بھٹکل تعلقہ میں چوہے کی دوا کھانے سے عورت ہلاک
بھٹکل:7؍ستمبر(ایس اؤ نیوز) مرض میں مبتلا ایک عورت بیماری سے تنگ آکر چوہے کی دوا کھا کر ہلاک ہونے کاواقعہ ماوین کوروے گرام پنچایت حدود کے لگوڈ میں پیش آیا ہے۔
مہلوک عورت کی شناخت ناگوینی کیشوو کھاروی (55) بتائی گئی ہے۔ موصولہ اطلاع کے مطابق ناگوینی سینے اور کمر کے درد میں مبتلا تھی ، ایک عرصہ تک دوائی لینے کے بعد بھی صحت یابی نہیں ملنے سے کافی بیزار ہوتےہوئے دباؤ کا شکار ہونےکی بات کہی جارہی ہے۔ ناگوینی جب چوہےکی دوا کھائی تو فوری طورپر منگلورو کے وینلاک اسپتال میں علاج کے داخل کیاگیا تھا لیکن علاج کارگر نہیں ہونےکی وجہ سے موت ہوگئی ۔ اس سلسلےمیں ان کے بیٹے راجیش کھاروی نے پولس کو شکایت دی ہے۔ بھٹکل دیہی پولس تھانے میں کیس درج کرلینےکے بعد جانچ کی جارہی ہے۔