یلاپور،14؍جنوری (ایس او نیوز) ایک نجی بس میں سفر کے دوران کسی بھی قسم کے دستاویز کے بغیر50لاکھ روپے اپنے ساتھ لے جارہے  پانچ افراد کو یلاپور پولیس نے گرفتار کرلیا  اور ان کے قبضے میں موجود رقم ضبط کرلی گئی  ۔

موصولہ رپورٹ کے مطابق ملزمین کا تعلق گجرات کے مہسانہ اور احمد آباد سے ہے اور ان کے نام دنیش جی عرف دیپک پربھات جی ٹھاکور (34سال)، پنکج کمار عرف پرکاش راما بائی پٹیل (40سال)، گووند بائی ناتھ داس پٹیل (55سال) ، اوپندرا نارائن بائی پٹیل (47سال)  ہیں۔ 

پولیس کا کہنا ہے کہ ملزمین یہ رقم  گنیش ٹراویلس کمپنی ک بس کے ذریعے بیلگاوی سے منگلورو میں پہنچانے کے لئے لے جارہے تھے۔اس تعلق سے مصدقہ اطلاع ملنے پر  ہائی وے پر سفرسکےدوران بس کو روکتے ہوئے پولیس نے کارروائی کی تھی۔  ملزمین کے پاس سے کچھ موبائل فون بھی ضبط کیے گئے ہیں جن کی مالیت 23ہزار روپے بتائی گئی ہے۔  اس معاملے پر مزید کارروائی کےلئے انکم ٹیکس اورریوینیو محکمہ جات کو اطلاع دے دی گئی ہے۔