یلاپور میں پولیس نے ضبط کیے بغیر قانونی دستاویزات کے گجرات سے لائے جارہے جانور
یلاپور6/جولائی (ایس او نیوز)کسی قسم کے پرمٹ، پاس یا دوسرے قانونی دستاویزات کے بغیر گجرات سے لائے جانوروں کویلاپور پولیس نے ضبط کیا اور مشتاق عباس، جتیندرا رام جی بائی راول اور نہیش گجوجی ٹھاکر نامی تین ملزمین کو گرفتار کرلیا ہے۔
موصولہ رپورٹ کے مطابق ایک ٹرک میں 9بھینسیں لاد کر گجرات کے بھوج سے منگلورو کی طرف لے جائی جارہی تھیں۔پولیس نے رات کے وقت شہر کے جوڈوکیرے نامی علاقے کے قریب کارروائی کرتے ہوئے قانونی اجازت نامہ نہ ہونے کے باوجود ظالمانہ انداز میں جانوروں کو ٹرک میں ٹھونس کر ٹرانسپورٹ کرنے کے الزام میں بھینسیں ضبط کرلیں اورملزمین کے خلاف یلاپور پولیس اسٹیشن میں کیس درج کرلیا۔ضبط کی گئیں بھینسوں کی قیمت کا اندازہ 3.60 لاکھ روپے لگایا گیا ہے۔پولیس کو شبہ ہے کہ یہ جانور قربانی کے لئے منگلورو پہنچائے جارہے تھے۔