یشونت پورریلوے اور میٹرو پراجکٹ میں پھر تاخیر
بنگلورو، 17؍جولائی(ایس او نیوز) یشونت پورریلوے اورمیٹرو اسٹیشنوں کو جوڑنے والے پل کے کام میں 8سال کی تاخیر ہوچکی ہے۔ اس کے مستقبل قریب میں مکمل ہونے کے امکانات بھی نظرنہیں آرہے ہیں۔گزشتہ ماہ بنگلور میٹروریل کارپوریشن (بی ایم آرسی ایل) نے شروع کیا تھا جوپھرسے رک گیا ہے۔ٹمکور روڈ پر یہ فٹ اوور برڈج(ایف اوبی) جلد مکمل ہونے کا امکان نہیں ہے۔ 2014ء میں اس کا کام شروع ہوا تھا جوالتواء کا شکارہوتا رہا ہے۔ بی ایم آر سی ایل نے 1.62 کروڑ کی لاگت سے اس کی تعمیر کنٹریکٹ ہومبل کنسٹرکشنز پرائیویٹ لمیٹڈ کودیا تھا۔ یہ90 میٹر لمبا اور4/ میٹروسیع ہوگا جس سے لوگوں کوفائدہ ہوگا۔