ریاض معاہدے پر آئندہ دو روز میں دستخط ہو جائیں گے : یمنی وزیر اطلاعات

Source: S.O. News Service | Published on 26th October 2019, 6:14 PM | خلیجی خبریں | عالمی خبریں |

صنعاء،26اکتوبر(ایس او نیوز؍ایجنسی) یمن کے وزیر اطلاعات معمر الاریانی کا کہنا ہے کہ ریاض معاہدے کے ابتدائی مسودے پر دستخط کے بعد آئندہ دو روز کے دوران سمجھوتے پر سرکاری طور پر دستخط کر دیے جائیں گے۔

جمعے کے روز اپنی ٹویٹ میں الاریانی نے اس امید کا اظہار کیا کہ تمام فریق سیاسی رقابت سے دور رہتے ہوئے اپنی صفوں میں اتحاد کے واسطے مثبت کردار ادا کریں گے ... تا کہ ایران نواز حوثی ملیشیا سے خلاصی حاصل کرنے کا معرکہ کامیابی سے ہمکنار ہو۔

یاد رہے کہ یمنی صدر کے مشیر اور سابق وزیر خارجہ عبدالملک المخلافی نے جمعے کے روز باور کرایا کہ عدن میں قانونی حکومت کی واپسی کے حوالے سے یمنی حکومت اور عبوری کونسل کے درمیان ریاض معاہدہ ایک "مثبت سمجھوتا ہے جو قانونی حکومت اور ریاست کی واپسی کی کوششوں کو مضبوط بنائے گا"۔

المخلافی نے اپنی سلسلہ وار ٹویٹس میں واضح کیا کہ اس سمجھوتے میں نئی حکومت کی تشکیل اور وسیع اصلاحات پر عمل درامد شامل ہے۔ اس سمجھوتے سے تمام عسکری اور سیکورٹی تشکیلیں وزارت دفاع اور وزارت داخلہ کی قیادت کے تحت آ جائیں گی۔

دوسری جانب یمن کے نائب وزیراعظم سالم الخنبشی کے مطابق یمن کی قانونی حکومت اور جنوبی عبوری کونسل کے درمیان ریاض مکالمے کی دستاویز پر دستخط آئندہ دو روز کے دوران متوقع ہیں۔

جنوبی عبوری کونسل کے ساتھ مشاورت میں شریک حکومتی ٹیم کے رکن الخنبشی نے عربی روزنامے الشرق الاوسط کے ساتھ خصوصی گفتگو میں کہا کہ سعودی عرب نے فریقین کے درمیان سیاسی بات چیت کی سرپرستی کی اور مملکت کی دانش مندی سے یہ مشاورت کامیاب ہو سکی۔ یمنی نائب وزیراعظم کے مطابق سرکاری طور پر ریاض معاہدے پر دستخط کی تقریب میں سینئر قیادت شریک ہو گی۔

الخنبشی نے باور کرایا کہ سعودی عرب کے زیر قیادت دو بڑے فوجی آپریشنوں نے یمن میں ایرانی منصوبے پر بڑی حد تک روک لگا دی۔ انہوں نے واضح کیا کہ حوثیوں کے خاتمے اور خطے میں ایرانی نفوذ پر روک لگائے بغیر یمن میں استحکام پیدا نہیں ہو گا۔

ایک نظر اس پر بھی

ایران پر اسلحہ کے حصول پرعاید پابندیاں برقرار رکھنے کی جدوجہد جاری رکھیں گے: پومپیو

امریکی وزیر خارجہ مائیک پومپیو نے اپنے برطانوی ہم منصب ڈومینک راب کے ساتھ مشترکہ پریس کانفرنس میں کہا ہے کہ واشنگٹن ایران پر عائد اسلحہ کے پابندی کو برقرار رکھنے کے لیے اپنی کوششیں جاری رکھے گا۔ ...

کینسر کے شکار سعودی استاد کی بسترعلالت سے طلبا کی تدریس

سعودی عرب میں اپنے طلبا کو زیور علم سے آراستہ کرنے کے جذبے سے سرشار کینسر کا شکار ایک استاد کا سبق آموز اور قابل تقلید واقعہ سامنے آیا ہے جو چار ماہ سے خود اسپتال میں بستر علالت پر ہونے کے باوجود اپنی تکلیف کو بھلا کر بچوں کی تدریس کے فرائض انجام دے رہا ہے۔ ...

دو ریاستی حل میں امارات اور بحرین کا بڑا کردار ہو گا : جیرڈ کشنر کی العربیہ سے بات چیت

امریکی صدر کے مشیر جیرڈ کشنر کا کہنا ہے کہ دو ریاستی حل کو یقینی بنانے کے سلسلے میں امارات اور بحرین کا اہم کردار ہو گا۔ انہوں نے مزید کہا کہ فلسطینی معیشت کو بہتر بنانے کے لیے ایک اقتصادی منصوبہ موجود ہے۔

لیبیا : فائز السراج اکتوبر کے اختتام تک اقتدار سے دست بردار ہونے کے لیے تیار

لیبیا میں وفاق حکومت کی صدارتی کونسل کے سربراہ فائز السراج نے اعلان کیا ہے کہ وہ آئندہ ماہ اکتوبر کے اختتام تک اقتدار سے دست بردار ہونے اور اپنی ذمے داریاں ایگزیکٹو اتھارٹی کے حوالے کرنے کی خواہش رکھتے ہیں۔ ...

سمندری طوفان 'سیلی' امریکی ساحل سے ٹکرا گیا، شدید بارشوں کی پیشن گوئی

سمندری طوفان 'سیلی' بدھ کی صبح امریکی ریاست الاباما کے ساحلی قصبوں سے ٹکرا گیا۔ اپنے ساتھ تند و تیز ہوائیں اور شدید بارشیں لانے والے طوفان کے متعلق موسمیات کے ماہرین نے خبردار کیا ہے کہ وہ خلیجی ساحل کے کئی علاقوں میں بڑے پیمانے پر تباہی اور سیلاب لا سکتا ہے۔ ...

امن مذاکرات کے باوجود افغانستان میں طالبان کے حملوں میں 17 ہلاکتیں

دوحہ میں افغان حکومت اور طالبان کے وفود کے درمیان امن مذاکرات کے دوران طالبان افغانستان کے اندر بدستور اپنی عسکری کارروائیاں جاری رکھے ہوئے ہیں۔ ملک کے شمالی حصے میں گزشتہ 24 گھنٹوں میں مختلف واقعات میں کم از کم 17 افراد ہلاک ہو چکے ہیں۔ ...