لکھنؤ25اکتوبر(آئی این ایس انڈیا)بہوجن سماج پارٹی (بی ایس پی) کی صدر مایاوتی نے اتر پردیش حکومت کے کوویڈ 19 میں جاں بحق ہونے والوں کے لواحقین کو مالی مددفراہم کرنے کے فیصلے کو بہت دیر سے لیا گیا فیصلہ قرار دیا۔مایاوتی نے پیر کو ٹویٹ کیا ہے کہ اترپردیش حکومت کا کورونا وائرس انفیکشن کی وجہ سے مرنے والوں کے اہل خانہ کو مالی مدد فراہم کرنے کا فیصلہ بہت دیر سے لیا گیا ہے، جو بہت پہلے کیا جانا چاہیے تھا، لیکن اب لوگوں کو یہ ملنا چاہیے۔جلد دستیاب ہونا چاہیے۔ یہ بی ایس پی کا مطالبہ ہے۔