یلاپور:27؍ اکتوبر(ایس اؤ نیوز)سب رجسٹراردفتر کا عملہ پٹہ میں نام درج کرنے کےلئے رشوت مانگے جانے پر اچھوئیت کمار نامی شخص نے عملے کی ذہنیت کو بدلنے کےلئے تحصیلدار دفتر میں عوام کے پاس بھیک مانگتے ہوئے انوکھے طریقے سے احتجاج کیا۔
تٹگار دیہات کے دو بھائیوں نے اپنی زمین تقسیم کرلینے کے بعد پٹہ میں نام درج کرنے کےلئے رجسٹرار آفس پہنچے تو محکمہ روینیو کے ایک عملے نے ان سے 2ہزار روپئے رشوت مانگے جانے کی بات کہی ہے۔ دونوں بھائیوں میں سے ایک اچھویت کمار نے رشوت کے خلا ف احتجاج کرنے کے بجائے متعلقہ عملے کی ذہنیت کو بدلنے کےلئے وہیں دفتر میں موجود عوام سے بھیک مانگنے لگا۔ تحصیلدار شری کرشنا کامکر نے مداخلت کرتےہوئے اچھویت کمار کا کام کردیا۔ عوام سے جمع کردہ 136روپئے بھارتیہ ریڈ کراس ادارے کو دئیے گئے۔
معاملے کو لےکر تحصیلدار نے بتایا کہ اچھویت کمار کی طرف سے لگائے گئے الزام کے متعلق مجھے کوئی علم نہیں ہے کہ ہمارے دفتر کا کوئی عملہ رشوت مانگا ہو۔ عوام کے کام فوری نپٹا دئیے جاتےہیں ۔ اگر کوئی رشوت کی مانگ کرتاہےتو میرے علم میں لائیں یا پھر کرپشن بیورو میں شکایت درج کراسکتے ہیں۔