اڈپی: تھوڑی سے علالت کے بعد واقع ہوئی خاتون کی موت۔ گھر والوں نے لگایا ڈاکٹروں پر کوتاہی کا الزام

Source: S.O. News Service | By I.G. Bhatkali | Published on 23rd August 2020, 8:26 PM | ساحلی خبریں | ان خبروں کو پڑھنا مت بھولئے |

اڈپی 23/اگست (ایس او نیوز) ذراسی علالت اور اسپتا ل میں علاج کے بعد ایک خاتون کی موت واقع ہوگئی جس کے بعد اس کے گھروالوں نے طبی بے پروائی کا الزام عائد کرتے ہوئے سٹی پولیس اسٹیشن میں شکایت درج کروائی ہے۔

 بتایا جاتا ہے کہ رکشا (26 سال) دو تین دن سے کچھ بیمار تھی۔ اس کو علاج کے لئے21اگست کے دن مشن اسپتال میں لے جایا گیا۔ ڈاکٹر سے معائنہ کروانے اور دوائی لینے کے بعد اس کو واپس گھر لے جایا گیا۔لیکن گھر آنے کے بعد جب وہ بے ہوش ہوگئی اور کسی کے بھی پکارنے پر کوئی ردعمل ظاہر نہیں کیا تو اس کو واپس مشن اسپتال لے جایا گیا اور پھر وہاں سے آدرش اسپتال میں منتقل کیا گیا جہاں ڈاکٹر وں نے اس کی موت واقع ہونے کی توثیق کردی۔

 اس کے بعدرکشا کے گھروالوں نے مشن اسپتال کے ڈاکٹروں پر غفلت اور کوتاہی برتنے اور اس کی اچانک موت کا سبب بننے کا الزام لگاتے ہوئے بتایا کہ: ”رکشا کو جب مشن اسپتال میں ڈاکٹر نے انجکشن لگایا تھا تو اسی وقت وہ بے ہوش ہوگئی تھی۔ لیکن جب ہم دوبارہ مشن اسپتال میں گئے اور اس انجکشن کے بارے میں پوچھا تو اسپتال کے ذمہ داروں نے بتایا کہ جس ڈاکٹر نے انجکشن لگایا تھا وہ اس وقت دستیاب نہیں ہے۔ پھر جب ہم رکشا کو آدرش اسپتال میں لے گئے تو وہاں پر ڈاکٹروں نے بتایا کہ اس کی موت ہو چکی ہے۔“گھر والوں کی شکایت پر سٹی پولیس اسٹیشن میں شکایت رجسٹر کردی گئی ہے۔ بی جے پی یووامورچہ کے مقامی نائب صدر اور رکشا کے شوہر شیوا پرساد کے علاوہ کانگریس لیڈر رمیش کنچن اور رکشا کے رشتے داروں نے اس معاملے کی مناسب تحقیقات اور انصاف دلانے کا مطالبہ کیا ہے۔

 بعض ذرائع سے معلوم ہوا ہے کہ رکشا کا کووڈ ریپیڈ ٹیسٹ نگیٹیو نکلا تھا جبکہ لیباریٹری جانچ سے اس کی رپورٹ پوزیٹیو آئی ہے۔مشن اسپتال اڈپی کے ڈائریکٹر سوشیل جاتھنا نے بتایا کہ:” 21اگست کی صبح 6 بجے رکشا کو سردرد اور پیٹ درد کی شکایت کے ساتھ مشن اسپتال میں لایا گیا تھا۔ ہم نے اسے پیٹ درد کے لئے ایک انجکشن اور کچھ دوائی دی۔ 6.40بجے وہ واپس گھر چلی گئی۔ پھر 9.30بجے اس کوبے ہوشی کی حالت میں واپس اسپتال میں لایا گیا۔ سینئر ڈاکٹروں نے معائنے کے بعد کچھ جانچ کروانے کی ہدایت کی تو گھروالے انکار کرتے ہوئے کسی اور اسپتال میں لے گئے۔ہم خود بھی جاننا چاہتے ہیں کہ اس کی موت کیسے واقع ہوگئی۔ ہم لوگ پوسٹ مارٹم رپورٹ کا انتظار کررہے ہیں۔ ہم کسی بھی قسم کی تحقیقات کے لئے افسران کے ساتھ تعاون کرنے کے لئے تیار ہیں۔“
 

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...

لوک سبھا انتخاب 2024: کانگریس نے امیدواروں کی ساتویں فہرست جاری کی، اب تک 197 امیدواروں کا ہو چکا اعلان

لوک سبھا کی 543 سیٹوں کے لیے 19 اپریل سے یکم جون کے درمیان سات مراحل میں ووٹ ڈالے جائیں گے اور اس تعلق سے سبھی سیاسی پارٹیوں کی سرگرمیاں عروج پر ہیں۔ پارٹیاں لگاتار اپنے امیدواروں کے ناموں کا اعلان کر رہی ہیں۔ اس درمیان کانگریس نے امیدواروں کی ساتویں فہرست آج جاری کر دی جس میں ...