بنگلورو،17؍جولائی(ایس او  نیوز) شہر کے شیواجی نگر پو لیس تھانہ کے قریب دن دہاڑے نوجوان کا قتل کر دیا گیا۔مقتول کی شناخت جواد (25) کے طور پر کی گئی ہے۔

پو لیس ذرائع کے مطابق آج صبح9.40بجے شیواجی نگر پو لیس تھانہ کی حدود میں آنے والے ایچ بی ایس اسپتال سے قریب حملہ وار نے مقتول کو زبردستی روک کر چاقو سے گلا کاٹ دیا اور فرار ہو گیا۔پو لیس کے مطابق مقتول سی سی ٹی وی کیمروں کی مرمت کا کام کر رہا تھا۔

پو لیس کے مطابق جس مقام پر قتل ہوا تھا اس کے قریب نصب شدہ خفیہ کمروں میں مناظر قید ہو ئے ہیں۔پو لیس نے شبہ ظاہر کیا ہے کہ لڑکی کے معا ملہ کو لے کر قتل کی واردات پیش آئی ہے۔

بتا یا جا تا ہے کہ مقتول جس لڑکی سے عشق کر رہا تھا اس کی شادی کسی اور نوجوان کے ساتھ ہو چکی تھی،اس پر مقتول ناراض تھا کئی مرتبہ شیواجی نگر پو لیس تھانہ کو طلب کرکے مصالحت کروانے کی کوشش کی تھی۔آج صبح حملہ ور جواد کا گلا کاٹ کر حملہ وار فرار ہوگیا،خون میں لت پت مقتول نے دوڑتے ہو ئے ایچ بی ایس اسپتال میں داخل ہو نے کی کوشش کی لیکن زخموں کی تاب نہ لاکر درمیان ہی میں اس نے دم توڑ دیا۔

اطلاع پا کر ڈپٹی کمشنر آف پو لیس ڈاکٹر بھومی شنکر گلہوٹ نے جائے واردات پر پہنچ کر معا ئنہ کیا۔ اس سلسلہ میں شیواجی نگر پو لیس نے قتل کا معا ملہ درج کر کے۔قتل کے مقام پر نصب شدہ خفیہ کیمروں کے فوٹیج کو اپنے قبضہ میں لے کرپولیس قاتل کی تلاش کر رہی ہے۔