کیرالہ میں مانسون کی دستک، محکمہ موسمیات نے 9 ضلعوں میں جاری کیا ’یلو الرٹ‘

Source: S.O. News Service | Published on 1st June 2020, 8:58 PM | ملکی خبریں | ان خبروں کو پڑھنا مت بھولئے |

تروواننت پورم،یکم جون (ایس او نیوز؍ایجنسی) جنوب مغربی مانسون نے کیرالہ میں دستک دے دی ہے۔ یہ ٹھیک اسی دن پہنچا ہے جس دن ساحلی ریاست سے اس کے ٹکرانے کا امکان ظاہر کیا گیا تھا۔ ہندوستانی محکمہ موسمیات نے اس ہفتہ کے آغاز میں کہا تھا کہ مانسون والی بارش یکم جون کے آس پاس ہندوستان میں دستک دے سکتی ہے۔ اس سے قبل اس نے 5 جون کو مانسون کی آمد کا امکان ظاہر کیا تھا، لیکن بعد میں بیان تبدیل کیا گیا۔ 2019 میں مانسون نے 8 جون کو کیرالہ میں دستک دی تھی۔

کیرالہ میں زبردست بارش کے درمیان ہندوستانی محکمہ موسمیات (آئی ایم ڈی) نے ریاست کے 9 اضلاع کے لیے یلو الرٹ جاری کر دیا ہے۔ محکمہ موسمیات نے کیرالہ کے تروواننت پورم، کولم، پتنم تھٹا، الاپوژا، کوٹایم، ایرناکولم، ایڈوکی، ملپورم اور کنور اضلاع میں یلو الرٹ جاری کیا ہے۔

کیرالہ کے زیادہ تر علاقوں میں آج زبردست بارش ہو رہی ہے جس کی وجہ سے درجہ حرارت میں کافی گراوٹ درج کی گئی ہے۔ محکمہ موسمیات کے مطابق تروواننت پورم میں دن کا درجہ حرارت 25 ڈگری تک چلا گیا ہے۔ کیرالہ کے جنوبی ساحلی علاقوں اور لکشدیپ میں گزشتہ چار دنوں سے لگاتار بارش ہو رہی ہے۔ آئی ایم ڈی کا کہنا ہے کہ "جنوب مغربی مانسون آج، یکم جون 2020 کو کیرالہ میں پہنچ گیا۔" بحر عرب کے اوپر گرداب 'نسرگ' کے بننے سے کیرالہ میں مانسون کی شروعات کے حالات موافق ہیں۔

قابل ذکر ہے کہ اراضی سائنس وزارت کے سکریٹری مادھون راجیون نے 15 اپریل کو اپنی قیاس آرائی میں کہا تھا کہ اس سال مانسون کی بارش عام طور سے طویل مدت کے بعد 100 فیصد ہونے کا امکان ہے۔ اس میں 5 فیصد کم یا زیادہ ہو سکتی ہے۔ بہر حال، آئی ایم ڈی مانسون کے تعلق سے دوسرے مرحلہ کی پیشین گوئی جاری کرے گا۔

ایک نظر اس پر بھی

ملک میں کورونا انفیکشن نے پھر بنایا ریکارڈ، 24 گھنٹوں میں ملے 22,771 نئے کیس، 442 لوگوں کی موت

ملک میں کورونا وائرس روز بروز شدید شکل اختیار کرتا جارہا ہے اور گذشتہ 24 گھنٹوں کے دوران ملک میں کورونا وائرس کے ریکارڈ 22،771 نئے کیسز سامنے آئے ہیں ، جس سے متاثرین کی مجموعی تعداد بڑھ کر 6.48 لاکھ ہوچکی ہے۔

ممبئی میں موسلا دھار بارش، 38 مقامات پر پانی بھرگیا، ٹریفک جام سے عوام کو پریشانی

گزشتہ روز صبح ممبئی میں تین گھنٹوں تک جاری رہنے والی شدید بارش کے بعد کم سے کم 38 مقامات پر پانی بھرگیا، جس سے اندھیری اور سائن میں تین مقامات پر بڑے پیمانے پر ٹریفک جام ہوگیا اور ٹریفک کا رخ موڑنا پڑا۔

دہلی میں کورونا کے معاملات 94000سے زیادہ، 2900سے زیادہ لوگو ں کی موت

کورونا وائرس (کووڈ۔19) کا قہر رکنے کا نام نہیں لے رہا ہے اور راجدھانی میں کل 2520نئے معاملے سامنے آنے کے بعد متاثرین کی تعداد جمعہ کو بڑھ کر 94000سے زیادہ ہوگئی ہے اور 59مزید لوگوں کی موت کے ساتھ مرنے والوں کی تعداد 2923ہوگئی ہے۔

بھٹکل میں نجی اسپتال کی نرس کو لگ گیا کورونا کا مرض۔ایس ایس ایل سی کی طالبہ نرس کی بیٹی کو کیا گیا ہوم کوارنٹین

ایک نجی اسپتال میں خدمات انجام دینے والی نرس کو کووِڈ کا مرض لاحق ہونے کے بعدایس ایس ایل سی کا امتحان دے رہی اس کی بیٹی کو امتحان سے باز رکھتے ہوئے ہوم کوارنٹین کیا گیا ہے۔

کورونا پر قابو پانا عوام کے اپنے ہاتھ میں ہے۔ بھٹکل میں قائم کیے جارہے ہیں ’مِنی فیور کلینک‘۔ اسسٹنٹ کمشنر کا بیان

اسسٹنٹ کمشنر بھرت ایس نے بھٹکل میں بگڑتی ہوئی کووِڈ کی صورت حال پر ایک پریس کانفرنس میں اظہار خیال کرتے ہوئے کہا کہ کورونا وباء کو قابو میں کرنا اب عوام کے اپنے ہاتھ میں ہے۔اور اگر عوام اس کو سنجیدگی سے لیں تو یہ کوئی مشکل کام بھی نہیں ہے۔