ملائشیا:ذاکر نائک نے متنازع بیان پر معافی مانگ لی
کوالالمپور، 21اگست (ایس او نیوز؍یو این آئی) ملائشیا میں، متنازع اسلامی مبلغ ذاکر نائک پرعوامی طور پرتقریر کرنے پر پابندی عائد کردی گئی ہے۔ پولیس کے محکمہ مواصلات کے چیف اور سینئر اسسٹنٹ کمانڈر، داتوک اسماوتی احمد نے کہا، ہاں“ تمام پولیس دستوں کو ایسے احکامات دیئے گئے ہیں اور قومی سلامتی کے لئے یہ فیصلہ کیا گیا ہے۔ اس کا مقصد نسلی ہم آہنگی بگڑنے سے روکنا ہے۔دوسری طرف نائک نے اس سلسلے میں لوگوں سے معافی مانگتے ہوئے کہا کہ میں نے اگرچہ اپنی طرف سے یہ واضح کردیا ہے، لیکن میں سمجھتا ہوں کہ مجھے ان لوگوں سے معافی مانگنی چاہئے جن کو اس غلط فہمی کی وجہ سے چوٹ پہنچی ہے۔ میں نہیں چاہتا کہ میری وجہ سے کوئی پریشان ہو۔ اس سے قبل ملائیشیا کے وزیر اعظم مہاثیر محمد نے 16 اگست کو کہا تھا کہ اگر تحقیقات سے پتہ چلا کہ نائک ملک کا ماحول خراب کررہے ہیں تو ان کی مستقل شہریت ختم کردی جائے گی۔