کاروار:5؍اگست(ایس اؤ نیوز)آزادی کے امرت مہوتسوا کےلئے ضلع بھر میں قومی پرچم تیار کرکے فراہم کرنے کے لئے ضلع انتظامیہ اور ضلع پنچایت نے تیاری مکمل کرلی ہے۔ضلع کی خواتین رضاکار گروپ کی ممبران قومی پرچم کی تیاری میں مصروف ہیں۔ 

مرکزی اور ریاستی حکومتوں کی جانب سےخصوصی ہدایات نے ابھیان کو متحرک کردیا ہے۔ اترکنڑا ضلع کے سنجیونی خواتین  رضاکار گروپس کی عورتیں جھنڈوں کی تیاری میں مصروف ہیں تاکہ ضلع کے ہرگھر میں احترام کے ساتھ قومی پرچم لہرایاجاسکے۔ ملک کی آزادی کو 75برس مکمل ہونےپر خصوصی تقریبات کا اہتمام کرتےہوئے آزادی کا امرت مہوتسوا منایاجارہاہے اس سلسلےمیں ہر گھر کے اوپر 13اگست سے 15اگست تک قومی پرچم لہراتےہوئے وطن سے محبت کا اظہار کرنا مقصود ہے۔ اترکنڑا ضلع میں سنجیونی خواتین رضاکار محاذ کی خاتون ممبران کی طرف سے تیار کردہ قومی پرچم ہر تعلقہ کی ہر ایک گرام پنچایت کو 260کے مطابق ضلع کی 229گرام پنچایتوں کو کل 60ہزار قومی پرچم تیارکرکے فراہم کئے جانےکا منصوبہ تشکیل دیاگیا ہے۔

ضلع   میں قومی پرچم تیار کرنےکا کام انکولہ تعلقہ آورسا کی دیہات کاتییانی سنجیونی گرام پنچایت محاذ اور کمٹہ تعلقہ کاگل  دیہات کی مکرند سنجیونی گرام پنچایت محاذ کے ذریعے جاری ہے۔ ہرایک محاذ میں 85سے 90خاتون ممبران قومی پرچم کی تیار ی میں مشغول ہیں۔ ضلع کے دیگر تعلقہ جات کو قومی پرچم فراہم کرنے کےلئے متعلقہ تعلقہ کی ایک گرام پنچایت سطح کے محاذ کو نوڈل کے طورپر منتخب کرتےہوئے انہیں تعلقہ کی ہر گرام پنچایتوں کو قومی پرچم فراہم کرنےکی ذمہ داری دی گئی ہے۔ اس موقع پر خاتون ممبران نے اظہار خیال کرتےہوئےکہاکہ قومی پرچم تیارکرنےکی ذمہ داری سنبھالتےہوئے ہمیں بھی اپنے ملک کی خدمت کرنےکا ایک موقع دیا گیا ہے جس پر ہم خوشی کا اظہار کرتےہیں۔

سی ای اؤ نوٹ: ’’ہر گھر ترنگا ‘‘ابھیان کےسلسلےمیں ضلع انتظامیہ ، ضلع پنچایت پوری تیاریاں مکمل کرلی ہیں۔ سال2022کے 75 ویں آزادی کے امرت مہوتسوا کی مناسبت سے خاتون رضاکار کی طرف سے تیار کردہ قومی پرچم ہر گھر پر لہرایا جائے گا۔ اس طرح ملک کا ہر شہری قومی یک جہتی اور حب الوطنی کا اظہار کرسکے گا۔