಂಜುಳ ರವರಿಗೆ ಆಂಧ್ರ ಪ್ರದೇಶದ ರಾಯಲಸೀವi ವಿಶ್ವವಿದ್ಯಾಲಯ ಡಾಕ್ಟರೇಟ್ ಪದವಿಯನ್ನು ನೀಡಿ ಗೌರವಿಸಿದೆ.

ಬೆಂಗಳೂರು ವಿಜಯನಗರದಲ್ಲಿರುವ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಪ್ರಾಧ್ಯಾಪಕ ಡಾ||ಎಂ.ವೆಂಕಟರಮಣರೆಡ್ಡಿರವರ ಮಾರ್ಗದರ್ಶನದಲ್ಲಿ "ಇಂಪ್ಯಾಕ್ಟ್ ಆಫ್ ಟ್ರೈನಿಂಗ್ ಆನ್ ಪರ್ಫಾರ್ಮೆನ್ಸ್ ಆಫ್ ಎಂಪ್ಲಾಯೀಸ್ ಇನ್ ಇನ್ಶ್ಯೂರೆನ್ಸ್ ಸೆಕ್ಟಾರ್-ಎ ಸ್ಟಡಿ ಆಫ್ ಸೆಲೆಕ್ಟೆಡ್ ಪಬ್ಲಿಕ್ ಅಂಡ್ ಪ್ರೈವೇಟ್ ಲೈಫ್ ಇನ್ಶ್ಯೂರೆನ್ಸ್ ಕಂಪನೀಸ್ ಇನ್ ಬೆಂಗಳೂರು" ಎಂಬ ವಿಷಯದ ಮೇಲೆ ಮಂಡಿಸಿದ ಪ್ರೌಢ ಪ್ರಬಂಧಕ್ಕೆ ಆಂಧ್ರಪ್ರದೇಶದ ರಾಯಲಸೀವi ವಿಶ್ವವಿದ್ಯಾಲಯ ಡಾಕ್ಟರೇಟ್ ಪದವಿಯನ್ನು ನೀಡಿ ಗೌರವಿಸಿದೆ.

ಕೋಲಾರ ಜಿಲ್ಲೆ ಶ್ರೀನಿವಾಸಪುರದ ನಿವಾಸಿಗಳಾದ ಡಾ||ಮಂಜುಳ.ಎಸ್.ಎನ್. ರವರನ್ನು ಅವರ ಶೈಕ್ಷಣಿಕ ಸಹಪಾಠಿಗಳು ಮತ್ತು ಹಿತೈಷಿಗಳು ಅಭಿನಂದಿಸಿದ್ದಾರೆ.