بیلتنگڈی : شادی شدہ خاتون نے پھانسی لگا کر کی خودکشی ۔ جہیز ہراسانی کا شبہ
بیلتنگڈی 19/ اکتوبر (ایس او نیوز) کوکاڈا گاوں میں ایک شادی شدہ خاتون نے مبینہ طور پر شوہر کی طرف سے کی جارہی جہیز ہراسانی سے تنگ آکر خودکشی کرلی ۔
اطلاع کے مطابق رشمیتا (28 سال) نامی خاتون نے اپنے شوہر راجیش کی طرف سے کی جا رہی مسلسل جہیز ہراسانی سے پریشان تھی ، اس وجہ سے اس نے پھانسی لگا لی ۔ جب رشمیتا کی خودکشی کی خبر معلوم ہوئی تو راجیش نے بھی اپنی جان دینے کی کوشش کی ، لیکن مقامی لوگوں نے اسے بچا لیا ۔
رشمیتا کے والد روی چندرا نے دھرمستھلا پولیس اسٹیشن میں شکایت درج کروائی ہے جس میں شوہر راجیش پر رشمیتا کو جہیز کے لئے قتل کرنے اور اسے خودکشی کا روپ دینے کا الزام لگایا گیا ہے ۔ اس شکایت کی بنیاد پر پولیس نے جہیز ہراسانی کا کیس درج کرلیا ہے ۔