نیوزی لینڈ نے آئی سی سی عالمی ٹیسٹ چیمپئن شپ اپنے نام کی، ہندوستان کو 8 وکٹ سے شکست

Source: S.O. News Service | Published on 24th June 2021, 12:00 PM | اسپورٹس |

ساؤتھمپٹن،24؍جون (ایس او نیوز؍ایجنسی)  تیز گیند باز ٹِم ساوٌتھی کی قیادت میں گیند بازوں کی لاجواب کارکردگی کی بدولت نیوزی لینڈ نے ہندوستان کو آئی سی سی عالمی ٹیسٹ چیمپئن شپ فائنل کے چھٹے اور آخری دن بدھ کے روز دوسری اننگ میں 170 رن پر سمیٹ دیا جس سے اسے عالمی ٹیسٹ چیمپئن بننے کے لیے 139 رن کا ہدف ملا اور اس ہدف کو اس نے 45.5 اوور میں دو وکٹ کے نقصان پر 140 رن بنا کر حاصل کر لیا۔ اس طرح نیوزی لینڈ نے پہلا آئی سی سی عالمی ٹیسٹ چیمپئن بننے کا اعزاز اپنے نام کیا۔

کین ولیمسن نے اس فتح کے ساتھ وراٹ کوہلی کا پہلا آئی سی سی خطاب جیتنے کا خواب چکنا چور کر دیا۔ وراٹ کو 2019 میں انگلینڈ میں ہوئے عالمی کپ کے سیمی فائنل میں نیوزی لینڈ کے ہاتھوں شکست کا سامنا کرنا پڑا تھا۔ ہندوستان کا 2013 میں آئی سی سی چیمپئنس ٹرافی جیتنے کے بعد اگلا آئی سی سی خطاب جیتنے کا انتظار مسلسل دراز ہوتا جا رہا ہے۔

اس فائنل میں ایک اضافی دن چھٹے اور ریزرو دن کے طور پر جوڑا گیا تھا۔ میچ میں پہلے اور چوتھے دن کا کھیل پوری طرح بارش کی نذر ہو گیا تھا اور باقی تین دن بھی بارش مخل ہوئی لیکن میچ کے چھٹے اور ریزرو دن موسم مکمل صاف رہا اور نیوزی لینڈ نے ہندوستان کو دوسری پاری میں 170 رن پر نمٹا کر خطاب اپنے نام کر لیا۔

ہدف کا تعاقب کرنے اترے نیوزی لینڈ کو آف اسپنر روی چندرن اشون نے پہلی دو کامیابیاں حاصل کرکے دو شروعاتی جھٹکے دیے لیکن کپتان ولیمسن نے راس ٹیلر کے ساتھ 96 رن کی بہترین شراکت داری کرکے پہلا عالمی ٹیسٹ چیمپئن شپ خطاب نیوزی لینڈ کی جھولی میں ڈال دیا۔

ایک نظر اس پر بھی

کرشنا ناگر نے ٹوکیو پیرالمپکس میں ہندوستان کو دلایا پانچواں طلائی تمغہ

ٹوکیو پیرالمپکس میں ہندوستان کے کرشنا ناگر نے تاریخ رقم کرتے ہوئے ہندوستان کو پانچواں طلائی تمغہ دلا دیا ہے۔ کرشنا ناگر نے اتوار کے روز بیڈمنٹن کے مردوں کے سنگلز (ایس ایچ-6) مقاملہ کے فائنل میں ہانگ کانگ کے چو من کائی کو ہراکر گولڈ جیتا۔

پیرالمپکس: طلائی سے چوکے نوئیڈا کے ڈی ایم سہاس، ہندوستان کو دلایا چاندی کا تمغہ

  ہندوستانی بیڈمنٹن پیرا کھلاڑی اور گوتم بدھ نگر کے ضلع مجسٹریٹ سہاس ایل یتی راج ٹوکیو پیرالمپکس کے فائنل مقابلہ میں فرانس کے پیرا کھلاڑی لوکاس مزور سے ہار گئے اور انہیں چاندی کے تمغے پر ہی اکتفا کرنا پڑا۔

ٹی-20 کرکٹ میں بنگلہ دیشی گیندبازوں کا قہر، نیوزی لینڈ کو 7 وکٹوں سے ملی شکست

گیندبازوں کی عمدہ گیندبازی اور بلے بازوں کی بہترین اننگز کی بدولت میزبان بنگلہ دیش نے بدھ کو یہاں شیر بنگلہ نیشنل اسٹیڈیم میں پہلے ٹی-20 میں نیوزی لینڈ کو7  وکٹوں سے شکست دے دی۔ پہلے بلے بازی کرتے ہوئے نیوزی لینڈ کی ٹیم بنگلہ دیش کی شاندار گیندبازی کے سامنے پوری طرح بے بس ...