خواتین کا عالمی دن، دنیا بھر میں احتجاجی ریلیاں
لندن:08 /مارچ(ایس اونیوز /آئی این ایس انڈیا)خواتین کے عالمی دن کے موقع پر دنیا کے متعدد ممالک میں خواتین کے حقوق کے لیے احتجاجی ریلیوں کا اہتمام کیا گیا۔ فلپائن میں ہزاروں خواتین نے صدر روڈریکو ڈوٹیرٹے کے خلاف احتجاج کیا کیوں کہ وہ متعدد مرتبہ خواتین مخالف بیانات دے چکے ہیں۔ اسپین میں صنفی مساوات کے حق میں ہزاروں خواتین احتجاجی ریلیوں میں شریک ہوئیں۔ اسی طرح جرمن دارالحکومت برلن میں بھی ایک بڑی ریلی نکالی جائے گی۔ کمبوڈیا کی حکومت نے ایسی کوئی بھی ریلی نکالنے کی اجازت دینے سے انکار کر دیا ہے۔