یمنی حوثیوں نے بحیرہ احمر کے جنوب میں جہازاغوا کر لیا: عرب اتحاد

Source: S.O. News Service | Published on 19th November 2019, 8:06 PM | خلیجی خبریں | عالمی خبریں |

ریاض / 19 نومبر (آئی این ایس انڈیا) یمن کے ایران نواز حوثی شیعہ باغیوں نے بحیرہ احمر کے جنوب میں ایک چھوٹے جہاز (رابغ تین) کو اغوا کر لیا ہے۔عرب اتحاد کے ترجمان کرنل ترکی المالکی نے سوموار کو ایک بیان میں کہا ہے کہ دو کشتیوں پر سوار مسلح حوثی جنگجوؤں نے اس جہاز کو ہائی جیک کیا ہے۔انھوں نے بتایا ہے کہ اس بحری جہاز کے ساتھ ایک ڈرلنگ رِگ بندھی ہوئی تھی اور وہ اسے لارہا تھا۔یہ جہاز جنوبی کوریا کی ایک کمپنی کا ملکیتی بتایا گیا ہے۔کرنل ترکی المالکی نے عرب اتحاد کے اس موقف کا اعادہ کیا ہے کہ یمن کے حوثی باغیوں کی کارروائیوں سے بین الاقوامی جہاز رانی اور بحری تجارت کو خطرہ لاحق ہے اور جہازوں کے اغوا کے واقعات آبنائے باب المندب اور بحیرہ احمر کے جنوب کی سکیورٹی کے لیے خطرے کا موجب ہیں۔

ایک نظر اس پر بھی

حجاج کے انتخاب کا معیار اس سال کیا ہوگا؟

سعودی عرب کی وزارتِ حج وعمرہ نے سوموار کو اس سال فریضۂ حج ادا کرنے والے خوش نصیبوں کے انتخاب کے معیار کا اعلان کردیا ہے اور ان کے انتخاب میں صحت کے معیارات کو اوّلین ترجیح اور مرکزی حیثیت حاصل ہوگی۔

دبئی سے بھٹکل و اطراف کے 181 لوگوں کو لے کر آج آرہی ہے دوسری چارٹرڈ فلائٹ؛ رات کو مینگلور ائرپورٹ میں ہوگی لینڈنگ

کورونا وباء اور اس کے بعد ہوئے لاک ڈاون سے  دبئی اور امارات میں پھنسے ہوئے 181 لوگوں کو لے کر آج دبئی سے دوسری چارٹرڈ فلائٹ مینگلور پہنچ رہی ہے۔ اس بات کا اطلاع بھٹکل کے معروف اورقومی سماجی ادارہ مجلس اصلاح و تنظیم کے نائب صدر  جناب عتیق الرحمن مُنیری نے دی۔

خطرے میں اسپین، 95 فیصد آبادی ہو سکتی ہے کورونا کا شکار: تحقیق

کورونا وائرس یعنی کووڈ-19 کے حوالہ سے اسپین میں کی گئی اسٹڈی میں یہ بات سامنے آئی ہے کہ اسپین کی آبادی کا صرف 5فیصد ہی اینٹی باڈیز تیار کرسکا ہے، جس سے یہ بات ثابت ہوتی ہے کہ کورونا سے بچاؤ کے لیے ’ہرڈ امیونٹی‘ حاصل نہیں کی جاسکتی۔