بھٹکل میں سانپ ڈسنے سے خاتون کی موت
بھٹکل 12 جنوری (ایس او نیوز) کھیت میں کام کرنے کےدوران اچانک زہریلا سانپ ڈس جانے سے ایک خاتون کی موت واقع ہوگئی جس کی شناخت مرڈیشور پولس تھانہ حدود کے کٹگار کوپّا کی رہنی والی منگلا تمپا گونڈا (43) کی حیثیت سے کی گئی ہے۔
ذرائع سے ملی اطلاع کے مطابق منگلا کھیت میں ہر روز کی طرف کام کررہی تھی کہ اچانک سانپ نے ڈس لیا، خاتون کو شدید زخمی حالت میں بھٹکل سرکاری اسپتال لے جانے کی کوشش کی گئی، مگر زہر اس کے بدن میں اتنی تیزی کے ساتھ سرایت کرگیا کہ اسپتال پہنچنے سے پہلے ہی خاتون نے دم توڑ دیا۔
خاتون کو شوہر سمیت تین بچے ہیں۔
بھٹکل مرڈیشور پولس تھانہ میں اس تعلق سے معاملہ درج کیا گیا ہے اور پولس سب انسپکٹر رویندرا برادر چھان بین کررہے ہیں۔