سرگرم رکن محمد زُبیر خلیفہ بھٹکل مسلم جماعت قطر کے پھر صدرمنتخب؛ میڈیا کمیٹی کی تشکیل کے بعد جاری کی گئی پریس ریلیز

Source: S.O. News Service | By I.G. Bhatkali | Published on 4th November 2019, 12:30 AM | ساحلی خبریں | خلیجی خبریں | ان خبروں کو پڑھنا مت بھولئے |

بھٹکل 3/نومبر (ایس او نیوز)   بھٹکل مسلم جماعت قطر کے سرگرم رکن جناب محمد زُبیر خلیفہ پھر ایک بار صدر کے عہدہ پرمنتخب ہوگئے جبکہ جناب عبدالرب اسماعیلجی پہلی مرتبہ جنرل سکریٹری کے عہدہ پر منتخب ہوگئے ہیں۔ عہدیداران کا انتخاب دو ماہ قبل ہی عمل میں آیا تھا، البتہ  حال ہی میں  میڈیا کمیٹی کی تشکیل کے بعد   پریس ریلیز کے ذریعے  جانکاری  جاری کی گئی۔

جماعت کی میڈیا کمیٹی کے رکن   فیض الرحمن محتشم نے  بتایا کہ  135 ممبران پر مشتمل بھٹکل مسلم جماعت قطر کے انتخابات مورخہ 12/اگست کو ہوئے تھے جس میں 12 اراکین کا انتخاب عمل میں آیا تھا۔ اُس سے قبل تحلیل شدہ انتظامیہ میں سے تین ممبران کا انتخاب کیا گیا تھا۔بعد میں عہدیداران کے انتخاب کے بعد صدر کے اختیار پر تین مزید  ممبران کو انتظامیہ میں شامل کیا گیا، اس طرح قطر جماعت کی انتظامیہ 18 ممبران پر مشتمل ہے۔ 

 انہوں نے بتایا کہ 25ستمبر کو عہدیداران کا انتخاب عمل میں آیا تھا  جس میں  جناب محمد زُبیر خلیفہ کو صدر  منتخب کیا گیا۔ موصوف اس سے  قبل والی میعاد میں  جنرل سکریٹری کے عہدہ پر فائز تھے،جبکہ  موصوف کئی بار جماعت کے صدر کے عہدہ پر رہ کربھی   خدمات انجام دے چکے ہیں۔ اس بار جناب ضیاء کولا نائب صدر، عبدالرب اسماعیلجی جنرل سکریٹری،  معاذ کولا نائب سکریٹری، جواد محمد صاحب کاڈلی محاسب اور مولوی فُضیل احمد ارمار خازن کے عہدہ پرمنتخب ہوئے ہیں۔

جملہ انتظامیہ اراکین کے نام یہ ہیں؛ جناب مولوی فضیل ارمار۔ جناب عبد الغنی علی اکبرا۔  جناب صلاح الدین شا ہ بندری ۔ جناب محمدزبیر خلیفہ۔جناب عبد الرب اسمٰعیلجی۔  جناب مو لوی یحییٰ بر ماور۔  جناب مولوی عبد العظیم رکن الدین۔ جناب فیاض کولا۔ جناب ابراہیم خلیل سدی احمدا۔ جناب معاذ کولا۔  جناب ضیاءکو لا۔ جناب ظہیر سدی باپا۔ جناب فیض الرحمن محتشم۔ جناب جواد کاڈلی۔  جناب عتیق الرحمن پیشمام۔ جناب رضین رکن الد ین۔   جناب ظہیر ایس ایم۔  جناب اسمٰعیل جو کاکو۔ 
 

ایک نظر اس پر بھی

بھاری برسات کے وقت منگلوروایئر پورٹ پر طیاروں کو اترنے کی اجازت نہیں دی جائے گی۔ ایئر پورٹ ڈائریکٹر راؤ کا بیان

منگلورو انٹر نیشنل ایئر پورٹ کے دائریکٹر وی وی راؤ نے ایک بیان جاری کرتے ہوئے کہا ہے کہ بھاری برسات اور خراب موسم کی وجہ سے چیزیں صاف دکھائی نہ دینے کی صورت میں ایئر پورٹ پر طیاروں کو لینڈنگ کی اجازت نہیں دی جائے گی۔

بیروت دھماکے کے بعد غصے میں بپھرے عوام کو مظاہرے کے لیے اکٹھا ہونے کی کال

لبنان میں جمعے کی شام متعدد شہری تنظیموں اور سوسائٹیز کی جانب سے سامنے آنی والی کال میں عوام سے مطالبہ کیا گیا ہے کہ وہ ہفتے کی سہ پہر مقامی وقت کے مطابق 4 بجے سے بیروت کے وسط میں الشہداء اسکوائر پر جمع ہونا شروع ہو جائیں۔

لبنان کی مشکل اور پیچیدہ صورت حال میں مدد کے لیے حاضر ہیں: احمد ابو الغیط

عرب لیگ کے سکریٹری جنرل احمد ابو الغیط آج ہفتے کے روز بیروت پہنچے ہیں۔ اپنے دورے میں وہ لبنانی صدر میشل عون، وزیر اعظم حسان دیاب اور پارلیمنٹ کے اسپیکر نبیہ بری سے ملاقات کریں گے۔ ابو الغیط بیروت کی بندرگاہ پر دھماکے کی جگہ کا دورہ بھی کریں گے۔بیروت کے ہوائی اڈے پر پہنچنے کے ...

سعودی عرب کی حکومت کا اہم فیصلہ

سعودی پبلک پراسیکیوشن نے قانون تحفظ اطفال کے حوالے بعض نکات کی وضاحت کی ہے، جس کے مطابق بچوں کے ساتھ کیے جانے والے غیر قانونی سلوک پر سخت سزائیں دی جائیں گی۔ ...

کیرالہ میں پیش آیا چٹان کھسکنے کا خطرناک حادثہ۔ 15ہلاک اور60سے زائدافراد ہوگئے لاپتہ۔ ملبے میں دب گئیں 30جیپ گاڑیاں 

کیرالہ کے مشہور تفریحی مقام ’مونار‘ سے قریب ’ایڈوکی‘ میں چٹان کھسکنے کا ایک خطرناک حادثہ پیش آیا جس میں تاحال 15افراد ہلاک ہونے اور 60سے زیادہ لوگ لاپتہ ہونے کے علاوہ 30جیپ گاڑیاں چٹان کے ملبے میں دب کر رہ جانے کی خبر ہے۔

عالمی ادارہ صحت نے کہا؛ سماجی فاصلہ برقرار نہ رکھنے سے بڑھ رہے ہیں کورونا کے معاملات، نوجوان مریضوں کی تعداد میں تین گنا اضافہ

عالمی ادارہ صحت (ڈبلیو ایچ او) کا کہنا ہے کہ سماجی فاصلہ برقرار نہ رکھنے کی وجہ سے گزشتہ پانچ ماہ کے دوران کرونا وائرس سے متاثرہ نوجوانوں کی تعداد میں تین گنا اضافہ ہوا ہے۔ڈبلیو ایچ او کی رپورٹ کے مطابق فروری کے آخر سے لے کر جولائی کے وسط تک، کرونا وائرس کا شکار ہونے والے 60 لاکھ ...