یلاپور:16؍اگست(ایس اؤ نیوز)تعلقہ کے بسگوڈوبرانچ کے مختص کردہ فاریسٹ علاقے سے قیمتی درختوں کی کٹائی کرکے اُسے سپلائی کرنے کے الزام میں فوریسٹ افسران نے چار افراد کو گرفتار کرلیا، البتہ ایک ملزم کی تلاش جاری ہے۔
گرفتار شدگان کی شناخت کالما نگر کے مکین اورجے ڈی ایس تعلقہ صدر روی چندر کرشنا نائک، تلم گار کے منجوناتھ ماستی پٹگار، ادھیم نگر کے منجوناتھ دیوی داس گوڈا اور بنواسی گرام پنچایت حدود کے منڈیگہلی کے ہلیا بوموگوڈا کی حیثیت سے کی گئی ہے۔ شہری علاقے کا مکین تمنا گنپتی گوڈا نامی ملزم فرار بتایاگیا ہے۔
فوریسٹ افسران نے ملزمان سے 1.380مربع میٹر پیمائش کے 21ساگوانی درختوں کے لکڑیاں اور 0.627مربع میٹر پیمائش کے 11سیسم درختوں کے تنوں کو ضبط کرلینے کے علاوہ کارستانی کے لئے استعمال کئے گئے تین بائک، ایک پک اپ سواری کو بھی تحویل میں لیا ہے۔ ضبط شدہ لکڑیوں کی قیمت اندازاً 3لاکھ روپئے اور سواریوں کی قیمت اندازاً 5لاکھ روپئے بتائی گئی ہے۔
فوریسٹ افسر گوپال کرشنا ہیگڈے نے بتایا کہ قومی تہواروں کے موقع پر جنگلات میں لکڑیوں کی چوری کی مصدقہ خبر پر فوریسٹ افسران کڑی نگرانی کررہے تھے۔ اسی کا نتیجہ ہے کہ یہ فوریسٹ عملہ نے چار لوگوں کو لکڑیوں سمیت گرفتار کیا۔
ڈی سی ایف گوپال کرشنا ہیگڈے اور اے سی ایف اشوک بھٹ کی رہنمائی میں آر ایف اؤ بال سبرامنیا کی قیادت میں کارروائی انجام دی گئی۔ فاریسٹ عملہ چندرکانت شانتارام نائک، اشوک شرگانوی ، بسولنگپا ، الطاف ، شری نواس، اشوک ، سنجئے کمار، ناگراج ،الماس ، سنیل وغیرہ کارروائی میں شریک تھے۔