یلاپور میں آنگن واڑی کارکن کا چاقو گھونپ کرقتل : ملزم گرفتار
یلاپور: 18ستمبر(ایس اؤ نیوز)تعلقہ کے سرسی روڈ کے سرحدی علاقے توڈوگنی میں جمعرات کی رات ایک عورت کا چھرا گھونپ کر قتل کئے جانے کا واقعہ پیش آیا ہے۔ مقتولہ کی شناخت سروجا اشوک نائر (45)کی حیثیت کی گئی ہے۔
موصولہ اطلاعات کے مطابق سروجا نائر آنگن واڑی مرکز میں معاون کی حیثیت سے ملازم تھی۔ جب کہ ملزم کی شناخت سرسی تعلقہ بنواسی روڈ کریکوپا کے مکین کرشنا سبا نائک (46) بتائی گئی ہے۔ذرائع سے پتہ چلا ہےکہ یلاپور تعلقہ تارے ہلی ،توڈوگنی کی راما نائر (67) کی دوسری بیٹی منگلا کے ساتھ ملزم گوا میں مقیم تھا۔ ہمیشہ مارنا، ستانا ، ہراساں کیا کرتاتھا اور قتل کرنےکی دھمکی بھی دیاکرتاتھا۔ حالات سے خوف کھائی منگلا ڈیڑھ ماہ پہلے اپنے بیٹے کے ساتھ گوا سے نکل کر توڈوگنی میں اپنی بہن کے ہاں قیام تھی۔
بتایا جارہاہےکہ ملزم قاتل ہاتھوں میں چاقو تھامے قتل کے ارادے سے ہی زور زبردستی گھر میں گھس گیا، گھر میں منگلا نظر نہیں آئی تو اس کی آپا سروجا سے جھگڑا کیا اور منگلا کو گوا نہیں بھیجنے پر مشتعل ہوکر سروجا کے پیٹ میں زور سے چاقو گھونپ دیا۔ جس کے بعد سروجا وہیں ڈھیر ہوگئی ۔ اس کے بعد منگلا کے بیٹے اکشئے زبردستی اٹھا کر لے گیاہے۔ معاملے کو لےکر یلاپور پولس تھانے میں کیس درج ہواہے۔ پولس نے پوکسو کے تحت مقدمہ درج کرلینے کے بعد جانچ میں جٹی ہوئی ہے۔ فوری حرکت میں آئی پولس اکشئے کی حفاظت کرنے کے ساتھ ساتھ ملزم کرشنا کو چَوتِّی کے قریب گرفتارکیا ۔کاروار سےماہرین کی ٹیم جاسوسی کتوں اور فنگر پرنٹس ماہرین کے ساتھ جائے وقوع پہنچ کر معائنہ کیا ہے۔