انگلینڈ کو شکست دے کر کروشیا پہلی مرتبہ فٹبال ورلڈ کپ کے فائنل میں پہنچ گیا

Source: S.O. News Service | By Shahid Mukhtesar | Published on 12th July 2018, 12:39 PM | اسپورٹس |

ماسکو ،12؍جولائی (ایجنسی) دوسرے سیمی فائنل میں دلچسپ مقابلے کے بعد کروشیا نے اضافی وقت میں انگلینڈ کو دو ایک سے شکست دی اور پہلی بار فائنل میں پہنچا۔

ماسکو میں کھیلے گئے سیمی فائنل کا آغاز تیز رفتاری سے ہوا اور انگلینڈ نے پانچویں منٹ میں ہی برتری حاصل کرلی، یہ گول ٹری پیئر نے کارنر کک پر ہیڈ کے ذریعے کیا۔

اس کے بعد کروشین ٹیم نے بھی حملے کیے مگر اُن کے کھلاڑیوں کی کوششیں کامیاب نہیں ہوسکیں اور پہلے ہاف میں انگلینڈ کو برتری حاصل رہی۔

دوسرے ہاف میں کروشیا کی ٹیم گول برابر کرنے میں کامیاب ہوئی، یہ گول پریچچ نے کیا اور مقررہ وقت میں مقابلہ ایک، ایک گول سے برابر رہا۔

میچ کو فیصلہ کن بنانے کے لیے اضافی وقت دیا گیا، جس کے دوسرے ہاف میں کروشیا کے تجربہ کار اور اسٹار کھلاڑی مینزوکچ نے گیند حریف ٹیم کے جال میں پہنچا کر ٹیم کو برتری دلا دی جو آخر وقت تک قائم رہی۔

یوں کروشیا نے میگا ایونٹ کے فائنل کے لیے کوالیفائی کرلیا، جہاں اتوار 15 جولائی کو اس کا مقابلہ فرانس سے ہوگا۔

دوسری جانب انگلینڈ کی ٹیم ہفتہ 14 جولائی کو پہلے سیمی فائنل میں فرانس سے شکست کھانے والی بیلجیئم سے تیسری پوزیشن کا میچ کھیلے گی۔

ایک نظر اس پر بھی

بنگلورومیں چناسوامی اسٹیڈیم ڈے نائٹ کرکٹ میچ، ٹرافک نظام میں تبدیلی

بروز اتوار آج بنگلورمیں چناسوامی کرکٹ اسٹڈیم میں کھیلے جارہے ہند آسٹریلیا ڈے اینڈ نائٹ کرکٹ میچ کے پیش نظر کرکٹ اسٹڈیم کے اطراف پارکنگ نظام میں پولس نے چند تبدیلیاں کی ہیں اور میچ کے لئے آنے والوں کی گاڑیوں کی پارکنگ کے لئے مختلف مقامات پر پارکنگ کی سہولت فراہم کی-

ہندوستان نے آسٹریلیاکو دوسرے میچ میں 36 رنوں شکت دیدی

سلامی بلے باز شیکھر دھون (96) ، کپتان وراٹ کوہلی (78) اور لوکیش راہل (80) کی شاندار نصف سنچریوں کے بعد گیند بازوں کی عمدہ کاکردگی کی بدولت ہندوستان نے آسٹریلیا کو تین ون ڈے میچوں کی سیریز کے دوسرے میچ میں راجکوٹ میں شکت دیدی ہے ۔

آسٹریلیا نے ہندوستان کو 10وکٹ سے شکست دی،ڈیوڈ وارنراور اورن فنچ کی زبردست سنچریوں

سلامی بلے باز ڈیوڈ وارنر(ناٹ آؤٹ 128) اور اورن فنچ (ناٹ آؤٹ 110) کی زبردست سنچریوں اور ان کے درمیان 258 رنوں کی شاندار شراکت کی بنیاد پر آسٹریلیا نے ہندوستان کو پہلے یک روزہ میچ میں منگل کے روز 10 وکٹ سے زبردست شکست دی۔