بھٹکل میں سول سروس ورکشاپ کا شاندار افتتاح؛ کئی اعلیٰ سرکاری آفسران کی شرکت؛ تیس سے زائد سیشنس

Source: S.O. News Service | By Abu Aisha | Published on 24th September 2017, 8:34 PM | ساحلی خبریں |

بھٹکل:24/ستمبر (ایس اؤنیوز) بھٹکل منکولی کے شری ناگ یکشھا ہال میں جے ڈی نائک ابھیمانی بلگا کے زیراہتمام  ’’سول سرویس خواہش مندوں کے لئے کوئی خواب نہیں ‘‘نامی ورکشاپ کا شاندار افتتاح عمل میں آیا  جس میں ملک کے مختلف حصوں سے کئی ایک اعلیٰ سرکاری آفسران نے شرکت کرتے ہوئے  سول سروس میں جانے کے خواہشمند طلبا سے خطاب کرتے ہوئے  اُنہیں کئی مفید باتوں اور مشوروں سے نوازا۔

ورکشاپ کا افتتاح کرتے ہوئے  مدھیہ پردیش بروانی ضلع کی ڈپٹی کمشنر ڈاکٹر تیجسوی نائک نے خطاب کرتے ہوئے طلبہ سے کہا کہ وہ  پست خیالات  اور غلط سوچ سے باہر نکلے۔ انہوں نے کہا کہ اگر آپ کے ارادے مضبوط ہیں، ذہنیت مستحکم ہے، عزم و حوصلہ اپ کے اندر موجود ہے تو پھر یہ ممکن ہی نہیں ہے اپ کو اپنی منزل پر جانے سے کوئی روک سکے۔

 موصوفہ ڈی سی نےکہاکہ طلبا کو اپنے مستقبل کی کامیابی کے لئے 7سے 10سال مختص کرنے ہیں، 10سال بعد ہمیں کہاں رہنا ہے اس کی پلاننگ  پہلے سے طئے کرنی ہوگی۔ ہمارے اندر جو بھی تعمیری ،مثبت صلاحیتیں اور قابلیتیں موجود ہیں، اُن سب کو یکجا کرکے پیش آنے والے چیلنجس کا مقابلہ کرنا ہوگا، اُور اُسی کے مطابق  آگے بڑھنا ہوگا، ایسا کرنے سے ہی  کامیابی یقینی ہوگی۔

انہوں نے بتایا کہ آج کل طلبہ کا رحجان  میڈیکل اور سافٹ وئیر کی طرف  زیادہ ہے ، اگر ہمارا رحجان  سول سرویس کی طرف بھی ہوجائے اور آپ اس کو مشکل نہ سمجھتے ہوئے کوشش کریں تو یہاں بھی کئی بہترین مواقع ہیں ۔ انہوں نے بھٹکل اور اطراف  کے طلبا سے اس ورکشاپ سے رہنمائی حاصل کرنے کی بات کہی۔

مہاراشٹرا حکومت کے وزیر مہا دیو جانکر نے خطاب کرتے ہوئے کہاکہ صرف وزراء سے ملک ترقی نہیں پاتا، سوامی وویکانند اور نارائن گرو جیسے لوگ بھی سماج کے اندر ہونے  چاہئے۔ انہوں نے طلبہ پر زور دیا کہ وہ اپنے  اندر خود اعتمادی پیدا کریں۔

سابق رکن اسمبلی جے ڈی نائک نے اپنے خطاب میں تمام طلبہ سے اپیل کی کہ وہ  ورکشاپ میں شریک ہونے والے تمام  اعلیٰ افسران  سے استفادہ کریں۔ ڈائس پر ڈپٹی پاسپورٹ آفیسر راجیش نائک، ریلوے محکمہ کے آفیسر ڈاکٹر کارتیک ہیگڈے ، ڈی ایف اؤ گنپتی نائک، گوا کسٹم محکمہ کے ڈپٹی  کمشنر پرینتی سنکر، اُڈپی کی اسسٹنٹ کمشنر شلپا ناگ، گوا ہوائی اڈے کے کسٹم اور مرکزی ایکسائز معاون کمشنر راگھویندر رائیکر، ونود جی کے، کورو جین، چیتن، مادیش بنگلورو، ڈی سی لنگنا ، سنگھا کے صدر ناگیش دیواڑیگا، انپا گلیری ، نچلی مکی وینکٹ رمن مندر انتظامیہ کے صدر ایم آر نائک موجود تھے۔ کنڑا ساہتیہ پریشد کے صدر گنگادھر نائک نے افتتاحی کلمات پیش کئے ۔ شری دھر شیٹھ نے استقبال کیا، منجولاشرور نے نظامت کی۔

ورکشاپ میں مختلف عنوانات کے تحت تیس سے زائد سیشن رکھے گئے تھے، 20 سے زائد آئی اے ایس، آئی پی ایس اوردیگر اعلیٰ آفسران نے طلبہ کو سمجھا یا کہ یوپی ایس سی کا امتحان کیسے دینا ہے، تیاری کیسے کرنی ہے؟   اُمیدواروں کا انتخاب کس بنیاد پر ہوتا ہے، کس طرح کے سوالات پوچھے جاتے ہیں۔ امتحانات کب اور کہاں کہاں ہوتے ہیں۔ ضلع شموگہ، اُڈپی،  دکشن کنڑا اور  اُترکنڑا کے مختلف کالجس کے طلبہ و طالبات نے ورکشاپ میں  حصہ لیا۔ مسلم طلبہ و طالبات کی بھی خاصی تعداد نظر آئیں۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...