اوڈینس ،20؍اکتوبر (ایس او نیوز؍آئی این ایس انڈیا) سائنا نہوال نے کہا کہ گلاسگو عالمی چمپئن شپ نے انہیں محسوس کرایا کہ انہیں ٹاپ 10 میں اپنے جگہ میں واپسی کرنے کیلئے اہم کھلاڑیوں کوہرانے کے مدنظر اپنے اسٹیمنا پر کام کرنیکی ضرورت ہے۔ دنیا کی سابق نمبرون سائنا نے کہاکہ مجھے شروع میں مشکل کھلاڑیوں سے کھیلنا پڑا کیونکہ میں ابھی 12ویں رینکنگ پرہوں کافی کھلاڑی جو مجھ سے رینکنگ میں نیچے ہیں۔ انہیں اچھا ڈرا مل رہا ہے اور میچ سے پہلے میں سوچ رہی تھی کہ اے بھگوان مجھی اتنا مشکل ڈرا مل رہا ہے۔ لیکن میں جانتی ہوں کہ مجھے ٹاپ 10 میں واپسی کرنے کیلئے مشکل کھلاڑیوں کو ہراناہوگا۔ انہوں نے کہاکہ عالمی چمپئن شپ نے مجھے سبق سکھایا کہ مجھے اپنے ا سٹیمنا پر زیادہ محنت کرنی ہوگی۔ مجھے لگتا کہ میرے شاٹ بھی تیز نہیں تھے۔ دیکھئے ذرا نوجومی اوکہارا ، کیرولنا اور سندھو میں بہتری دیکھئے وہ جس طرح سے بڑی ریلیاں کھیل رہی ہیں۔ میں خوش ہوں کہ میں تھوڑا قریب پہنچی ہوں لیکن مجھے ابھی کافی بہتری کرنی ہے۔