بھٹکل:25؍جون (ایس او نیوز) دی نیوانگلش پی یو کالج میں منعقدہ پارلیمنٹ نامی ایک پروگرام کا افتتاح کرتے ہوئے بھٹکل ایجوکیشن کے صدر ڈاکٹر سریش نایک نے نوجوانوں سے اپیل کی کہ وہ اپنی ذمہ داریوں کا شعور رکھتے ہوئے اوقات کا صحیح استعمال کریں اور ملک کی تعمیر اور اس کی ترقی میں اپنا رول ادا کریں۔ انہوں نے کہاکہ حکومت نے نوجوانوں کے لئے بہت سارے منصوبے بنائیں ہیں اور کئی اسکیمیں متعارف کرائی ہیں، نوجوانوں کو چاہئے کہ وہ ان منصوبوں کی جانکاری حاصل کرتے ہوئے اُس سے بھرپور استفادہ کریں۔
نہرو یوا کیندر کے منتظم وپین چٹائم نے افتتاحی کلمات پیش کئے ۔ لکچرر ناگ لکشمی نے یوگا کے متعلق مقالہ پیش کیا تو وجیا بینک کے موظف مینجر ایم آر نائک نے اسکل ڈیولپمنٹ پر اور اگینانیشوری ایجوکیشن کالج کے پرنسپال نرسمہا مورتی نے یوتھ کلب کے متعلق اپنے مقالہ جات پیش کئے۔ گروسدھیندر اکالج اور بی سی اے کالج کے پرنسپال شری ناتھ پائی نے بھی اس موقع پر اپنے تاثرات پیش کئے۔ پرنسپال وریندر شانبھاگ نے صدارت کی۔ وانی شری اور ساتھی طالبات نے پرارتھنا کی ۔ لکچرر جیوتی پربھو نے نظامت کرتےہوئے شکریہ اداکیا۔