شیموگہ:23؍فروری(ایس اؤ نیوز)عدالت میں زیر سماعت ایک کیس کے دوران گواہ نے جج کے سامنے ہی وکیل کی ’تم پاکستان والے‘کہتے ہوئے ہتک کرنے پر جج نے ایک دن جیل کی سزا دئیے جانے کا واقعہ شیموگہ کی جے ایم ایف سی عدالت میں پیش آیا ہے۔
عدالت میں زیر سماعت ایک معاملےمیں گواہی دینے عدالت پہنچے بھدراوتی تعلقہ سدلی پور کے شنکرکو وکیل نیاز نے جرح کے دوران چند سوالات پوچھے، سوالات کا ٹھیک طرح سے جواب دینے کے بجائے شنکر نے مشتعل ہوکر ہتک آمیز الفاظ کا استعمال کرتے ہوئے وکیل کو ہی ’ تم پاکستانی ہو‘ کہہ دیا۔ اس وقت عدالت کی منصفہ جیوتی پاٹل نے گواہ کی اشتعال انگیزی اور نازیبا سلوک پرعدالت کی کارروائی میں مداخلت، نامناسب رویہ برتنےکے الزام میں شنکر کو ایک دن جیل بھیجے جانے کی سزا سناتے ہوئے فیصلہ صادرکیا۔