مانچسٹ،27؍جون (ایس او نیوز؍ایجنسی) آئی سی سی ورلڈ کپ 2019 ءکے 34ویں میچ میں ہندوستان نے ویسٹ انڈیز کو 125رنز سے شکست دیدی۔269رنز کے ہدف کے تعاقب میں ویسٹ انڈیز کی بیٹنگ شروع ہوئی تو انڈین بولرز نے شروع سے ہی بہترین بولنگ کا مظاہرہ کیا ۔سب سے پہلے گیل نے پانچویں اوور میں چھ رنز پر وکٹ گنوا دی۔دوسرے نمبر پر آنے والے کھلاڑی ہوپ بھی پانچ رنز بنا پائے تھے کہ شامی کی گیند پر بولڈ ہو گئے۔
اوپنر ایمبریس نے ٹیم کو سہارا دینے کو کوشش کی مگر وہ بھی 31 رنز پر ایل بی ڈبلیو ہو گئے۔پوران نے انڈین باﺅلرز کو سمجھ کر کھیلنے کی کوشش کی اور ٹیم کے مجموعی سکور میں 28 رنز کا اضافہ کیا،شامی نے یادیو کی گیند پر انکا کیچ پکڑا،ہولڈر بھی چھ رنز بنا کر چاہل کی گیند پر کیچ پکڑوا کر چلتے بنے،براتھویٹ بھی صرف ایک رن بنا کر بمراہ کا شکار بن گئے ،اگلی گیند پر فابیئن ایلن ایل بی ڈبلیو آﺅٹ ہوگئے،ہیٹمائر18رنز بنا کر محمد شامی کے ہاتھوں پوویلین لوٹے،کوٹریل10رنز پر بنا کر چاہل کی دوسری وکٹ بنے،اس سے قبل مانچسٹر کے اولڈ ٹریفورڈ گراﺅنڈ میں کھیلے جارہے میچ میں بھارتی کپتان ویرات کوہلی نے ٹاس جیت کر پہلے بیٹنگ کا فیصلہ کیا تو کے ایل راہل اور روہت شرما نے اننگز کا آغاز کیا۔
ہندوستانی ٹیم کو اچھا آغاز فراہم نہ کرسکے، ٹیم کا مجموعی سکور 29 تک پہنچا تو روہت شرما 18 رنز بنا کر کیمار روچ کا شکار بن گئے،دوسرے اوپنر کے ایل راہول بھی 48 رنز بنا کر ہولڈر کی گیند پر بولڈ ہوگئے،نئے آنے والے بلے باز وجے شنکر اور کیدار جادیو بھی زیادہ دیر کریز پر ٹھہر سکے اور دونوں کھلاڑی بالترتیب 18 اور 7 رنز بنا کر آﺅٹ ہوئے،کپتان ویرات کوہلی نے ایک بار پھرشاندار بیٹنگ کا مظاہرہ کرتے ہوئے ٹورنامنٹ میں چوتھی لگاتار نصف سنچری مکمل کی تاہم وہ ایک با ر پھرسنچری نہ بنا سکے اور72رنز بنا کر آﺅٹ ہوئے،ہاردک پانڈیا اور دھونی نے چھٹی وکٹ کے لیے70رنز جوڑے جس کے بعد پانڈیا46رنز بنا کر آﺅٹ ہوئے،محمد شامی بغیر کوئی رن بنائے کوٹریل کی دوسری وکٹ بنے،دھونی نے شاندار بیٹنگ کا مظاہرہ کرتے ہوئے نصف سنچری مکمل کی اور 2 چھکوں اور تین چوکوں کی مدد سے 56رنز بنائے جس کی بدولت بھارتی ٹیم مقررہ اوورز میں 7 وکٹوں کے نقصان پر 268رنز بنانے میں کامیاب رہی۔
ویسٹ انڈیز کی جانب سے کیماروچ تین وکٹیں لے کر سب سے کامیاب باﺅلر رہے جبکہ شیلڈن کوٹریل اور ہولڈر نے دو، دو وکٹیں لیں۔ایونٹ میں ونڈیز کل 6 میچوں میں سے اب تک ایک ہی میچ میں کامیابی حاصل کر سکی ہے جبکہ بھارت نے 5 میچز میں سے 4 میں کامیابی حاصل کی۔پوائنٹس ٹیبل میں ویسٹ انڈیز کل 3 پوائنٹس کے ساتھ آٹھویں جبکہ ہندوستان11پوائنٹس کے ساتھ دوسترے نمبر پر براجمان ہے۔